헬라어 문장 검색 - Ηιπποξ́Οευϝρεσ́06́80́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 80.)

Δακτύλων δὲ ἢν ἐκπέσῃ ἄρθρον τι τῶν τῆσ χειρὸσ, ἤν τε τὸ πρῶτον, ἤν τε τὸ δεύτερον, ἤν τε τὸ τρίτον, ωὑτὸσ καὶ ἴσοσ τρόποσ τῆσ ἐμβολῆσ‧ χαλεπώτερα μέντοι ἀεὶ τὰ μέγιστα τῶν ἄρθρων ἐμβάλλειν. Ἐκπίπτει δὲ κατὰ τέσσαρασ τρόπουσ, ἢ ἄνω, ἢ κάτω, ἢ ἐσ τὸ πλάγιον ἑκατέρωθεν, μάλιστα μὲν ἐσ τὸ ἄνω, ἥκιστα δὲ ἐσ τὰ πλάγια, ἐν τῷ σφόδρα κινέεσθαι. Ἑκατέρωθεν δὲ τῆσ χώρησ, οὗ ἐκβέβηκεν, ὥσπερ ἄμβη ἐστίν. Ἢν μὲν οὖν ἐσ τὸ ἄνω ἐκπέσῃ ἢ ἐσ τὸ κάτω διὰ τὸ λειοτέρην εἶναι ταύτην τὴν χώρην, ἢ ἐκ τῶν πλαγίων, καὶ ἅμα μικρῆσ ἐούσησ τῆσ ὑπερβάσιοσ, ἢν μεταστῇ τὸ ἄρθρον, Ῥηί̈διόν ἐστιν ἐμβάλλειν. Τρόποσ δὲ τῆσ ἐμβολῆσ ὅδε‧ περιελίξαι τὸν δάκτυλον ἄκρον ἢ ἐπιδέσματί τινι ἢ ἄλλῳ τρόπῳ τοιούτῳ τινὶ, ὅκωσ, ὁκόταν κατατείνῃσ ἄκρου λαβόμενοσ, μὴ. ἀπολισθάνῃ‧ ὅταν δὲ περιελίξῃσ, τὸν μέν τινα διαλαβέσθαι ἄνωθεν τοῦ καρποῦ τῆσ χειρὸσ, τὸν δὲ τοῦ κατειλημμένου‧ ἔπειτα κατατείνειν πρὸσ ἑωυτὸν ἀμφοτέρουσ εὖ μάλα, καὶ ἅμα ἀπῶσαι τὸ ἐξεστηκὸσ ἄρθρον ἐσ τὴν χώρην. Ἢν δὲ ἐσ τὰ πλάγια ἐκπέσῃ, τῆσ μὲν κατατάσιοσ ωὑτὸσ τρόποσ‧ ὅταν δὲ δὴ δοκέῃ σοι ὑπερβεβηκέναι τὴν γραμμὴν, ἅμα χρὴ κατατείναντασ ἀπῶσαι ἐσ τὴν χώρην εὐθὺσ, ἕτερον δέ τινα ἐκ τοῦ ἑτέρου μέρεοσ τοῦ δακτύλου φυλάσσειν καὶ ἀνωθέειν, ὅκωσ μὴ πάλιν ἐκεῖθεν ἀπολίσθῃ. Ἐμβάλλουσι δὲ ἐπιεικέωσ καὶ αἱ σαῦραι αἱ ἐκ τῶν φοινίκων πλεκόμεναι, ἢν κατατείνῃσ ἔνθεν καὶ ἔνθεν τὸν δάκτυλον, λαβόμενοσ τῇ μὲν ἑτέρῃ τῆσ σαύρησ, τῇ δὲ ἑτέρῃ τοῦ καρποῦ τῆσ χειρόσ. Ὁκόταν δὲ ἐμβάλῃσ, ἐπιδεῖν δεῖ ὀθονίοισιν ὡσ τάχιστα, λεπτοτάτοισι, κεκηρωμένοισι κηρωτῇ μήτε λίην μαλακῇ μήτε λίην σκληρῇ, ἀλλὰ μετρίωσ ἐχούσῃ‧ ἡ μὲν γὰρ σκληρὴ ἀφέστηκεν ἀπὸ τοῦ δακτύλου, ἡ δὲ ἁπαλὴ καὶ ὑγρὴ διατήκεται καὶ ἀπόλλυται, θερμαινομένου τοῦ δακτύλου‧ λύειν δὲ ἄρθρον δακτύλου τριταῖον ἢ τεταρταῖον‧ τὸ δὲ ὅλον, ἢν μὲν φλεγμήνῃ, πυκνότερον λύειν, ἢν δὲ μὴ, ἀραιότερον‧ κατὰ πάντων δὲ τῶν ἄρθρων ταῦτα λέγω. Καθίσταται δὲ τοῦ δακτύλου τὸ ἄρθρον τεσσαρεσκαιδεκαταῖον. Ὁ αὐτὸσ δέ ἐστι θεραπείησ τρόποσ δακτύλων χειρόσ τε καὶ ποδόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 80.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 80.)

상위

목록

SEARCH

MENU NAVIGATION