헬라어 문장 검색 - Ηιπποξ́Οευϝρεσ́06́41́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 41.)

Σπόνδυλοι δὲ οἱ κατὰ Ῥάχιν, ὅσοισι μὲν ὑπὸ νοσημάτων ἕλκονται ἐσ τὸ κυφὸν, τὰ μὲν πλεῖστα ἀδύνατα λύεσθαι, ποτὶ καὶ ὅσα ἀνωτέρω τῶν φρενῶν τῆσ προσφύσιοσ κυφοῦται. Τῶν δὲ κατωτέρω μετεξέτερα λύουσι κιρσοὶ γενόμενοι ἐν τοῖσι σκέλεσι, μᾶλλον δέ τι ἐγγινόμενοι κιρσοὶ ἐν τῇ κατ’ ἰγνύην φλεβί‧ οἷσι δ’ ἂν τὰ κυφώματα λύηται, ἐγγίνονται δὲ καὶ ἐν τῇ κατὰ βουβῶνα‧ ἤδη δέ τισιν ἔλυσε καὶ δυσεντερίη πολυχρόνιοσ γενομένη. Καὶ οἷσι μὲν κυφοῦται Ῥάχισ παισὶν ἐοῦσι, πρὶν ἢ τὸ σῶμα τελειωθῆναι ἐσ αὔξησιν, τουτέοισι μὲν οὐδὲ ξυναύξεσθαι ἐθέλει κατὰ τὴν Ῥάχιν τὸ σῶμα, ἀλλὰ σκέλεα μὲν καὶ χεῖρεσ τελειοῦνται‧ ταῦτα δὲ ἐνδεέστερα γίνεται. Καὶ ὅσοισιν ἂν ᾖ ἀνωτέρω τῶν φρενῶν τὸ κῦφοσ, τούτοισι μὲν αἵ τε πλευραὶ οὐκ ἐθέλουσιν ἐσ τὸ εὐρὺ αὔξεσθαι, ἀλλ’ ἐσ τοὔμπροσθεν, τό τε στῆθοσ ὀξὺ γίνεται, ἀλλ’ οὐ πλατὺ, αὐτοί τε δύσπνοοι γίνονται, καὶ κερχώδεεσ‧ ἧσσον γὰρ εὐρυχωρίην ἔχουσιν αἱ κοιλίαι αἱ τὸ πνεῦμα δεχόμεναι καὶ προπέμπουσαι. Καὶ μέντοι καὶ ἀναγκάζονται κατὰ τὸν μέγαν σπόνδυλον λορδὸν τὸν αὐχένα ἔχειν, ὡσ μὴ προπετὴσ ἐῄ αὐτέοισιν ἡ κεφαλή‧ στενοχωρίην μὲν οὖν πολλην τῇ φάρυγγι παρέχει καὶ τοῦτο, ἐσ τὸ ἔσω Ῥέπον‧ καὶ γὰρ τοῖσιν ὀρθοῖσι φύσει δύσπνοιαν παρέχει τοῦτο τὸ ὀστέον, ἢν ἔσω Ῥέψῃ, ἔστ’ ἂν ἀναπιεχθῇ. Δι’ οὖν τὸ τοιοῦτον σχῆμα ἐξεχέβρογχοι οἱ τοιοῦτοι τῶν ἀνθρώπων μᾶλλον φαίνονται, ἢ οἱ ὑγιέεσ‧ φυματίαι τε ὡσ ἐπὶ τὸ πολὺ κατὰ τὸν πλεύμονά εἰσιν οἱ τοιοῦτοι σκληρῶν φυμάτων καὶ ἀπέπτων‧ καὶ γὰρ ἡ πρόφασισ τοῦ κυφώματοσ καὶ ἡ ξύντασισ τοῖσι πλείστοισι διὰ τοιαύτασ ξυστροφὰσ γίνεται, ᾗσιν ἂν κοινωνήσωσιν οἱ τόνοι οἱ ξύνεγγυσ. Ὅσοισι δὲ κατωτέρω τῶν φρενῶν τὸ κύφωμά ἐστι, τούτοισι νοσήματα μὲν ἐνίοισι προσγίνεται νεφριτικὰ, καὶ κατὰ κύστιν‧ ἀτὰρ καὶ ἀποστάσιεσ ἐμπυήματι καὶ κατὰ κενεῶνασ, καὶ κατὰ βουβῶνασ, χρόνιαι καὶ δυσαλθέεσ, καὶ τουτέων οὐδετέρη λύει τὰ κυφώματα‧ ἰσχία δὲ τοῖσι τοιουτέοισιν ἔτι ἀσαρκότερα γίνεται, ἢ τοῖσιν ἄνωθεν κυφοῖσιν‧ ἡ μέντοι ξύμπασα Ῥάχισ μακροτέρη τουτέοισιν, ἢ τοῖσιν ἄνωθεν κυφοῖσιν‧ ἥβη δὲ καὶ γένειον βραδύτερα καὶ ἀτελέστερα, καὶ ἀγονώτεροι οὗτοι τῶν ἄνωθεν κυφῶν. Οἷσι δ’ ἂν ηὐξημένοισιν ἤδη τὸ σῶμα ἡ κύφωσισ γένηται, τούτοισιν ἀπαντικρὺ μὲν τῆσ νούσου τῆσ τότε παρεούσησ κρίσιν ποιέει ἡ κύφωσισ‧ ἀνὰ χρόνον μέντοι ἐπισημαίνει τι τῶν αὐτέων, ὥσπερ καὶ τοῖσι νεωτέροισιν, ἢ πλέον, ἢ ἔλασσον‧ ἧσσον δὲ κακοήθωσ ὡσ τὸ ἐπίπαν μὴν τοιαῦτα πάντα ἐστίν. Πολλοὶ μέντοι ἤδη καὶ εὐφόρωσ ἤνεγκαν καὶ ὑγιεινῶσ τὴν κύφωσιν ἄχρι γήρωσ, μάλιστα δὲ οὗτοι, οἷσιν ἂν ἐσ τὸ εὔσαρκον καὶ πιμελῶδεσ προτράπηται τὸ σῶμα‧ ὀλίγοι μὴν ἤδη καὶ τῶν τοιούτων ὑπὲρ ἑξήκοντα ἔτη ἐβίωσαν‧ οἱ δὲ πλεῖστοι βραχυβιώτεροί εἰσιν. Ἔστι δ’ οἷσι καὶ ἐσ τὸ πλάγιον σκολιοῦνται σπόνδυλοι ἢ τῇ, ἢ τῇ‧ πάντα μὴν ἢ τὰ πλεῖστα τὰ τοιαῦτα γίνεται διὰ ξυστροφὰσ τὰσ ἔσωθεν τῆσ Ῥάχιοσ‧ προσξυμβάλλεται δὲ ἐνίοισι ξὺν τῇ νούσῳ καὶ τὰ σχήματα, ἐφ’ ὁκοῖα ἂν. ἐθισθέωσι κεκλίσθαι. Ἀλλὰ περὶ μὲν τούτων ἐν τοῖσι χρονίοισι κατὰ πλεύμονα νοσήμασιν εἰρήσεται‧ ἐκεῖ γάρ εἰσιν αὐτῶν χαριέσταται προγνώσιεσ περὶ τῶν μελλόντων ἔσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 41.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 41.)

상위

목록

SEARCH

MENU NAVIGATION