Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 55.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 55.)

Οἷσι μὲν οὖν ἂν τετελειωμένοισιν ἤδη ἐκπεσὸν τὸ ἄρθρον μὴ ἐμπέσῃ, τούτοισι βραχύτερον μὲν φαίνεται τὸ ξύμπαν σκέλοσ, ἐν δὲ τῇ ὁδοιπορίῃ τῇ μὲν πτέρνῃ οὐ δύνανται καθικνέεσθαι ἐπὶ τῆσ γῆσ, τῷ δὲ στήθεϊ τοῦ ποδὸσ βαίνουσιν ἐπὶ τὴν γῆν‧ ὀλίγον δὲ ἐσ τὸ ἔσω μέροσ Ῥέπουσι τοῖσι δακτύλοισιν ἄκροισιν. Ὀχέειν δὲ δύναται τὸ σῶμα τὸ σιναρὸν σκέλοσ τούτοισι πολλῷ μᾶλλον, ἢ οἷσιν ἂν ἐσ τὸ ἔσω μέροσ ἐκπεπτώκῃ, ἅμα μὲν, ὅτι ἡ κεφαλὴ τοῦ μηροῦ, καὶ ὁ αὐχὴν τοῦ ἄρθρου πλάγιοσ φύσει πεφυκὼσ, ὑπὸ συχνῷ μέρεϊ τοῦ ἰσχίου τὴν ὑπόστασιν πεποίηται, ἅμα δὲ, ὅτι ἄκροσ ὁ ποὺσ οὐκ ἐσ τὸ ἔξω μέροσ ἀναγκάζεται ἐκκεκλίσθαι, ἀλλ’ ἐγγύσ ἐστι τῆσ ἰθυωρίησ τῆσ κατὰ τὸ σῶμα, καὶ τείνει καὶ ἐσωτέρω. Ὅταν οὖν τρίβον μὲν λάβῃ τὸ ἄρθρον ἐν τῇ σαρκὶ, εἰσ ἣν ἐξεκλίθη, ἡ δὲ σὰρξ γλισχρανθῇ, ἀνώδυνον τῷ χρόνῳ γίνεται‧ ὅταν δὲ ἀνώδυνον γένηται, δύνανται μὲν ὁδοιπορέειν ἄνευ ξύλου, ἢν ἄλλωσ βούλωνται‧ δύνανται δὲ ὀχέειν τὸ σῶμα ἐπὶ τὸ σιναρὸν σκέλοσ. Δι’ οὖν τὴν χρῆσιν ἧσσον τοῖσι τοιούτοισιν ἐκθηλύνονται αἱ σάρκεσ, ἢ οἷσιν ὀλίγον πρόσθεν εἴρηται‧ ἐκθηλύνονται δὲ ἢ πλεῖον, ἢ ἔλασσον‧ μᾶλλον δέ τι ἐκθηλύνονται κατὰ τὸ ἔσω μέροσ, ἢ κατὰ τὸ ἔξω, ὡσ ἐπὶ τὸ πολύ. Τὸ μέντοι ὑπόδημα μετεξέτεροι τούτων ὑποδέεσθαι οὐ δύνανται διὰ τὴν ἀκαμπίην τοῦ σκέλεοσ, οἱ δέ τινεσ καὶ δύνανται. Οἷσι δὲ ἂν ἐν γαστρὶ ἐοῦσιν ἐξαρθρήσῃ τοῦτο τὸ ἄρθρον, ἢ ἔτι ἐν αὐξήσει ἐοῦσι βίῃ ἐκπεσὸν ἤδη μὴ ἐμπέσῃ, ἢ καὶ ὑπὸ νούσου ἐξαρθρήσῃ τοῦτο τὸ ἄρθρον καὶ ἐκπαλήσῃ ̔πολλὰ γὰρ τοιαῦτα γίνεται, καὶ ἐνίων μὲν τῶν τοιούτων ἢν ἐπισφακελίσῃ ὁ μηρὸσ, ἐμπυήματα χρόνια καὶ ἔμμοτα γίνεται, καὶ ὀστέων ψιλώσιεσ ἐνίοισιν̓, ὁμοίωσ δὲ καὶ οἷσιν ἐπισφακελίζει, καὶ οἷσι μὴ ἐπισφακελίζει, τοῦ μηροῦ τὸ ὀστέον πολλῷ βραχύτερον γίνεται, καὶ οὐκ ἐθέλει ξυναύξεσθαι, ὥσπερ τοῦ ὑγιέοσ‧ τὰ μέντοι τῆσ κνήμησ βραχύτερα μὲν γίνεται, ἢ τὰ τῆσ ἑτέρησ, ὀλίγῳ δὲ, διὰ τὰσ αὐτὰσ προφάσιασ, αἳ καὶ πρόσθεν εἴρηνται‧ ὁδοιπορέειν τε δύνανται οἱ τοιοῦτοι, οἱ μέν τινεσ αὐτῶν τοῦτον τὸν τρόπον, ὥσπερ οἷσι τετελειωμένοισιν ἐξέπεσε καὶ μὴ ἐνέπεσεν, οἱ δὲ καὶ βαίνουσι μὲν παντὶ τῷ ποδὶ, διαῤῬέπουσι δὲ ἐν τῇσιν ὁδοιπορίῃσιν, ἀναγκαζόμενοι διὰ τὴν βραχύτητα τοῦ σκέλεοσ. Ταῦτα δὲ τοιαῦτα γίνεται, ἢν ἐπιμελέωσ μὲν παιδαγωγηθῶσιν ἐν τοῖσι σχήμασι καὶ ὀρθῶσ, ἐν οἷσι δεῖ, πρὶν κρατυνθῆναι ἐσ τὴν ὁδοιπορίην, ἐπιμελέωσ δὲ καὶ ὀρθῶσ, ἐπὴν κρατυνθῶσιν‧ πλείστησ δὲ ἐπιμελείησ δέονται, οἷσιν ἂν νηπιωτάτοισιν ἐοῦσιν αὕτη ἡ ξυμφορὴ γένηται‧ ἢν γὰρ ἀμεληθῶσι νήπιοι ἐόντεσ, ἀχρήϊον παντάπασι καὶ ἀναυξὲσ ὅλον τὸ σκέλοσ γίνεται. Αἱ δὲ σάρκεσ τοῦ ξύμπαντοσ σκέλεοσ μινύθουσι μᾶλλον, ἢ τοῦ ὑγιέοσ‧ πάνυ μὴν πολλῷ ἧσσον τούτοισι μινύθουσιν, ἢ οἷσιν ἂν ἔσω ἐκπεπτώκῃ, διὰ τὴν χρῆσιν καὶ τὴν ταλαιπωρίην, οἱο͂ν εὐθέωσ δύνασθαι χρέεσθαι τῷ σκέλεϊ, ὡσ καὶ πρόσθεν ὀλίγῳ περὶ τῶν γαλιαγκώνων εἴρηται.

일치하는 문장이 없습니다.

SEARCH

MENU NAVIGATION