헬라어 문장 검색 - Ηιπποξ́Οευϝρεσ́06́55́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 55.)

Οἷσι μὲν οὖν ἂν τετελειωμένοισιν ἤδη ἐκπεσὸν τὸ ἄρθρον μὴ ἐμπέσῃ, τούτοισι βραχύτερον μὲν φαίνεται τὸ ξύμπαν σκέλοσ, ἐν δὲ τῇ ὁδοιπορίῃ τῇ μὲν πτέρνῃ οὐ δύνανται καθικνέεσθαι ἐπὶ τῆσ γῆσ, τῷ δὲ στήθεϊ τοῦ ποδὸσ βαίνουσιν ἐπὶ τὴν γῆν‧ ὀλίγον δὲ ἐσ τὸ ἔσω μέροσ Ῥέπουσι τοῖσι δακτύλοισιν ἄκροισιν. Ὀχέειν δὲ δύναται τὸ σῶμα τὸ σιναρὸν σκέλοσ τούτοισι πολλῷ μᾶλλον, ἢ οἷσιν ἂν ἐσ τὸ ἔσω μέροσ ἐκπεπτώκῃ, ἅμα μὲν, ὅτι ἡ κεφαλὴ τοῦ μηροῦ, καὶ ὁ αὐχὴν τοῦ ἄρθρου πλάγιοσ φύσει πεφυκὼσ, ὑπὸ συχνῷ μέρεϊ τοῦ ἰσχίου τὴν ὑπόστασιν πεποίηται, ἅμα δὲ, ὅτι ἄκροσ ὁ ποὺσ οὐκ ἐσ τὸ ἔξω μέροσ ἀναγκάζεται ἐκκεκλίσθαι, ἀλλ’ ἐγγύσ ἐστι τῆσ ἰθυωρίησ τῆσ κατὰ τὸ σῶμα, καὶ τείνει καὶ ἐσωτέρω. Ὅταν οὖν τρίβον μὲν λάβῃ τὸ ἄρθρον ἐν τῇ σαρκὶ, εἰσ ἣν ἐξεκλίθη, ἡ δὲ σὰρξ γλισχρανθῇ, ἀνώδυνον τῷ χρόνῳ γίνεται‧ ὅταν δὲ ἀνώδυνον γένηται, δύνανται μὲν ὁδοιπορέειν ἄνευ ξύλου, ἢν ἄλλωσ βούλωνται‧ δύνανται δὲ ὀχέειν τὸ σῶμα ἐπὶ τὸ σιναρὸν σκέλοσ. Δι’ οὖν τὴν χρῆσιν ἧσσον τοῖσι τοιούτοισιν ἐκθηλύνονται αἱ σάρκεσ, ἢ οἷσιν ὀλίγον πρόσθεν εἴρηται‧ ἐκθηλύνονται δὲ ἢ πλεῖον, ἢ ἔλασσον‧ μᾶλλον δέ τι ἐκθηλύνονται κατὰ τὸ ἔσω μέροσ, ἢ κατὰ τὸ ἔξω, ὡσ ἐπὶ τὸ πολύ. Τὸ μέντοι ὑπόδημα μετεξέτεροι τούτων ὑποδέεσθαι οὐ δύνανται διὰ τὴν ἀκαμπίην τοῦ σκέλεοσ, οἱ δέ τινεσ καὶ δύνανται. Οἷσι δὲ ἂν ἐν γαστρὶ ἐοῦσιν ἐξαρθρήσῃ τοῦτο τὸ ἄρθρον, ἢ ἔτι ἐν αὐξήσει ἐοῦσι βίῃ ἐκπεσὸν ἤδη μὴ ἐμπέσῃ, ἢ καὶ ὑπὸ νούσου ἐξαρθρήσῃ τοῦτο τὸ ἄρθρον καὶ ἐκπαλήσῃ ̔πολλὰ γὰρ τοιαῦτα γίνεται, καὶ ἐνίων μὲν τῶν τοιούτων ἢν ἐπισφακελίσῃ ὁ μηρὸσ, ἐμπυήματα χρόνια καὶ ἔμμοτα γίνεται, καὶ ὀστέων ψιλώσιεσ ἐνίοισιν̓, ὁμοίωσ δὲ καὶ οἷσιν ἐπισφακελίζει, καὶ οἷσι μὴ ἐπισφακελίζει, τοῦ μηροῦ τὸ ὀστέον πολλῷ βραχύτερον γίνεται, καὶ οὐκ ἐθέλει ξυναύξεσθαι, ὥσπερ τοῦ ὑγιέοσ‧ τὰ μέντοι τῆσ κνήμησ βραχύτερα μὲν γίνεται, ἢ τὰ τῆσ ἑτέρησ, ὀλίγῳ δὲ, διὰ τὰσ αὐτὰσ προφάσιασ, αἳ καὶ πρόσθεν εἴρηνται‧ ὁδοιπορέειν τε δύνανται οἱ τοιοῦτοι, οἱ μέν τινεσ αὐτῶν τοῦτον τὸν τρόπον, ὥσπερ οἷσι τετελειωμένοισιν ἐξέπεσε καὶ μὴ ἐνέπεσεν, οἱ δὲ καὶ βαίνουσι μὲν παντὶ τῷ ποδὶ, διαῤῬέπουσι δὲ ἐν τῇσιν ὁδοιπορίῃσιν, ἀναγκαζόμενοι διὰ τὴν βραχύτητα τοῦ σκέλεοσ. Ταῦτα δὲ τοιαῦτα γίνεται, ἢν ἐπιμελέωσ μὲν παιδαγωγηθῶσιν ἐν τοῖσι σχήμασι καὶ ὀρθῶσ, ἐν οἷσι δεῖ, πρὶν κρατυνθῆναι ἐσ τὴν ὁδοιπορίην, ἐπιμελέωσ δὲ καὶ ὀρθῶσ, ἐπὴν κρατυνθῶσιν‧ πλείστησ δὲ ἐπιμελείησ δέονται, οἷσιν ἂν νηπιωτάτοισιν ἐοῦσιν αὕτη ἡ ξυμφορὴ γένηται‧ ἢν γὰρ ἀμεληθῶσι νήπιοι ἐόντεσ, ἀχρήϊον παντάπασι καὶ ἀναυξὲσ ὅλον τὸ σκέλοσ γίνεται. Αἱ δὲ σάρκεσ τοῦ ξύμπαντοσ σκέλεοσ μινύθουσι μᾶλλον, ἢ τοῦ ὑγιέοσ‧ πάνυ μὴν πολλῷ ἧσσον τούτοισι μινύθουσιν, ἢ οἷσιν ἂν ἔσω ἐκπεπτώκῃ, διὰ τὴν χρῆσιν καὶ τὴν ταλαιπωρίην, οἱο͂ν εὐθέωσ δύνασθαι χρέεσθαι τῷ σκέλεϊ, ὡσ καὶ πρόσθεν ὀλίγῳ περὶ τῶν γαλιαγκώνων εἴρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 55.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 55.)

상위

목록

SEARCH

MENU NAVIGATION