헬라어 문장 검색 - Ηιπποξ́Οευϝρεσ́06́48́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 48.)

Ὅσοισι δὲ ἐσ τὸ εἴσω σκολιαίνονται οἱ σπόνδυλοι ὑπὸ πτώματοσ, ἢ καὶ ἐμπεσόντοσ τινὸσ βαρέοσ, εἷσ μὲν οὐδεὶσ τῶν σπονδύλων μέγα ἐξίσταται κάρτα ὡσ ἐπὶ τὸ πολὺ ἐκ τῶν ἄλλων, ἢν δὲ ἐκστῇ μέγα ἢ εἷσ, ἢ πλείονεσ, θάνατον φέρουσιν‧ ὥσπερ δὲ καὶ πρόσθεν εἴρηται, κυκλώδησ καὶ αὕτη, καὶ οὐ γωνιώδησ γίνεται ἡ παραλλαγή. Οὖρα μὲν οὖν τούτοισι καὶ ἀπόπατοσ μᾶλλον ἴσχεται, ἢ τοῖσιν ἔξω κυφοῖσι, καὶ πόδεσ καὶ ὅλα τὰ σκέλεα ψύχεται μᾶλλον, καὶ θανατηφόρα ταῦτα μᾶλλον ἐκείνων‧ καὶ ἢν περιγένωνται δὲ, Ῥυώδεεσ τὰ οὖρα μᾶλλον οὗτοι, καὶ τῶν σκελέων ἀκρατέστεροι καὶ ναρκωδέστεροι‧ ἢν δὲ καὶ ἐν τῷ ἄνω μέρεϊ μᾶλλον τὸ λόρδωμα γένηται, παντὸσ τοῦ σώματοσ ἀκρατέεσ καὶ κατανεναρκωμένοι γίνονται. Μηχανὴν δὲ οὐκ ἔχω οὐδεμίην ἔγωγε, ὅκωσ χρὴ τὸν τοιοῦτον ἐσ τὸ αὐτὸ καταστῆσαι, εἰ μή τινα ἡ κατὰ τῆσ κλίμακοσ κατάσεισισ ὠφελέειν οἱή τε εἰή, ἢ καὶ ἄλλη τισ τοιαύτη ἰήσισ, ἢ κατάτασισ, οἱήπερ ὀλίγῳ πρόσθεν εἴρηται. Κατανάγκασιν δὲ σὺν τῇ κατατάσει οὐδεμίην ἔχω, ἥτισ ἂν γίνοιτο, ὥσπερ τῷ κυφώματι τὴν κατανάγκασιν ἡ σανὶσ ἐποιέετο. Πῶσ γὰρ ἄν τισ ἐκ τοῦ ἔμπροσθεν διὰ τῆσ κοιλίησ ἀναγκάσαι δύναιτο; οὐ γὰρ οἱο͂́ν τε. Ἀλλὰ μὴν οὔτε βῆχεσ, οὔτε πταρμοὶ οὐδεμίην δύναμιν ἔχουσιν, ὥστε τῇ κατατάσει ξυντιμωρέειν‧ οὐ μὴν οὐδ’ ἔνεσισ φύσησ ἐνιεμένη ἐσ τὴν κοιλίην οὐδὲν ἂν δυνασθείη. Καὶ μὴν αἱ μεγάλαι σικύαι προσβαλλόμεναι ἀνασπάσιοσ εἵνεκα δῆθεν τῶν ἔσω Ῥεπόντων, σπονδύλων, μεγάλη ἁμαρτὰσ γνώμησ ἐστίν‧ ἀπωθέουσι γὰρ μᾶλλον, ἢ ἀνασπῶσιν‧ καὶ οὐδ’ αὐτὸ τοῦτο γινώσκουσιν οἱ προσβάλλοντεσ‧ ὅσῳ γὰρ ἄν τισ μέζω προσβάλλῃ, τοσούτῳ μᾶλλον λορδοῦνται οἱ προσβληθέντεσ, ξυναναγκαζομένου ἄνω τοῦ δέρματοσ. Τρόπουσ δὲ ἄλλουσ κατασεισίων, ἢ οἱοῖ πρόσθεν εἴρηνται, ἔχοιμι ἂν εἰπεῖν, ἁρμόσαι οὓσ ἄν τισ δοκέοι τῷ παθήματι μᾶλλον‧ ἀλλ’ οὐ κάρτα πιστεύω αὐτοῖσιν‧ διὰ τοῦτο οὐ γράφω. Ἀθρόον δὲ ξυνιέναι χρὴ περὶ τούτων, ὧν ἐν κεφαλαίῳ εἴρηται, ὅτι τὰ μὲν ἐσ τὸ λορδὸν Ῥέψαντα ὀλέθριά ἐστι καὶ σινάμωρα, τὰ δὲ ἐσ τὸ κυφὸν ἀσινέα θανάτου, καὶ οὔρων σχεσίων, καὶ ἀποναρκωσίων τὸ ἔπίπαν‧ οὐ γὰρ ἐντείνει τοὺσ ὀχετοὺσ τοὺσ κατὰ τὴν κοιλίην, οὐδὲ κωλύει εὐρόουσ εἶναι ἡ ἐσ τὸ ἔξω κύφωσισ‧ ἡ δὲ λόρδωσισ ταῦτά τε ἀμφότερα ποιέει, καὶ ἐσ τὰ ἄλλα πολλὰ προσγίνεται. Ἐπείτοι πολὺ πλείονεσ σκελέων τε καὶ χειρῶν ἀκρατέεσ γίνονται, καὶ καταναρκοῦνται τὸ σῶμα, καὶ οὖρα ἴσχεται αὐτέοισιν, οἷσιν ἂν μὴ ἐκστῇ μὲν τὸ ὕβωμα μήτε ἔξω, μήτε ἔσω, σεισθέωσι δὲ ἰσχυρῶσ ἐσ τὴν ἰθυωρίην τῆσ Ῥάχιοσ‧ οἷσι δὲ ἂν ἐκστῇ τὸ ὕβωμα, ἧσσον τοιαῦτα πάσχουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 48.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 48.)

상위

목록

SEARCH

MENU NAVIGATION