헬라어 문장 검색 - Ηιπποξ́Οευϝρεσ́06́69́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 69.)

Ἀποσφακελίσιεσ μέντοι σαρκῶν, καὶ ἐν τρώμασιν αἱμοῤῬόοισι γενομένοισιν ἀποσφιγχθεῖσιν ἰσχυρῶσ, καὶ ἐν ὀστέων κατήγμασι πιεχθεῖσι μᾶλλον τοῦ καιροῦ, καὶ ἐν ἄλλοισι δεσμοῖσι βιαίοισιν ἀποληφθέντα ἀποπίπτει πολλοῖσι, καὶ οἱ πολλοὶ περιγίνονται τῶν τοιούτων, καὶ οἷσι μηροῦ μέροσ τι ἀποπίπτει, καὶ τῶν σαρκῶν καὶ τοῦ ὀστέου, καὶ οἷσι βραχίονοσ, ἧσσον δέ‧ πήχεόσ τε καὶ κνήμησ ἀποπεσούσησ, καὶ ἔτι εὐφόρωσ περιγίνονται. Προσδέχεσθαι δὲ χρὴ τοὺσ τοιούτουσ ἀνὰ χρόνον ὑπὸ δυσεντερίησ πιέζεσθαι‧ καὶ γὰρ ἐπὶ τοῖσι μελαινομένοισι τοῖσι πλείστοισιν ἐπιγίνεται δυσεντερίη, καὶ ἐπὶ τῇσιν αἱμοῤῬαγίῃσιν ἐξ ἑλκέων‧ ἐπιγίνεται δὲ ὡσ ἐπὶ τὸ πολὺ, κεκριμένων ἤδη τῶν μελασμῶν καὶ τῆσ αἱμοῤῬαγίησ, καὶ ὁρμᾶται μὲν λαύρωσ καὶ ἰσχυρῶσ‧ ἀτὰρ οὔτε πολυήμεροσ γίνεται, οὔτε θανατώδησ‧ οὔτε γὰρ μάλα ἀπόσιτοι γίνονται οἱ τοιοῦτοι, οὔτε ἄλλωσ ξυμφέρει κενεαγγέειν. Οἷσι μὲν οὖν, κατεαγέντων τῶν ὀστέων, ἀποσφίγξιεσ αὐτίκα ἐγένοντο καὶ μελασμοὶ, τούτοισι μὲν ταχεῖαι αἱ περιῤῬήξιεσ γίνονται τοῦ σώματοσ, καὶ τὰ ἀποπίπτοντα ταχέωσ ἀποπίπτει, ἥδη τῶν ὀστέων προενδεδωκότων‧ οἷσι δὲ, ὑγιέων ἐόντων τῶν ὀστέων, οἱ μελασμοὶ γίνονται, αἱ μὲν σάρκεσ ταχέωσ θνήσκουσι καὶ τούτοισι, τὰ δὲ ὀστέα βραδέωσ ἀφίσταται, ᾗ ἂν τὰ ὁρ́ια τοῦ μελασμοῦ γένηται καὶ ἡ ψίλωσισ τοῦ ὀστέου. Χρὴ δὲ, ὅσα ἂν κατωτέρω τοῦ σώματοσ τῶν ὁρίων τοῦ μελασμοῦ ἐῄ, ταῦτα, ὅταν ἤδη πάμπαν τεθνήκῃ καὶ ἀναλγέα ἐῄ, ἀφαιρέειν κατὰ τὸ ἄρθρον, προμηθεόμενον ὅκωσ μὴ τιτρώσκῃ‧ ἢν γὰρ ὀδυνηθῇ ἀποταμνόμενοσ, καὶ μήπω κυρήσῃ τὸ σῶμα τεθνεὸσ ταύτῃ, ἧ ἀποτέμνεται, κάρτα κίνδυνοσ ὑπὸ τῆσ ὀδύνησ λειποθυμῆσαι‧ αἱ δὲ τοιαῦται λειποθυμίαι πολλοὺσ παραχρῆμα ἤδη ἀπώλεσαν. Μηροῦ μὲν οὖν ὀστέον, ψιλωθὲν ἐκ τοιούτου τρόπου, ὀγδοηκοσταῖον εἶδον ἐγὼ ἀποστάν‧ ἡ μέντοι κνήμη τούτῳ τῷ ἀνθρώπῳ κατὰ τὸ γόνυ ἀφῃρέθη εἰκοσταίη, ἐδόκεε δέ μοι καὶ ἐγγυτέρω‧ οὐ γὰρ ἅμα, ἀλλ’ ἐπὶ τὸ προμηθέστερον ἔδοξέ μοί τι ποιέειν. Κνήμησ δὲ ὀστέα ἐκ τοιούτου μελασμοῦ, μάλα κατὰ μέσην τὴν κνήμην ἐόντα, ἑξηκοσταῖά μοι ἀπέπεσεν, ὅσα ἐψιλώθη αὐτέων. Διενέγκοι μὲν γὰρ ἄν τι καὶ ἰητρείη ἰητρείησ ἐσ τὸ θᾶσσόν τε καὶ βραδύτερον τὰ ὀστέα ψιλούμενα ἀποπίπτειν‧ διενέγκοι δ’ ἄν τι καὶ πίεξισ πιέξιοσ, καὶ ἐπὶ τὸ ἰσχυρότερόν τε καὶ ἀσθενέστερον, καὶ ἐσ τὸ θᾶσσόν τε καὶ βραδύτερον ἀπομελανθέντα ἀποθανεῖν τὰ νεῦρα καὶ τὰσ σάρκασ καὶ τὰσ ἀρτηρίασ καὶ τὰσ φλέβασ‧ ἐπεὶ ὅσα μὴ ἰσχυρῶσ ἀποληφθέντων θνήσκει, ἔνια τῶν τοιουτέων οὐκ ἀφικνέεται ἐσ ὀστέων ψιλώματα, ἀλλ’ ἐπιπολαιότερα ἐκπίπτει‧ ἔνια δὲ οὐδὲ ἐσ νεύρων ψιλώματα ἀφικνεῖται, ἀλλὰ ἐπιπολαιότερα ἐκπίπτει. Διὰ οὖν ταύτασ τὰσ εἰρημένασ προφάσιασ οὐκ ἐστὶν ἓν οὔνομα ἀριθμοῦ τῷ χρόνῳ θέσθαι, ἐν ὁκόσῳ ἕκαστα τούτων κρίνεται. Προσδέχεσθαι δὲ μάλα χρὴ τὰ τοιαῦτα ἰήματα‧ ἐσιδέειν γὰρ φοβερώτερά ἐστιν, ἢ ἰητρεύειν‧ καὶ ἰητρείη πραείη ἀρκέει πᾶσι τοιούτοισιν‧ αὐτὰ γὰρ ἑωυτὰ κρίνει μοῦνον‧ τῆσ δὲ διαίτησ ἐπιμελέεσθαι χρὴ, ὡσ κατὰ δύναμιν ἀπύρετοσ ἐῄ, καὶ ἐν σχήμασι δικαίοισιν εὐθετίζειν τὸ σῶμα‧ δίκαια δὲ ταῦτα, μηδὲ μετέωρον ποιέειν, μηδὲ ἐσ τὸ κάτω Ῥέπον, ἀλλὰ μᾶλλον ἐσ τὸ ἄνω, ποτὶ καὶ ἔστ’ ἂν τελείωσ περιῤῬαγῇ‧ αἱμοῤῬαγιέων γὰρ ἐν τούτῳ τῷ χρόνῳ κίνδυνοσ‧ διὰ τοῦτο οὖν οὐ χρὴ κατάῤῬοπα τὰ τρώματα ποιέειν, ἀλλὰ τἀναντία. Ἐπεὶ ὅταν γε χρόνοσ ἐγγένηται πλείων, καὶ καθαρὰ τὰ ἕλκεα γένηται, οὐκ ἔτι τὰ αὐτὰ σχήματα ἐπιτήδειά ἐστιν, ἀλλ’ ἡ εὐθεῖα θέσισ, καὶ ἐνίοτε ἐπὶ τὸ κατάῤῬοπον Ῥέποντα‧ ἀνὰ χρόνον γὰρ ἐνίοισι τουτέων ἀποστάσιεσ πύου γίνονται, καὶ ὑποδεσμίδων δέονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 69.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 69.)

상위

목록

SEARCH

MENU NAVIGATION