헬라어 문장 검색 - Ηιπποξ́Οευϝρεσ́06́57́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 57.)

Ὅσοισι δ’ ἂν ἐσ τοὔπισθεν ἡ κεφαλὴ τοῦ μηροῦ ἐκπέσῃ, ὀλίγοισι δὲ ἐκπίπτει, οὗτοι ἐκτανύειν οὐ δύνανται τὸ σκέλοσ, οὔτε κατὰ τὸ ἄρθρον τὸ ἐκπεσὸν, οὔτε τι κάρτα κατὰ τὴν ἰγνύην‧ ἀλλ’ ἥκιστα τῶν ἐκπαλέων οὗτοι ἐκτανύουσι καὶ τὸ κατὰ τὸν βουβῶνα, καὶ τὸ κατὰ τὴν ἰγνύην ἄρθρον. Προσξυνιέναι μὲν οὖν καὶ τόδε χρὴ εὑ̓́χρηστον γὰρ καὶ πολλοῦ ἄξιόν ἐστι, καὶ τοὺσ πλείστουσ λήθεἰ, ὅτι οὐδ’ ὑγιαίνοντεσ δύνανται κατὰ τὴν ἰγνύην ἐκτανύειν τὸ ἄρθρον, ἢν μὴ ξυνεκτανύωσι καὶ τὸ κατὰ τὸν βουβῶνα ἄρθρον, πλὴν ἢν μὴ πάνυ ἄνω ἀείρωσι τὸν πόδα, οὕτω δ’ ἂν δύναιντο‧ οὐ τοίνυν οὐδὲ ξυγκάμπτειν δύνανται τὸ κατὰ τὴν ἰγνύην ἄρθρον ὁμοίωσ, ἀλλὰ πολὺ χαλεπώτερον, ἢν μὴ ξυγκάμψωσι καὶ τὸ κατὰ τὸν βουβῶνα ἄρθρον. Πολλὰ δὲ καὶ ἄλλα κατὰ τὸ σῶμα τοιαύτασ ἀδελφίξιασ ἔχει, καὶ κατὰ νεύρων ξυντάσιασ, καὶ κατὰ μυῶν σχήματα, καὶ πλεῖστά τε καὶ πλείστου ἄξια γινώσκεσθαι, ἢ ὥσ τισ οἰέται, καὶ κατὰ τὴν τοῦ ἐντέρου φύσιν, καὶ τὴν τῆσ ξυμπάσησ κοιλίησ, καὶ κατὰ τὰσ τῶν ὑστερέων πλάνασ καὶ ξυντάσιασ‧ ἀλλὰ περὶ μὲν τούτων ἑτέρωθι λόγοσ ἔσται, ἠδελφισμένοσ τοῖσι νῦν λεγομένοισιν. Περὶ οὗ δὲ ὁ λόγοσ ἐστὶν, οὔτε ἐκτανύειν δύνανται, ὥσπερ ἤδη εἴρηται‧ βραχύτερόν τε τὸ σκέλοσ φαίνεται διὰ δισσὰσ προφάσιασ, ὅτι τε οὐκ ἐκτανύεται, ὅτι τε πρὸσ τὴν σάρκα ὠλίσθηκε τὴν τοῦ πυγαίου‧ ἡ γὰρ φύσισ τοῦ ἰσχίου τοῦ ὀστέου ταύτῃ, ᾗ καὶ ἡ κεφαλὴ καὶ ὁ αὐχὴν τοῦ μηροῦ γίνεται, ὅταν δὲ ἐξαρθρήσῃ, καταφερὴσ πέφυκεν ἐπὶ τοῦ πυγαίου τὸ ἔξω μέροσ. Ξυγκάμπτειν μέντοι δύνανται, ὅταν μὴ ἡ ὀδύνη κωλύῃ‧ καὶ ἡ κνήμη τε καὶ ὁ ποὺσ ὀρθὰ ἐπιεικέωσ φαίνεται, καὶ οὔτε τῇ, οὔτε τῇ πολὺ ἐκκεκλιμένα‧ κατὰ δὲ τὸν βουβῶνα δοκέει τι ἡ σὰρξ λαπαρωτέρη εἶναι, ποτὶ καὶ ψαυομένη, ἅτε τοῦ ἄρθρου ἐσ τὰ ἐπὶ θάτερα μέρη ὠλισθηκότοσ‧ κατὰ δὲ αὐτὸ τὸ πυγαῖον διαψαυομένη ἡ κεφαλὴ τοῦ μηροῦ δοκέει ἐξογκέειν μᾶλλον. Τὰ μὲν οὖν σημήϊα ταῦτα, ᾧ ἂν ἐσ τὸ ὄπισθεν ἐκπεπτώκῃ ὁ μηρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 57.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 57.)

상위

목록

SEARCH

MENU NAVIGATION