헬라어 문장 검색 - Ηιπποξ́Οευϝρεσ́09́25́

(히포크라테스, Oeuvres Completes D'Hippocrate., PROGNWSTIKON, 25.)

Χρὴ δὲ τὸν μέλλοντα ὀρθῶσ προγιγνώσκειν τοὺσ περιεσομένουσ καὶ τοὺσ ἀποθανουμένουσ, ὅσοισί τε ἂν μέλλῃ πλέονασ ἡμέρασ παραμένειν τὸ νούσημα καὶ ὅσοισιν ἂν ἐλάσσουσ, τὰ σημεῖα ἐκμανθάνοντα πάντα δύνασθαι κρίνειν, λογιζόμενον τὰσ δυνάμιασ αὐτέων πρὸσ ἀλλήλασ, ὥσπερ διαγέγραπται περί τε τῶν ἄλλων καὶ τῶν οὔρων καὶ τῶν πτυέλων, ὅταν ὁμοῦ πῦόν τε ἀναβήσσῃ καὶ χολήν. Χρὴ δὲ καὶ τὰσ φορὰσ τῶν νουσημάτων αἰεὶ ἐπιδημεύντων ταχέωσ ἐνθυμέεσθαι, τήν τε τῆσ ὡρ́ησ κατάστασιν. Εὖ μέντοι χρὴ εἰδέναι περὶ τῶν τεκμηρίων καὶ τῶν ἄλλων σημείων, καὶ μὴ λανθάνειν ὅτι ἐν παντὶ ἔτει καὶ πάση ὡρ́ῃ τά τε κακὰ κακὸν σημαίνει, καὶ τὰ χρηστὰ ἀγαθὸν, ἐπεὶ καὶ ἐν Λιβύῃ καὶ ἐν Δήλῳ καὶ ἐν Σκυθίῃ φαίνεται τὰ προγεγραμμένα ἀληθεύοντα σημεῖα. Ἐξ ὧν χρὴ εἰδέναι ὅτι ἔν γε τοῖσ αὐτέοισι χωρίοισιν οὐδὲν δεινὸν τὸ μὴ οὐ τὰ πολλαπλάσια αὐτέων ἐπιτυγχάνειν, ἢν ἐκμαθών τισ αὐτὰ κρίνειν τε καὶ λογίζεσθαι ὀρθῶσ ἐπίστηται. Ποθέειν δὲ χρὴ οὐδενὸσ νουσήματοσ οὔνομα, ὅ τι μὴ τυγχάνῃ ἐνθάδε γεγραμμένον‧ πάντα γὰρ ὁκόσα ἐν τοῖσι χρόνοισι τοῖσι προειρημένοισι κρίνεται, γνώσῃ τοῖσιν αὐτέοισι σημείοισιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., PROGNWSTIKON, 25.

(히포크라테스, Oeuvres Completes D'Hippocrate., PROGNWSTIKON, 25.)

상위

목록

SEARCH

MENU NAVIGATION