Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 50.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 50.)

Ἀμφιφλασθείσησ μέντοι τῆσ σαρκὸσ ἀμφὶ τῇσι πλευρῇσιν, ἢ ὑπὸ πληγῆσ, ἢ ὑπὸ πτώματοσ, ἢ ὑπὸ ἀντερείσιοσ, ἢ ἄλλου τινὸσ τοιουτοτρόπου, πολλοὶ ἤδη πουλὺ αἷμα ἔπτυσαν‧ οἱ γὰρ ὀχετοὶ οἱ κατὰ τὸ λαπαρὸν τῆσ πλευρῆσ ἑκάστησ παρατεταμένοι, καὶ οἱ τόνοι ἀπὸ τῶν ἐπικαιροτάτων τῶν ἐν τῷ σώματι τὰσ ἀφορμὰσ ἔχουσιν‧ πολλοὶ οὖν ἤδη βηχώδεεσ, καὶ φυματίαι, καὶ ἔμπυοι ἐγένοντο, καὶ ἔμμοτοι, καὶ ἡ πλευρὴ ἐπεσφακέλισεν αὐτοῖσιν. Ἢν δὲ πρὸσ τῷ ὀστέῳ δοκέῃ εἶναι τὸ φλάσμα, καὶ ἔτι νεαρὸν ἐῄ, καὶ μήπω σφακελίσῃ τὸ ὀστέον, ἢν μὲν κάρτα ὀλίγον ἐῄ, οὕτω καίειν χρὴ ὥσπερ εἴρηται‧ ἢν μέντοι παραμήκησ ἐῄ ὁ μετεωρισμὸσ ὁ κατὰ τὸ ὀστέον, πλείονασ ἐσχάρασ ἐμβάλλειν χρή‧ περὶ δὲ σφακελισμοῦ πλευρῆσ ἅμα τῇ τῶν ἐμμότων ἰητρείῃ εἰρήσεται. Ἀτὰρ καὶ οἷσι μηδὲν τοιοῦτον προσεγένετο, ἀμφιφλασθείσησ τῆσ σαρκὸσ ἀμφὶ τῇσι πλευρῇσιν, ὅμωσ δὲ βραδύτερον ὀδυνώμενοι παύονται οὗτοι, ἢ οἷσιν ἂν πλευρὴ καταγῇ, καὶ ὑποστροφὰσ μᾶλλον ἴσχει ὀδυνημάτων τὸ χωρίον ἐν τοῖσι τοιούτοισι τρώμασιν, ἢ τοϊσιν ἑτέροισιν. Μάλα μὲν οὖν μετεξέτεροι καταμελέουσι τῶν τοιούτων σινέων, μᾶλλον ἢ ἢν πλευρὴ κατεαγῇ αὐτέοισιν‧ ἀτὰρ καὶ ἰήσιοσ σκεθροτέρησ οἱ τοιοῦτοι δέονται, εἰ σωφρονοῖεν‧ τῇ τε γὰρ διαίτῃ ξυμφέρει ξυνεστάλθαι, ἀτρεμέειν τε τῷ σώματι ὡσ μάλιστα, ἀφροδισίων τε ἀπέχεσθαι, βρωμάτων τε λιπαρῶν, καὶ κερχνωδέων, καὶ ἰσχυρῶν πάντων, φλέβα τε κατ’ ἀγκῶνα τέμνεσθαι, σιγᾷν τε ὡσ μάλιστα, ἐπιδέεσθαί τε τὸ χωρίον τὸ φλασθὲν σπλήνεσι μὴ πολυπτύχοισι, συχνοῖσι δὲ καὶ πολὺ πλατυτέροισι πάντη τοῦ φλάσματοσ, κηρωτῇ τε ὑποχρίειν, ὀθονίοισί τε πλατέσι σὺν ταινίῃσι πλατείῃσι καὶ μαλθακῇσιν ἐπιδέειν, ἐρείδειν τε μετρίωσ, ὥστε μὴ κάρτα πεπιέχθαι φάναι τὸν ἐπιδεδεμένον, μηδ’ αὖ χαλαρόν‧ ἄρχεσθαι δὲ τὸν ἐπιδέοντα κατὰ τὸ φλάσμα, καὶ ἐρηρεῖσθαι ταύτῃ μάλιστα, τὴν δὲ ἐπίδεσιν ποιέεσθαι, ὡσ ἀπὸ δύο ἀρχέων ἐπιδέεται, ἵνα μὴ περιῤῬεπὲσ τὸ δέρμα τὸ περὶ τὰσ πλευρὰσ ἐῄ, ἀλλ’ ἰσόῤῬοπον, ἐπιδέειν δὲ ἢ καθ’ ἑκάστην ἡμέρην, ἢ παρ’ ἑτέρην. Ἄμεινον δὲ καὶ τὴν κοιλίην μαλθάξαι κούφῳ τινὶ, ὅσον κενώσιοσ εἵνεκεν τοῦ σίτου, καὶ ἐπὶ μὲν δέκα ἡμέρασ ἰσχναίνειν, ἔπειτα ἀναθρέψαι τὸ σῶμα, καὶ ἁπαλῦναι‧ τῇ δὲ ἐπιδέσει, ἔστ’ ἂν μὲν ἰσχναίνῃσ, ἐρηρεισμένῃ μᾶλλον χρέεσθαι, ὁκόταν δὲ ἐσ τὸν ἁπαλυσμὸν ἄγῃσ, ἐπιχαλαρωτέρῃ‧ καὶ ἢν μὲν αἷμα ἀποπτύσῃ καταρχὰσ, τεσσαρακονθήμερον τὴν μελέτην καὶ τὴν ἐπίδεσιν ποιέεσθαι χρή‧ ἢν δὲ μὴ πτύσῃ τὸ αἷμα, ἀρκέει ἐν εἴκοσιν ἡμέρῃσιν ἡ μελέτη ὡσ ἐπὶ τὸ πολύ‧ τῇ ἰσχύϊ δὲ τοῦ τρώματοσ τοὺσ χρόνουσ προτεκμαίρεσθαι χρή. Ὅσοι δ’ ἂν ἀμελήσωσι τῶν τοιουτέων ἀμφιφλασμάτων, ἢν καὶ ἄλλο μηδὲν αὐτοῖσι φλαῦρον μέζον γένηται, ὅμωσ τό γε χωρίον ἀμφιφλασθὲν μυξωδεστέρην τὴν σάρκα ἴσχει, ἢ πρόσθεν εἶχεν. Ὅκου δέ τι τοιοῦτον ἐγκαταλείπεται, καὶ μὴ εὖ ἐξιποῦται τῇ γε ἀλθέξει, φαυλότερον μὲν, ἢν παρ’ αὐτὸ τὸ ὀστέον ἐγκαταλειφθῇ τὸ μυξῶδεσ‧ οὔτε γὰρ ἔτι ἡ σὰρξ ὁμοίωσ ἅπτεται τοῦ ὀστέου, τό τε ὀστέον νοσηρότερον γίνεται, σφακελισμοί τε χρόνιοι ὀστέου πολλοῖσιν ἤδη ἀπὸ τοιουτέων προφασίων ἐγένοντο. Ἀτὰρ καὶ ἢν μὴ παρὰ τὸ ὀστέον, ἀλλ’ αὐτὴ ἡ σὰρξ μυξώδησ ἐῄ, ὅμωσ‧ ὑποστροφαὶ γίνονται καὶ ὀδύναι ἄλλοτε καὶ ἄλλοτε, ἤν τι τῷ σώματι τύχῃ πονήσασ‧ καὶ διὰ τοῦτο τῇ ἐπιδέσει χρέεσθαι χρὴ, ἅμα μὲν ἀγαθῇ, ἅμα δὲ ἐπὶ πουλὺ προηκούσῃ, ἑώσ ἂν ξηρανθῇ μὲν καὶ ἀναποθῇ τὸ ἐκχύμωμα τὸ ἐν τῇ φλάσει γενόμενον, αὐξηθῇ δὲ σαρκὶ ὑγιέϊ τὸ χωρίον, ἅψηται δὲ τοῦ ὀστέου ἡ σάρξ. Οἷσι δ’ ἂ ἀμεληθεῖσι χρονιωθῇ, καὶ ὀδυνῶδεσ τὸ χωρίον γένηται, καὶ ἡ σὰρξ ὑπόμυξοσ ἐῄ, τούτοισι καῦσισ ἰήσισ ἀρίστη. Καὶ ἢν μὲν αὐτὴ ἡ σὰρξ μυξώδησ ἐῄ, ἄχρι τοῦ ὀστέου καίειν χρὴ, μὴ μὴν διαθερμανθῆναι τὸ ὀστέον‧ ἢν δὲ μεσηγὺ τῶν πλευρέων ἐῄ, ἐπιπολῆσ μὲν οὐδ’ οὕτω χρὴ καίειν, φυλάσσεσθαι μέντοι, μὴ διακαύσῃσ πέρην.

일치하는 문장이 없습니다.

SEARCH

MENU NAVIGATION