헬라어 문장 검색 - Ηιπποξ́Οευϝρεσ́06́61́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 61.)

Ὡσ μὲν οὖν ἐν κεφαλαίῳ εἰρῆσθαι, τὰ ἄρθρα τὰ ἐκπίπτοντα καὶ τὰ ὀλισθάνοντα ἀνίσωσ αὐτὰ ἑωυτοῖσιν ἐκπίπτει καὶ ὀλισθάνει, ἄλλοτε μὲν πουλὺ πλεῖον, ἄλλοτε δὲ πολὺ ἔλασσον‧ καὶ οἷσι μὲν ἂν πολὺ πλεῖον ὀλίσθῃ ἢ ἐκπέσῃ, χαλεπώτερα ἐμβάλλειν τὸ ἐπίπαν ἐστὶ, καὶ ἢν μὴ ἐμβιβασθῇ, μέζουσ καὶ ἐπιδηλοτέρασ τὰσ πηρώσιασ καὶ κακώσιασ ἴσχει τὰ τοιαῦτα, καὶ ὀστέων, καὶ σαρκῶν, καὶ σχημάτων‧ ὅταν δὲ μεῖον ἐκπέσῃ καὶ ὀλίσθῃ, Ῥηί̈διον μὲν ἐμβάλλειν τὰ τοιαῦτα τῶν ἑτέρων γίνεται, ἢν δὲ καταπορηθῇ ἢ ἀμεληθῇ ἐμπεσεῖν, μείουσ καὶ ἀσινέστεραι αἱ πηρώσιεσ γίνονται τούτοισιν, ἢ οἷσιν ὀλίγῳ πρόσθεν εἴρηται. Τὰ μὲν οὖν ἄλλα ἄρθρα καὶ πάνυ πολὺ διαφέρει ἐσ τὸ ὁτὲ μὲν μεῖον, ὁτὲ δὲ μεῖζον τὸ ὀλίσθημα ποιέεσθαι‧ μηροῦ δὲ καὶ βραχίονοσ κεφαλαὶ παραπλησιώτατα ὀλισθάνουσιν αὐτὴ ἑωυτῇ ἑκατέρη‧ ἅτε γὰρ στρογγύλαι μὲν αἱ κεφαλαὶ ἐοῦσαι, ἁπλῆν τῆν στρογγύλωσιν καὶ φαλακρὴν ἔχουσι, κυκλοτερέεσ δὲ αἱ κοιλίαι ἐοῦσαι, αἱ δεχόμεναι τὰσ κεφαλὰσ, ἁρμόζουσι δὲ τῇσι κεφαλῇσιν‧ διὰ τοῦτο οὐκ ἔστιν αὐτῇσι τὸ ἥμισυ ἐκστῆναι τοῦ ἄρθρου‧ ὀλισθάνοι γὰρ ἂν διὰ τὴν περιφερείην, ἢ ἐσ τὸ ἔξω, ἢ ἐσ τὸ ἔσω. Περὶ οὗ οὖν ὁ λόγοσ, ἐκπίπτουσι τελέωσ ἤδη, ἐπεὶ ἄλλωσ γε οὐκ ἐκπίπτουσιν‧ ὅμωσ δὲ καὶ ταῦτα ὁτὲ μὲν πλεῖον ἀποπηδᾷ ἀπὸ τῆσ φύσιοσ, ὁτὲ δὲ ἔλασσον‧ μᾶλλον δέ τι μηρὸσ τοῦτο βραχίονοσ πέπονθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 61.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 61.)

상위

목록

SEARCH

MENU NAVIGATION