헬라어 문장 검색 - Ηιπποξ́Οευϝρεσ́06́43́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 43.)

Ὅσοισι μὲν οὖν ἐγγὺσ τοῦ αὐχένοσ ἡ κύφωσισ γίνεται, ἧσσον εἰκὸσ ὠφελέειν τὰσ κατασείσιασ ταύτασ τὰσ ἐπὶ κεφαλὴν‧ σμικρὸν γὰρ τὸ βάροσ ἡ κεφαλὴ καὶ τὰ ἀκρώμια καταῤῬέποντα‧ ἀλλὰ τούσ γε τοιούτουσ εἰκὸσ ἐπὶ τοὺσ πόδασ κατασεισθέντασ μᾶλλον ἐξιθυνθῆναι‧ μέζων γὰρ οὕτωσ ἡ καταῤῬοπίη ἡ ἐπὶ ταῦτα. Ὅσοισι δὲ κατωτέρω τὸ ὕβωμα, τουτέοισιν εἰκὸσ μᾶλλον ἐπὶ κεφαλὴν κατασείεσθαι. Εἰ οὖν τισ ἐθέλοι κατασείειν, ὀρθῶσ ἂν ὧδε σκευάζοι‧ τὴν μὲν κλίμακα χρὴ σκυτίνοισιν ὑποκεφαλαίοισι πλαγίοισιν, ἢ ἐρινέοισι, καταστρῶσαι εὖ προσ δεδεμένοισιν, ὀλίγῳ πλέον καὶ ἐπὶ μῆκοσ καὶ ἔνθεν καὶ ἔνθεν, ἢ ὅσον ἂν τὸ σῶμα τοῦ ἀνθρώπου κατάσχοι‧ ἔπειτα τὸν ἄνθρωπον ὕπτιον κατακλῖναι ἐπὶ τὴν κλίμακα χρή‧ κἄπειτα προσδῆσαι μὲν τοὺσ πόδασ παρὰ τὰ σφυρὰ πρὸσ τὴν κλίμακα μὴ διαβεβῶτασ, δεσμῷ εὐόχῳ μὲν, μαλθακῷ δέ‧ προσδῆσαι δὲ κατωτέρω ἑκάτερον τῶν γουνάτων, καὶ ἀνωτέρω‧ προσδῆσαι δὲ καὶ κατὰ τὰ ἰσχία‧ κατὰ δὲ τοὺσ κενεῶνασ καὶ κατὰ τὸ στῆθοσ χαλαρῇσι ταινίῃσι περιβαλέειν οὕτωσ, ὅκωσ μὴ κωλύωσι τὴν κατάσεισιν‧ τὰσ δὲ χεῖρασ παρὰ τὰσ πλευρὰσ παρατείναντα προσκαταλαβεῖν πρὸσ αὐτὸ τὸ σῶμα, καὶ μὴ πρὸσ τὴν κλίμακα. Ὅταν δὲ ταῦτα κατασκευάσῃσ οὕτωσ, ἀνέλκειν τὴν κλίμακα ἢ πρὸσ τύρσιν τινὰ ὓψηλὴν, ἢ πρὸσ ἀέτωμα οἴκου‧ τὸ δὲ χωρίον, ἵνα κατασείεισ, ἀντίτυπον ἔστω‧ τοὺσ δὲ ἀνατείνοντασ εὐπαιδεύτουσ χρὴ εἶναι, ὅκωσ ὁμαλῶσ καὶ ἰσοῤῬόπωσ καὶ ἐξαπιναίωσ ἀφήσουσι, καὶ μήτε ἡ κλίμαξ ἑτερόῤῬοποσ ἐπὶ τὴν γῆν ἀφίξεται, μήτε αὐτοὶ προπετέεσ ἔσονται. Ἀπὸ μέντοι τύρσιοσ ἀφιεὶσ ἢ ἀπὸ ἱστοῦ καταπεπηγότοσ καρχήσιον ἔχοντοσ, ἔτι κάλλιον ἄν τισ σκευάσαιτο, ὥστε ἀπὸ τροχιλίησ τὰ χαλώμενα εἶναι ὅπλα, ἢ ἀπὸ ὄνου. Αἠδὲσ μὴν καὶ μακρολογέειν περὶ τούτων‧ ὅμωσ δὲ ἐκ τουτέων ἂν τῶν κατασκευῶν κάλλιστ’ ἄν τισ κατασεισθείη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 43.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 43.)

상위

목록

SEARCH

MENU NAVIGATION