Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 74.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 74.)

Ἢν δὲ ἐσ τὸ ἔξω κεφαλὴ μηροῦ ὀλίσθῃ, τὰσ μὲν κατατάσιασ ἔνθα καὶ ἔνθα χρὴ ποιέεσθαι, ὥσπερ εἴρηται, ἢ τοιουτοτρόπωσ‧ τὴν δὲ μόχλευσιν πλάτοσ ἔχοντι μοχλῷ μοχλεύειν χρὴ ἅμα τῇ κατατάσει, ἐκ τοῦ ἔξω μέρεοσ ἐσ τὸ ἔσω ἀναγκάζοντα, κατά γε αὐτὸν τὸν γλουτὸν τιθέμενον τὸν μοχλὸν καὶ ὀλίγῳ ἀνωτέρω‧ ἐπὶ δὲ τὸ ὑγιὲσ ἰσχίον κατὰ τὸν γλουτὸν ἀντιστηριζέτω τισ τῇσι χερσὶν, ὡσ μὴ ὑπείκῃ τὸ σῶμα, ἢ ἑτέρῳ τινὶ τοιούτῳ μοχλῷ, ὑποβάλλων καὶ ἐρείσασ, ἐκ τῶν καπέτων τὴν ἁρμόζουσαν ἀντικατεχέτω‧ τοῦ δὲ μηροῦ τοῦ ἐξηρθρηκότοσ τὸ παρὰ τὸ γόνυ ἔσωθεν ἔξω παραγέτω ἡσύχωσ. Ἡ δὲ κρέμασισ οὐχ ἁρμόσει τούτῳ τῷ τρόπῳ τῆσ ὀλισθήσιοσ τοῦ ἄρθρου‧ ὁ γὰρ πῆχυσ τοῦ ἐκκρεμαμένου ἀπωθέοι ἂν τὴν κεφαλὴν τοῦ μηροῦ ἀπὸ τῆσ κοτύλησ. Τὴν μέντοι ξὺν τῷ ξύλῳ τῷ ὑποτεινομένῳ μόχλευσιν μηχανήσαιτ’ ἄν τισ, ὥστε ἁρμόζειν καὶ τούτῳ τῷ τρόπῳ τοῦ ὀλισθήματοσ, ἔξωθεν προσαρτέων. Ἀλλὰ τί καὶ δεῖ πλείω λέγειν; ἢν γὰρ ὀρθῶσ μὲν καὶ εὖ κατατείνηται, ὀρθῶσ δὲ μοχλεύηται, τί οὐκ ἂν ἐμπέσοι ἄρθρον, οὕτωσ ἐκπεπτωκόσ;

일치하는 문장이 없습니다.

SEARCH

MENU NAVIGATION