헬라어 문장 검색 - Ηιπποξ́Οευϝρεσ́06́67́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 67.)

Ὅσοισι δὲ ἄρθρα δακτύλων, ἢ ποδὸσ ἢ χειρὸσ, ἐξαρθρήσαντα, ἕλκοσ ποιήσαντα, ἐξέσχε, μὴ κατεηγότοσ τοῦ ὀστέου, ἀλλὰ κατ’ αὐτὴν τὴν ξύμφυσιν ἀποσπασθέντοσ, τούτοισιν ἢν ἐμβληθέντα ἐμμείνῃ, ἔνι μέν τισ κίνδυνοσ σπασμοῦ, ἢν μὴ χρηστῶσ ἰητρεύωνται‧ ὅμωσ δέ τι ἄξιον ἐμβάλλειν, προειπόντα ὅτι φυλακῆσ πολλῆσ καὶ μελέτησ δέεται. Ἐμβάλλειν μέντοι Ῥήιστον καὶ δυνατώτατον καὶ τεχνικώτατόν ἐστι τῷ μοχλίσκῳ, ὥσπερ καὶ πρόσθεν εἴρηται ἐν τοῖσι καταγνυμένοισι καὶ ἐξίσχουσιν ὀστέοισιν‧ ἔπειτα ἀτρεμέειν ὡσ μάλιστα χρὴ, καὶ κατακεῖσθαι, καὶ ὀλιγοσιτέειν‧ ἄμεινον δὲ καὶ φαρμακεῦσαι ἄνω κούφῳ τινὶ φαρμάκῳ‧ τὸ δὲ ἕλκοσ, ἰητρεύειν μὲν ἢ ἐναίμοισι τοῖσιν ἐπιτέγκτοισιν, ἢ πολυοφθάλμοισιν, ἢ οἷσι κεφαλῆσ ὀστέα κατεηγότα ἰητρεύεται, κατάψυχρον δὲ κάρτα μηδὲν προσφέρειν. Ἥκιστα μὲν οὖν τὰ πρῶτα ἄρθρα κινδυνώδεά ἐστι, τὰ δὲ ἔτι ἀνωτέρω κινδυνωδέστερα. Ἐμβάλλειν δὲ χρὴ αὐθημερὸν, ἢ τῇ ὑστεραίῃ, τριταίῳ δὲ ἢ τεταρταίῳ ἥκιστα‧ τεταρταῖα γὰρ ἐόντα, ἐπισημαίνει τῇσι παλιγκοτίῃσι μάλιστα. Οἷσιν ἂν οὖν μὴ αὐτίκα ἐγγένηται ἐμβάλλειν, ὑπερβαίνειν χρὴ ταύτασ τὰσ εἰρημένασ ἡμέρασ‧ ὅ τι γὰρ ἂν ἔσω δέκα ἡμερέων ἐμβάλλῃσ, σπᾷν καταληπτέον. Ἢν δὲ ἄρα ἐμβεβλημένῳ σπασμὸσ ἐπιγένηται, ἐκβάλλειν τὸ ἄρθρον δεῖ ταχὺ, καὶ θερμῷ τέγγειν ὡσ πλειστάκισ, καὶ τὸ ὅλον σῶμα θερμῶσ καὶ λιπαρῶσ καὶ μαλθακῶσ ἔχειν, καὶ μάλιστα κατὰ τὰ ἄρθρα‧ κεκάμφθαι δὲ μᾶλλον ἢ ἐκτετάσθαι πᾶν τὸ σῶμα χρή. Προσδέχεσθαι μέντοι χρὴ κατὰ τοὺσ δακτύλουσ τὰ ἄρθρα τὰ ἐμβαλλόμενα ἀποστατικὰ ἔσεσθαι‧ τὰ γὰρ πλεῖστα οὕτω γίνεται, ἢν καὶ ὁτιοῦν φλεγμονῆσ ὑπογένηται, ὡσ, εἰ μὴ δι’ ἀμαθίην τῶν δημοτέων ἐν αἰτίῃ ἔμελλεν ὁ ἰητρὸσ ἔσεσθαι, οὐδὲν ἂν πάντωσ οὐδ’ ἐμβάλλειν ἔδει. Τὰ μὲν οὖν κατὰ τὰ ἄρθρα ὀστέα ἐξίσχοντα ἐμβαλλόμενα οὕτω κινδυνώδεά ἐστιν, ὡσ εἴρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 67.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 67.)

상위

목록

SEARCH

MENU NAVIGATION