Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 60.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 60.)

Ὁκόσοισι μὲν οὖν ἂν ἤδη ἠνδρωμένοισι τοῦτο τὸ ἄρθρον ἐκπεσὸν μὴ ἐμπέσῃ, οὗτοι, ὁκόταν αὐτοῖσιν ἡ ὀδύνη παύσηται καὶ τὸ ἄρθρον ἐθισθῇ ἐν τῷ χωρίῳ τούτῳ στροφᾶσθαι, ἵνα ἐξέπεσεν, οὗτοι δύνανται σχεδὸν εὐθὺσ ὀρθοὶ ὁδοιπορέειν ἄνευ ξύλου, καὶ πάνυ μέντοι εὐθέεσ, ἐπὶ δὲ τὸ σιναρὸν, ἅτε οὔτε κατὰ τὸν βουβῶνα εὔκαμπτοι ἐόντεσ, οὔτε κατὰ τὴν ἰγνύην‧ διὰ οὖν τοῦ βουβῶνοσ τὴν ἀκαμπίην εὐθυτέρῳ ὅλῳ τῷ σκέλεϊ ἐν τῇ ὁδοιπορίῃ χρέονται, ᾒ ὅτε ὑγίαινον. Καὶ σύρουσι δὲ ἐνίοτε πρὸσ τὴν γῆν τὸν πόδα, ἅτε οὐ Ῥηϊδίωσ ξυγκάμπτοντεσ τὰ ἄνω ἄρθρα, καὶ ἅτε παντὶ βαίνοντεσ τῷ ποδί οὐδὲν γὰρ ἧσσον τῇ πτέρνῃ οὗτοι βαίνουσιν, ἢ τῷ ἔμπροσθεν‧ εἰ δέ γε ἠδύναντο μέγα προβαίνειν, κἂν πάνυ πτερνοβάται ἦσαν‧ καὶ γὰρ οἱ ὑγιαίνοντεσ ὅσῳ ἂν μέζον προβαίνοντεσ ὁδοιπορέωσι, τοσούτῳ μᾶλλον πτερνοβάται εἰσὶ, τιθέντεσ τὸν πόδα, αἴροντεσ δὲ τὸν ἐναντίον. Ὁκόσοισι δὲ δὴ οὕτωσ ἐκπέπτωκε, καὶ ἔτι μᾶλλον τῇ πτέρνῃ προσεγχρίπτουσιν, ἢ τῷ ἔμπροσθεν‧ τὸ γὰρ ἔμπροσθεν τοῦ ποδὸσ, ὅταν ἐκτεταμένον ἐῄ τὸ ἄλλο σκέλοσ, οὐχ ὁμοίωσ δύναται ἐσ τὸ πρόσω καμπύλλεσθαι, ὥσπερ ὅταν ξυγκεκαμμένον ἐῄ τὸ σκέλοσ‧ οὔτ’ αὖ σιμοῦσθαι δύναται ὁ ποὺσ, ξυγκεκαμμένου τοῦ σκέλεοσ, ὡσ ὅταν ἐκτεταμένον ἐῄ τὸ σκέλοσ. Ὑγιαίνουσά τε οὖν ἡ φύσισ οὕτω πέφυκεν, ὥσπερ εἴρηται‧ ὅταν δὲ ἐκπεσὸν μὴ ἐμπέσῃ τὸ ἄρθρον, οὕτωσ ὁδοιπορέουσιν, ὡσ εἴρηται, διὰ τὰσ προφάσιασ ταύτασ τὰσ εἰρημένασ‧ ἀσαρκότερον μέντοι τὸ σκέλοσ τοῦ ἑτέρου γίνεται, κατά τε τὸ πυγαῖον, κατά τε τὴν γαστροκνημίην, καὶ κατὰ τὴν ὄπισθεν ἴξιν. Οἷσι δ’ ἂν νηπίοισιν ἔτι ἐοῦσι τὸ ἄρθρον οὕτωσ ὀλισθάνον μὴ ἐμπέσῃ, ἢ καὶ ἐκ γενεῆσ οὕτω γένηται, καὶ τούτοισι τὸ τοῦ μηροῦ ὀστέον μᾶλλόν τι μινύθει, ἢ τὰ τῆσ κνήμησ καὶ τὰ τοῦ ποδόσ‧ ἥκιστα μὴν ἐν τούτῳ τῷ τρόπῳ τοῦ ὀλισθήματοσ ὁ μηρὸσ μειοῦται. Μινύθουσι μέντοι αἱ σάρκεσ πάντη, μάλιστα δὲ κατὰ τὴν ὄπισθεν ἴξιν, ὥσπερ ἤδη καὶ πρόσθεν εἴρηται. Ὅσοι μὲν οὖν ἂν τιθηνηθῶσιν ὀρθῶσ, οὗτοι μὲν δύνανται προσχρέεσθαι τῷ σκέλεϊ αὐξανόμενοι, βραχυτέρῳ μέν τινι τοῦ ἑτέρου ἐόντι, ὅμωσ δὲ ἐρειδόμενοι ξύλῳ ἐπὶ ταῦτα, ᾗ τὸ σιναρὸν σκέλοσ‧ οὐ γὰρ κάρτα δύνανται ἄνευ τῆσ πτέρνησ τῷ στήθεϊ τοῦ ποδὸσ χρέεσθαι, ἐπικαθιέντεσ ὥσπερ ἐν ἑτέροισι χωλεύμασιν ἔνιοι δύνανται‧ αἴτιον δὲ τοῦ μὴ δύνασθαι τὸ ὀλίγῳ πρόσθεν εἰρημένον‧ διὰ οὖν τοῦτο προσδέονται ξύλου. Ὅσοι δ’ ἂν καταμεληθέωσι καὶ μηδὲν χρέωνται ἐπὶ τὴν γῆν τῷ σκέλεϊ, ἀλλὰ μετέωρον ἔχωσι, τούτοισι μινύθει μὲν τὰ ὀστέα ἐσ αὔξησιν μᾶλλον, ἢ τοῖσι χρεομένοισιν‧ μινύθουσι δὲ καὶ αἱ σάρκεσ πολὺ μᾶλλον, ἢ τοῖσι χρεομένοισιν‧ κατὰ δὲ τὰ ἄρθρα ἐσ τὸ εὐθὺ πηροῦται τούτοισι τὸ σκέλοσ μᾶλλόν τι, ἢ οἷσιν ἂν ἄλλωσ ἐκπεπτώκῃ.

일치하는 문장이 없습니다.

SEARCH

MENU NAVIGATION