헬라어 문장 검색 - Ηιπποξ́Οευϝρεσ́06́50́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 50.)

Ἀμφιφλασθείσησ μέντοι τῆσ σαρκὸσ ἀμφὶ τῇσι πλευρῇσιν, ἢ ὑπὸ πληγῆσ, ἢ ὑπὸ πτώματοσ, ἢ ὑπὸ ἀντερείσιοσ, ἢ ἄλλου τινὸσ τοιουτοτρόπου, πολλοὶ ἤδη πουλὺ αἷμα ἔπτυσαν‧ οἱ γὰρ ὀχετοὶ οἱ κατὰ τὸ λαπαρὸν τῆσ πλευρῆσ ἑκάστησ παρατεταμένοι, καὶ οἱ τόνοι ἀπὸ τῶν ἐπικαιροτάτων τῶν ἐν τῷ σώματι τὰσ ἀφορμὰσ ἔχουσιν‧ πολλοὶ οὖν ἤδη βηχώδεεσ, καὶ φυματίαι, καὶ ἔμπυοι ἐγένοντο, καὶ ἔμμοτοι, καὶ ἡ πλευρὴ ἐπεσφακέλισεν αὐτοῖσιν. Ἢν δὲ πρὸσ τῷ ὀστέῳ δοκέῃ εἶναι τὸ φλάσμα, καὶ ἔτι νεαρὸν ἐῄ, καὶ μήπω σφακελίσῃ τὸ ὀστέον, ἢν μὲν κάρτα ὀλίγον ἐῄ, οὕτω καίειν χρὴ ὥσπερ εἴρηται‧ ἢν μέντοι παραμήκησ ἐῄ ὁ μετεωρισμὸσ ὁ κατὰ τὸ ὀστέον, πλείονασ ἐσχάρασ ἐμβάλλειν χρή‧ περὶ δὲ σφακελισμοῦ πλευρῆσ ἅμα τῇ τῶν ἐμμότων ἰητρείῃ εἰρήσεται. Ἀτὰρ καὶ οἷσι μηδὲν τοιοῦτον προσεγένετο, ἀμφιφλασθείσησ τῆσ σαρκὸσ ἀμφὶ τῇσι πλευρῇσιν, ὅμωσ δὲ βραδύτερον ὀδυνώμενοι παύονται οὗτοι, ἢ οἷσιν ἂν πλευρὴ καταγῇ, καὶ ὑποστροφὰσ μᾶλλον ἴσχει ὀδυνημάτων τὸ χωρίον ἐν τοῖσι τοιούτοισι τρώμασιν, ἢ τοϊσιν ἑτέροισιν. Μάλα μὲν οὖν μετεξέτεροι καταμελέουσι τῶν τοιούτων σινέων, μᾶλλον ἢ ἢν πλευρὴ κατεαγῇ αὐτέοισιν‧ ἀτὰρ καὶ ἰήσιοσ σκεθροτέρησ οἱ τοιοῦτοι δέονται, εἰ σωφρονοῖεν‧ τῇ τε γὰρ διαίτῃ ξυμφέρει ξυνεστάλθαι, ἀτρεμέειν τε τῷ σώματι ὡσ μάλιστα, ἀφροδισίων τε ἀπέχεσθαι, βρωμάτων τε λιπαρῶν, καὶ κερχνωδέων, καὶ ἰσχυρῶν πάντων, φλέβα τε κατ’ ἀγκῶνα τέμνεσθαι, σιγᾷν τε ὡσ μάλιστα, ἐπιδέεσθαί τε τὸ χωρίον τὸ φλασθὲν σπλήνεσι μὴ πολυπτύχοισι, συχνοῖσι δὲ καὶ πολὺ πλατυτέροισι πάντη τοῦ φλάσματοσ, κηρωτῇ τε ὑποχρίειν, ὀθονίοισί τε πλατέσι σὺν ταινίῃσι πλατείῃσι καὶ μαλθακῇσιν ἐπιδέειν, ἐρείδειν τε μετρίωσ, ὥστε μὴ κάρτα πεπιέχθαι φάναι τὸν ἐπιδεδεμένον, μηδ’ αὖ χαλαρόν‧ ἄρχεσθαι δὲ τὸν ἐπιδέοντα κατὰ τὸ φλάσμα, καὶ ἐρηρεῖσθαι ταύτῃ μάλιστα, τὴν δὲ ἐπίδεσιν ποιέεσθαι, ὡσ ἀπὸ δύο ἀρχέων ἐπιδέεται, ἵνα μὴ περιῤῬεπὲσ τὸ δέρμα τὸ περὶ τὰσ πλευρὰσ ἐῄ, ἀλλ’ ἰσόῤῬοπον, ἐπιδέειν δὲ ἢ καθ’ ἑκάστην ἡμέρην, ἢ παρ’ ἑτέρην. Ἄμεινον δὲ καὶ τὴν κοιλίην μαλθάξαι κούφῳ τινὶ, ὅσον κενώσιοσ εἵνεκεν τοῦ σίτου, καὶ ἐπὶ μὲν δέκα ἡμέρασ ἰσχναίνειν, ἔπειτα ἀναθρέψαι τὸ σῶμα, καὶ ἁπαλῦναι‧ τῇ δὲ ἐπιδέσει, ἔστ’ ἂν μὲν ἰσχναίνῃσ, ἐρηρεισμένῃ μᾶλλον χρέεσθαι, ὁκόταν δὲ ἐσ τὸν ἁπαλυσμὸν ἄγῃσ, ἐπιχαλαρωτέρῃ‧ καὶ ἢν μὲν αἷμα ἀποπτύσῃ καταρχὰσ, τεσσαρακονθήμερον τὴν μελέτην καὶ τὴν ἐπίδεσιν ποιέεσθαι χρή‧ ἢν δὲ μὴ πτύσῃ τὸ αἷμα, ἀρκέει ἐν εἴκοσιν ἡμέρῃσιν ἡ μελέτη ὡσ ἐπὶ τὸ πολύ‧ τῇ ἰσχύϊ δὲ τοῦ τρώματοσ τοὺσ χρόνουσ προτεκμαίρεσθαι χρή. Ὅσοι δ’ ἂν ἀμελήσωσι τῶν τοιουτέων ἀμφιφλασμάτων, ἢν καὶ ἄλλο μηδὲν αὐτοῖσι φλαῦρον μέζον γένηται, ὅμωσ τό γε χωρίον ἀμφιφλασθὲν μυξωδεστέρην τὴν σάρκα ἴσχει, ἢ πρόσθεν εἶχεν. Ὅκου δέ τι τοιοῦτον ἐγκαταλείπεται, καὶ μὴ εὖ ἐξιποῦται τῇ γε ἀλθέξει, φαυλότερον μὲν, ἢν παρ’ αὐτὸ τὸ ὀστέον ἐγκαταλειφθῇ τὸ μυξῶδεσ‧ οὔτε γὰρ ἔτι ἡ σὰρξ ὁμοίωσ ἅπτεται τοῦ ὀστέου, τό τε ὀστέον νοσηρότερον γίνεται, σφακελισμοί τε χρόνιοι ὀστέου πολλοῖσιν ἤδη ἀπὸ τοιουτέων προφασίων ἐγένοντο. Ἀτὰρ καὶ ἢν μὴ παρὰ τὸ ὀστέον, ἀλλ’ αὐτὴ ἡ σὰρξ μυξώδησ ἐῄ, ὅμωσ‧ ὑποστροφαὶ γίνονται καὶ ὀδύναι ἄλλοτε καὶ ἄλλοτε, ἤν τι τῷ σώματι τύχῃ πονήσασ‧ καὶ διὰ τοῦτο τῇ ἐπιδέσει χρέεσθαι χρὴ, ἅμα μὲν ἀγαθῇ, ἅμα δὲ ἐπὶ πουλὺ προηκούσῃ, ἑώσ ἂν ξηρανθῇ μὲν καὶ ἀναποθῇ τὸ ἐκχύμωμα τὸ ἐν τῇ φλάσει γενόμενον, αὐξηθῇ δὲ σαρκὶ ὑγιέϊ τὸ χωρίον, ἅψηται δὲ τοῦ ὀστέου ἡ σάρξ. Οἷσι δ’ ἂ ἀμεληθεῖσι χρονιωθῇ, καὶ ὀδυνῶδεσ τὸ χωρίον γένηται, καὶ ἡ σὰρξ ὑπόμυξοσ ἐῄ, τούτοισι καῦσισ ἰήσισ ἀρίστη. Καὶ ἢν μὲν αὐτὴ ἡ σὰρξ μυξώδησ ἐῄ, ἄχρι τοῦ ὀστέου καίειν χρὴ, μὴ μὴν διαθερμανθῆναι τὸ ὀστέον‧ ἢν δὲ μεσηγὺ τῶν πλευρέων ἐῄ, ἐπιπολῆσ μὲν οὐδ’ οὕτω χρὴ καίειν, φυλάσσεσθαι μέντοι, μὴ διακαύσῃσ πέρην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 50.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 50.)

상위

목록

SEARCH

MENU NAVIGATION