Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 80.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 80.)

Δακτύλων δὲ ἢν ἐκπέσῃ ἄρθρον τι τῶν τῆσ χειρὸσ, ἤν τε τὸ πρῶτον, ἤν τε τὸ δεύτερον, ἤν τε τὸ τρίτον, ωὑτὸσ καὶ ἴσοσ τρόποσ τῆσ ἐμβολῆσ‧ χαλεπώτερα μέντοι ἀεὶ τὰ μέγιστα τῶν ἄρθρων ἐμβάλλειν. Ἐκπίπτει δὲ κατὰ τέσσαρασ τρόπουσ, ἢ ἄνω, ἢ κάτω, ἢ ἐσ τὸ πλάγιον ἑκατέρωθεν, μάλιστα μὲν ἐσ τὸ ἄνω, ἥκιστα δὲ ἐσ τὰ πλάγια, ἐν τῷ σφόδρα κινέεσθαι. Ἑκατέρωθεν δὲ τῆσ χώρησ, οὗ ἐκβέβηκεν, ὥσπερ ἄμβη ἐστίν. Ἢν μὲν οὖν ἐσ τὸ ἄνω ἐκπέσῃ ἢ ἐσ τὸ κάτω διὰ τὸ λειοτέρην εἶναι ταύτην τὴν χώρην, ἢ ἐκ τῶν πλαγίων, καὶ ἅμα μικρῆσ ἐούσησ τῆσ ὑπερβάσιοσ, ἢν μεταστῇ τὸ ἄρθρον, Ῥηί̈διόν ἐστιν ἐμβάλλειν. Τρόποσ δὲ τῆσ ἐμβολῆσ ὅδε‧ περιελίξαι τὸν δάκτυλον ἄκρον ἢ ἐπιδέσματί τινι ἢ ἄλλῳ τρόπῳ τοιούτῳ τινὶ, ὅκωσ, ὁκόταν κατατείνῃσ ἄκρου λαβόμενοσ, μὴ. ἀπολισθάνῃ‧ ὅταν δὲ περιελίξῃσ, τὸν μέν τινα διαλαβέσθαι ἄνωθεν τοῦ καρποῦ τῆσ χειρὸσ, τὸν δὲ τοῦ κατειλημμένου‧ ἔπειτα κατατείνειν πρὸσ ἑωυτὸν ἀμφοτέρουσ εὖ μάλα, καὶ ἅμα ἀπῶσαι τὸ ἐξεστηκὸσ ἄρθρον ἐσ τὴν χώρην. Ἢν δὲ ἐσ τὰ πλάγια ἐκπέσῃ, τῆσ μὲν κατατάσιοσ ωὑτὸσ τρόποσ‧ ὅταν δὲ δὴ δοκέῃ σοι ὑπερβεβηκέναι τὴν γραμμὴν, ἅμα χρὴ κατατείναντασ ἀπῶσαι ἐσ τὴν χώρην εὐθὺσ, ἕτερον δέ τινα ἐκ τοῦ ἑτέρου μέρεοσ τοῦ δακτύλου φυλάσσειν καὶ ἀνωθέειν, ὅκωσ μὴ πάλιν ἐκεῖθεν ἀπολίσθῃ. Ἐμβάλλουσι δὲ ἐπιεικέωσ καὶ αἱ σαῦραι αἱ ἐκ τῶν φοινίκων πλεκόμεναι, ἢν κατατείνῃσ ἔνθεν καὶ ἔνθεν τὸν δάκτυλον, λαβόμενοσ τῇ μὲν ἑτέρῃ τῆσ σαύρησ, τῇ δὲ ἑτέρῃ τοῦ καρποῦ τῆσ χειρόσ. Ὁκόταν δὲ ἐμβάλῃσ, ἐπιδεῖν δεῖ ὀθονίοισιν ὡσ τάχιστα, λεπτοτάτοισι, κεκηρωμένοισι κηρωτῇ μήτε λίην μαλακῇ μήτε λίην σκληρῇ, ἀλλὰ μετρίωσ ἐχούσῃ‧ ἡ μὲν γὰρ σκληρὴ ἀφέστηκεν ἀπὸ τοῦ δακτύλου, ἡ δὲ ἁπαλὴ καὶ ὑγρὴ διατήκεται καὶ ἀπόλλυται, θερμαινομένου τοῦ δακτύλου‧ λύειν δὲ ἄρθρον δακτύλου τριταῖον ἢ τεταρταῖον‧ τὸ δὲ ὅλον, ἢν μὲν φλεγμήνῃ, πυκνότερον λύειν, ἢν δὲ μὴ, ἀραιότερον‧ κατὰ πάντων δὲ τῶν ἄρθρων ταῦτα λέγω. Καθίσταται δὲ τοῦ δακτύλου τὸ ἄρθρον τεσσαρεσκαιδεκαταῖον. Ὁ αὐτὸσ δέ ἐστι θεραπείησ τρόποσ δακτύλων χειρόσ τε καὶ ποδόσ.

일치하는 문장이 없습니다.

SEARCH

MENU NAVIGATION