헬라어 문장 검색 - Ηιπποξ́Οευϝρεσ́06́62́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 62.)

Ἐπεὶ ἔνια καὶ τῶν ἐκ γενεῆσ γενομένων ὀλισθημάτων, ἢν μικρὸν ὀλίσθῃ, οἱᾶ́ τε ἐσ τὴν φύσιν ἄγεσθαι, καὶ μάλιστα τὰ παρὰ τοῦ ποδὸσ ἄρθρα. Ὁκόσοι ἐκ γενεῆσ κυλλοὶ γίνονται, τὰ πλεῖστα τούτων ἰήσιμά ἐστιν, ἢν μὴ πάνυ μεγάλη ἡ ἔκκλισισ ἐῄ, ἢ καὶ προαυξέων γεγονότων ἤδη τῶν παιδίων ξυμβῇ. Ἄριστον μὲν οὖν ὡσ τάχιστα ἰητρεύειν τὰ τοιαῦτα, πρὶν πάνυ μεγάλην τὴν ἔνδειαν τῶν ὀστέων τῶν ἐν τῷ ποδὶ γενέσθαι, πρίν τε πάνυ μεγάλην τὴν ἔνδειαν τῶν σαρκῶν τῶν κατὰ τὴν κνήμην εἶναι. Τρόποσ μὲν οὖν κυλλώσιοσ οὐχ εἷσ, ἀλλὰ πλείονεσ, τὰ πλεῖστα μὴν οὐκ ἐξηρθρηκότα παντάπασιν, ἀλλὰ δι’ ἔθοσ σχήματοσ ἔν τινι ἀπολήψει τοῦ ποδὸσ κεκυλλωμένα. Προσέχειν δὲ καὶ ἐν τῇ ἰητρείῃ τοισίδε χρή‧ ἀπωθέειν μὲν καὶ κατορθοῦν τῆσ κνήμησ τὸ κατὰ τὸ σφυρὸν ὀστέον, τὸ ἔξωθεν, ἐσ τὸ ἔσω μέροσ, ἀντωθέειν δὲ ἐσ τὸ ἔξω μέροσ τὸ τῆσ πτέρνησ τὸ κατὰ τὴν ἴξιν, ὅκωσ ἀλλήλοισ ἀπαντήσῃ τὰ ὀστέα τὰ ἐξίσχοντα κατὰ μέσον τε καὶ πλάγιον τὸν πόδα‧ τοὺσ δ’ αὖ δακτύλουσ ἀθρόουσ ξὺν τῷ μεγάλῳ δακτύλῳ ἐσ τὸ εἴσω μέροσ ἐγκλίνειν καὶ περιαναγκάζειν οὕτωσ‧ ἐπιδεῖν δὲ κηρωτῇ ἐῤῬητινωμένῃ εὖ, καὶ σπλήνεσι, καὶ ὀθονίοισι μαλθακοῖσι, μὴ ὀλίγοισι, μηδὲ ἄγαν πιέζοντα‧ οὕτω δὲ τὰσ περιαγωγὰσ ποιέεσθαι τῆσ ἐπιδέσιοσ, ὥσπερ καὶ τῇσι χερσὶν ἡ κατόρθωσισ ἦν τοῦ ποδὸσ, ὅκωσ ὁ ποὺσ ὀλίγῳ μᾶλλον ἐσ τὸ βλαισὸν Ῥέπων φαίνηται. Ἴχνοσ δέ τι χρὴ ποιέεσθαι, ἢ δέρματοσ μὴ ἄγαν σκληροῦ, ἢ μολύβδινον, προσεπιδεῖν δὲ, μὴ πρὸσ τὸν χρῶτα τιθέντα, ἀλλ’ ὅταν ἤδη τοῖσιν ὑστάτοισιν ὀθονίοισι μέλλῃσ ἐπιδέειν‧ ὅταν δὲ ἤδη ἐπιδεδεμένοσ ἐῄ, ἑνόσ τινοσ τῶν ὀθονίων χρὴ, οἷσιν ἐπιδέεται, τὴν ἀρχὴν προσράψαι πρὸσ τὰ κάτω τοῦ ποδὸσ ἐπιδέσματα κατὰ τὴν ἴξιν τοῦ μικροῦ δακτύλου‧ ἔπειτα ἐσ τὸ ἄνω τείνοντα, ὅκωσ ἂν δοκέῃ μετρίωσ ἔχειν, περιβάλλειν ἄνωθεν τῆσ γαστροκνημίησ, ὡσ μόνιμον ἐῄ, κατατεταγμένον οὕτωσ. Ἁπλῷ δὲ λόγῳ, ὥσπερ κηροπλαστέοντα, χρὴ ἐσ τὴν φύσιν τὴν δικαίην ἄγειν καὶ τὰ ἐκκεκλιμένα καὶ τὰ συντεταμένα παρὰ τὴν φύσιν, καὶ τῇσι χερσὶν οὕτω διορθοῦντα, καὶ τῇ ἐπιδέσει ὡσαύτωσ, προσάγειν δὲ οὐ βιαίωσ, ἀλλὰ παρηγορικῶσ‧ προσράπτειν δὲ τὰ ὀθόνια, ὅκωσ ἂν ξυμφέρῃ τὰσ ἀναλήψιασ ποιέεσθαι, ἄλλα γὰρ ἄλλησ τῶν χωλωμάτων δέεται ἀναλήψιοσ. Ὑποδημάτιον δὲ ποιέεσθαι μολύβδινον, ἔξωθεν τῆσ ἐπιδέσιοσ ἐπιδεδεμένον, οἱο͂ν αἱ χῖαι κρηπῖδεσ Ῥυθμὸν εἶχον‧ ἀλλ’ οὐδὲν αὐτοῦ δεῖ, ἤν τισ ὀρθῶσ μὲν τῇσι χερσὶ διορθώσῃ, ὀρθῶσ δὲ τοῖσιν ὀθονίοισιν ἐπιδέῃ, ὀρθῶσ δὲ καὶ τὰσ ἀναλήψιασ ποιοῖτο. Ἡ μὲν οὖν ἰήσισ αὕτη, καὶ οὔτε τομῆσ, οὔτε καύσιοσ οὐδὲν δεῖ, οὔτ’ ἄλλησ ποικιλίησ‧ θᾶσσον γὰρ ἐνακούει τὰ τοιαῦτα τῆσ ἰητρείησ, ἢ ὡσ ἄν τισ οἰοίτο. Προσνικᾷν μέντοι χρὴ τῷ χρόνῳ, ἑώσ ἂν αὐξηθῇ τὸ σῶμα ἐν τοῖσι δικαίοισι σχήμασιν. Ὅταν δὲ ἐσ ὑποδήματοσ λόγον ἰῄ, ἀρβύλαι ἐπιτηδειόταται αἱ πηλοπάτιδεσ καλεόμεναι‧ τοῦτο γὰρ ὑποδημάτων ἥκιστα κρατέεται ὑπὸ τοῦ ποδὸσ, ἀλλὰ κρατέει μᾶλλον‧ ἐπιτήδειοσ δὲ καὶ ὁ κρητικὸσ τρόποσ τῶν ὑποδημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 62.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 62.)

상위

목록

SEARCH

MENU NAVIGATION