Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 52.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 52.)

Οἷσι μὲν ἂν οὖν ἐκπεσὼν μὴ ἐμπέσῃ, ἀλλὰ καταπορηθῇ καὶ ἀμεληθῇ, ἥ τε ὁδοιπορίη περιφοράδην τοῦ σκέλεοσ ὥσπερ τοῖσι βουσὶ γίνεται, καὶ ἡ ὄχησισ πλείστη αὐτέοισιν ἐπὶ τοῦ ὑγιέοσ σκέλεόσ ἐστιν. Καὶ ἀναγκάζονται κατὰ τὸν κενεῶνα καὶ κατὰ τὸ ἄρθρον τὸ ἐκπεπτωκὸσ κοῖλοι καὶ σκολιοὶ εἶναι‧ κατὰ δὲ τὸ ὑγιὲσ ἐσ τὸ ἔξω ὁ γλουτὸσ ἀναγκάζεται περιφερὴσ εἶναι‧ εἰ γάρ τισ ἔξω τῷ ποδὶ τοῦ ὑγιέοσ σκέλεοσ βαίνοι, ἀπωθοίη ἂν τὸ σῶμα τὸ ἄλλο ἐσ τὸ σιναρὸν σκέλοσ τὴν ὄχησιν ποιέεσθαι‧ τὸ δὲ σιναρὸν‧ οὐκ ἂν δύναιτο ὀχέειν‧ πῶσ γάρ; ἀναγκάζεται οὖν οὕτω κατὰ τοῦ ὑγιέοσ σκέλεοσ τῷ ποδὶ ἔσω βαίνειν, ἀλλὰ μὴ ἔξω‧ οὕτω γὰρ ὀχέει μάλιστα τὸ σκέλοσ τὸ ὑγιὲσ, καὶ τὸ ἑωυτοῦ μέροσ τοῦ σώματοσ, καὶ τὸ τοῦ σιναροῦ σκέλεοσ μέροσ. Κοιλαινόμενοι δὲ κατὰ τὸν κενεῶνα καὶ κατὰ τὰ ἄρθρα, μικροὶ φαίνονται, καὶ τῷ ξύλῳ ἀναγκάζονται ἀντερείδεσθαι πλάγιοι κατὰ τὸ ὑγιὲσ σκέλοσ‧ δέονται γὰρ ἀντικοντώσιοσ ταύτῃ‧ ἐπὶ τοῦτο γὰρ οἱ γλουτοὶ Ῥέπουσι, καὶ τὸ ἄχθοσ τοῦ σώματοσ ὀχεεται ἐπὶ τοῦτο. Ἀναγκάζονται δὲ καὶ ἐπικύπτειν‧ τὴν γὰρ χεῖρα τὴν κατὰ τὸ σκέλοσ τὸ σιναρὸν ἀναγκάζονται κατὰ πλάγιον τὸν μηρὸν ἐρείδειν‧ οὐ γὰρ δύναται τὸ σιναρὸν σκέλοσ ὀχέειν τὸ σῶμα ἐν τῇ μεταλλαγῇ τῶν σκελέων, ἢν μὴ κατέχηται πρὸσ τὴν γῆν πιεζόμενον. Ἐν τούτοισιν οὖν τοῖσι σχήμασιν ἀναγκάζονται ἐσχηματίσθαι, οἷσιν ἂν ἔσω ἐκβὰν τὸ ἄρθρον μὴ ἐμπέσῃ, οὐ προβουλεύσαντοσ τοῦ ἀνθρώπου, ὅκωσ ἂν Ῥήϊστα ἐσχηματισμένον ἐῄ, ἀλλ’ αὐτὴ ἡ ξυμφορὴ διδάσκει ἐκ τῶν παρεόντων τὰ Ῥήϊστα αἱρέεσθαι. Ἐπεὶ καὶ ὁκόσοι ἕλκοσ ἔχοντεσ ἐν ποδὶ ἢ κνήμῃ οὐ κάρτα δύνανται ἐπιβαίνειν τῷ σκέλεϊ, πάντεσ, καὶ οἱ νήπιοι, οὕτωσ ὁδοιπορέουσιν‧ ἔξω γὰρ βαίνουσι τῷ σιναρῷ σκέλεϊ‧ καὶ δισσὰ κερδαίνουσι, δισσῶν γὰρ δέονται‧ τό τε γὰρ σῶμα οὐκ ὀχέεται ὁμοίωσ ἐπὶ τοῦ ἔξω ἀποβαινομένου, ὥσπερ ἐπὶ τοῦ εἴσω‧ οὐδὲ γὰρ κατ’ ἰθυωρίην αὐτῷ γίνεται τὸ ἄχθοσ, ἀλλὰ πολλῷ μᾶλλον ἐπὶ τοῦ ὑποβαινομένου‧ κατ’ ἰθυωρίην γὰρ αὐτῷ γίνεται τὸ ἄχθοσ ἔν τε αὐτῇ τῇ ὁδοιπορίῃ καὶ τῇ μεταλλαγῇ τῶν σκελέων. Ἐν τούτῳ τῷ σχήματι τάχιστα ἂν δύναιτο ὑποτιθέναι τὸ ὑγιὲσ σκέλοσ, εἰ τῷ μὲν σιναρῷ ἐξωτέρω βαίνοι, τῷ δὲ ὑγιέϊ ἐσωτέρω. Περὶ οὗ οὖν ὁ λόγοσ, ἀγαθὸν εὑρίσκεσθαι αὐτὸ ἑωυτῷ τὸ σῶμα [ἐσ] τὰ Ῥήϊστα τῶν σχημάτων. Ὅσοισι μὲν οὖν μήπω τετελειωμένοισιν ἐσ αὔξησιν ἐκπεσὼν μὴ ἐμπέσοι, γυιοῦται ὁ μηρὸσ καὶ ἡ κνήμη καὶ ὁ πούσ‧ οὔτε γὰρ τὰ ὀστέα ἐσ τὸ μῆκοσ ὁμοίωσ αὔξεται, ἀλλὰ βραχύτερα γίνεται, μάλιστα δὲ τὸ τοῦ μηροῦ, ἄσαρκόν τε ἅπαν τὸ σκέλοσ καὶ ἄμυον καὶ ἐκτεθηλυσμένον καὶ λεπτότερον γίνεται, ἅμα μὲν, διὰ τὴν στέρησιν τῆσ χώρησ τοῦ ἄρθρου, ἅμα δὲ, ὅτι ἀδύνατον χρέεσθαί ἐστιν, ὅτι οὐ κατὰ φύσιν κέεται‧ χρῆσισ γὰρ μετεξετέρη Ῥύεται τῆσ ἄγαν ἐκθηλύνσιοσ‧ Ῥύεται δέ τι καὶ τῆσ ἐπὶ μῆκοσ ἀναυξήσιοσ. Κακοῦται μὲν οὖν μάλιστα, οἷσιν ἂν ἐν γαστρὶ ἐοῦσιν ἐξαρθρήσῃ τοῦτο τὸ ἄρθρον, δεύτερον δὲ, οἷσιν ἂν ὡσ νηπιωτάτοισιν ἐοῦσιν, ἥκιστα δὲ τοῖσι τετελειωμένοισιν. Τοῖσι μὲν οὖν τετελειωμένοισιν εἴρηται, οἱή τισ ἡ ὁδοιπορίη γίνεται‧ οἷσι δ’ ἂν νηπίοισιν ἐοῦσιν ἡ ξυμφορὴ αὕτη γένηται, οἱ μὲν πλεῖστοι καταβλακεύουσι τὴν διόρθωσιν τοῦ σώματοσ, ἀλλὰ κακῶσ εἰλέονται ἐπὶ τὸ ὑγιὲσ σκέλοσ, τῇ χειρὶ πρὸσ τὴν γῆν ἀπερειδόμενοι τῇ κατὰ τὸ ὑγιὲσ σκέλοσ‧ καταβλακεύουσι δὲ ἔνιοι τὴν ἐσ τὸ ὀρθὸν ὁδοιπορίην, καὶ οἷσιν ἂν τετελειωμένοισιν αὕτη ἡ ξυμφορὴ γένηται. Ὁκόσοι δ’ ἂν νήπιοι ἐόντεσ, ταύτῃ τῇ ξυμφορῇ χρησάμενοι, ὀρθῶσ παιδαγωγηθῶσι, τῷ μὲν ὑγιέϊ σκέλεϊ χρέονται ἐσ ὀρθὸν, ὑπὸ δὲ τὴν μασχάλην τὴν κατὰ τὸ ὑγιὲσ σκέλοσ σκίπωνα περιφέρουσι, μετεξέτεροι δὲ, καὶ ὑπ’ ἀμφοτέρασ τὰσ χεῖρασ‧ τὸ δὲ σιναρὸν σκέλοσ μετέωρον ἔχουσι, καὶ τοσούτῳ Ῥηί̈ουσ εἰσὶν, ὅσῳ ἂν αὐτοῖσιν ἔλασσον τὸ σκέλοσ τὸ σιναρὸν ἐῄ‧ τὸ δὲ ὑγιὲσ ἰσχύει αὐτέοισιν οὐδὲν ἧσσον, ἢ εἰ καὶ ἀμφότερα ὑγιέα ἦν. Θηλύνονται δὲ πᾶσι τοῖσι τοιούτοισιν αἱ σάρκεσ τοῦ σκέλεοσ, μᾶλλον δέ τι θηλύνονται αἱ ἐκ τοῦ ἔξω μέρεοσ, ἢ αἱ ἐκ τοῦ ἔσω ὡσ ἐπὶ πολύ.

일치하는 문장이 없습니다.

SEARCH

MENU NAVIGATION