Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 2.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 2.)

Παχύτητι δὲ καὶ λεπτότητι, ξυμπάσησ τῆσ κεφαλῆσ τὸ ὀστέον λεπτότατόν ἐστιν καὶ ἀσθενέστατον τὸ κατὰ βρέγμα, καὶ σάρκα ὀλιγίστην καὶ λεπτοτάτην ἔχει ἐφ’ ἑωυτέῳ ταύτῃ τῆσ κεφαλῆσ τὸ ὀστέον, καὶ ὁ ἐγκέφαλοσ κατὰ τοῦτο τῆσ κεφαλῆσ πλεῖστοσ ὕπεστιν. Καὶ δὴ, ὅτι οὕτω ταῦτα ἔχει, τῶν τε τρωσίων καὶ τῶν βελέων ἴσων τε ἐόντων κατὰ μεγέθοσ, καὶ ἐλασσόνων, καὶ ὁμοίωσ τε τρωθεὶσ καὶ ἧσσον, τὸ ὀστέον ταύτῃ τῆσ κεφαλῆσ φλᾶταί τε μᾶλλον καὶ Ῥήγνυται, καὶ ἔσω ἐσφλᾶται, καὶ θανασιμώτερά ἐστι καὶ χαλεπώτερα ἰητρεύεσθαί τε καὶ ἐκφυγγάνειν τὸν θάνατον ταύτῃ ἤπου ἄλλοθι τῆσ κεφαλῆσ‧ ἐξίσων τε ἐόντων τῶν τρωμάτων καὶ ἡσσόνων, καὶ ὁμοίωσ τε τρωθεὶσ καὶ ἧσσον, ἀποθνήσκει ὁ ἄνθρωποσ, ὅταν καὶ ἄλλωσ μέλλῃ ἀποθανεῖσθαι ἐκ τοῦ τρώματοσ, ἐν ἐλάσσονι χρόνῳ ὁ ταύτῃ ἔχων τὸ τρῶμα τῆσ κεφαλῆσ, ἤπου ἄλλοθι. Ὁ γὰρ ἐγκέφαλοσ τάχιστά τε καὶ μάλιστα κατὰ τὸ βρέγμα αἰσθάνεται τῶν κακῶν τῶν γιγνομένων ἔν τε τῇ σαρκὶ καὶ τῷ ὀστέῳ‧ ὑπὸ λεπτοτάτῳ γὰρ ὀστέῳ ἐστὶ ταύτῃ ὁ ἐγκέφαλοσ καὶ ὀλιγίστῃ σαρκὶ, καὶ ὁ πλεῖστοσ ἐγκέφαλοσ ὑπὸ τῷ βρέγματι κεῖται. Τῶν δὲ ἄλλων τὸ κατὰ τοὺσ κροτάφουσ ἀσθενέστατόν ἐστιν‧ ξυμβολή τε γὰρ τῆσ κάτω γνάθου πρὸσ τὸ κρανίον, καὶ κίνησισ ἔνεστιν ἐν τῷ κροτάφῳ ἄνω καὶ κάτω ὥσπερ ἄρθρου‧ καὶ ἡ ἀκοὴ πλησίον γίγνεται αὐτέου, καὶ φλὲψ διὰ τοῦ κροτάφου τέταται κοίλη τε καὶ ἰσχυρή. Ἰσχυρότερον δ’ ἐστὶ τῆσ κεφαλῆσ τὸ ὀστέον ἅπαν τὸ ὄπισθεν τῆσ κορυφῆσ καὶ τῶν οὐάτων, ἢ ἅπαν τὸ πρόσθεν, καὶ σάρκα πλέονα καὶ βαθυτέρην ἐφ’ ἑωυτέῳ ἔχει τοῦτο τὸ ὀστέον. Καὶ δὴ, τουτέων οὕτωσ ἐχόντων ὑπὸ τῶν τε τρωσίων καὶ τῶν βελέων ἴσων ἐόντων καὶ ὁμοίων, καὶ μεζόνων, καὶ ὁμοίωσ τιτρωσκόμενοσ καὶ μᾶλλον, ταύτῃ τῆσ κεφαλῆσ τὸ ὀστέον ἧσσον Ῥήγνυται καὶ φλᾶται ἔσω‧ κἢν μέλλῃ ὥνθρωποσ ἀποθνήσκειν καὶ ἄλλωσ ἐκ τοῦ τρώματοσ, ἐν τῷ ὄπισθεν τῆσ κεφαλῆσ ἔχων τὸ τρῶμα, ἐν πλέονι χρόνῳ ἀποθανεῖται‧ ἐν πλέονι γὰρ χρόνῳ τὸ ὀστέον ἐμπυί̈σκεταί τε καὶ διαπυί̈σκεται κάτω ἐπὶ τὸν ἐγκέφαλον διὰ τὴν παχύτητα τοῦ ὀστέου, καὶ ἐλάσσων ταύτῃ τῆσ κεφαλῆσ ὁ ἐγκέφαλοσ ὕπεστι, καὶ πλέονεσ ἐκφυγγάνουσι τὸν θάνατον τῶν ὄπισθεν τιτρωσκομένων τῆσ κεφαλῆσ ὡσ ἐπιτοπολὺ, ἢ τῶν ἔμπροσθεν. Καὶ ἐν χειμῶνι πλέονα χρόνον ζῇ ὥνθρωποσ ἢ ἐν θέρει, ὅστισ καὶ ἄλλωσ μέλλει ἀποθανεῖσθαι ἐκ τοῦ τρώματοσ, ὁκουοῦν τῆσ κεφαλῆσ ἔχων τὸ τρῶμα.

일치하는 문장이 없습니다.

SEARCH

MENU NAVIGATION