헬라어 문장 검색 - Ηιπποξ́Οευϝρεσ́06́40́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 40.)

Ἢν δὲ οὖσ κατεαγῇ, ἐπιδέσιεσ μὲν πᾶσαι πολέμιαι‧ οὐ γὰρ οὕτω τισ καλαρὸν περιβάλλοι‧ ἢν δὲ μᾶλλον πιέζῃ, πλέον κακὸν ἐργάζεται‧ ἐπεὶ καὶ ὑγιὲσ οὖσ, ἐπιδέσει πιεχθὲν, ὀδυνηρὸν καὶ σφυγματῶδεσ καὶ πυρετῶδεσ γίνεται. Πάντων δὲ τῶν παλιγκοτησάντων ἡ πέρην διάκαυσισ αὐταρκέστατον. Ἀτὰρ καὶ τὰ ἐπιπλάσματα, κάκιστα μὲν τὰ βαρύτατα τὸ ἐπίπαν‧ ἀτὰρ καὶ τὰ πλεῖστα φλαῦρα καὶ ἀποστατικὰ, καὶ μύξαν τε ὑποποιέει πλείω, κἄπειτα ἐκπυήσιασ ἀσηράσ‧ τούτων δὲ ἥκιστα οὖσ κατγὲν προσδέεται‧ ἄγχιστα μὴν, εἴπερ χρὴ, τὸ γλίσχρον ἄλητον‧ χρὴ δὲ μηδὲ τοῦτο βάροσ ἔχειν. Ψαύειν δὲ ὡσ ἥκιστα ξυμφέρει‧ ἀγαθὸν γὰρ φάρμακόν ἐστιν ἐνίοτε καὶ τὸ μηδὲν προσφέρειν καὶ πρὸσ οὖσ καὶ πρὸσ ἄλλα πολλά. Χρὴ δὲ καὶ τὴν ἐπικοίμησιν φυλάσσεσθαι‧ τὸ δὲ σῶμα ἰσχναίνειν, καὶ μᾶλλον, ᾧ ἂν κίνδυνοσ ἐῄ ἔμπυον τὸ οὖσ γενέσθαι‧ ἄμεινον δὲ καὶ μαλθάξαι τὴν κοιλίην‧ ἢν δὲ καὶ εὐήμετοσ ἐῄ, ἐμέειν ἀπὸ συρμαϊσμοῦ. Ἢν δὲ ἐσ ἐμπύησιν ἔλθῃ, ταχέωσ μὲν οὐ χρὴ στομοῦν‧ πολλὰ γὰρ καὶ τῶν δοκεόντων ἐκπυέεσθαι ἀναπίνεταί ποτε, κἢν μηδέν τισ καταπλάσῃ. Ἢν δὲ ἀναγκασθῇ στομῶσαι, τάχιστα μὲν ὑγιὲσ γίνεται, ἤν τισ πέρην διακαύσῃ‧ εἰδέναι μέντοι χρὴ σαφῶσ, ὅτι κυλλὸν ἔσται τὸ οὖσ καὶ μεῖον τοῦ ἑτέρου, ἢν πέρην διακαυθῇ. Ἢν δὲ μὴ πέρην καίηται, τάμνειν χρὴ τὸ μετέωρον, μὴ πάνυ σμικρὴν τομήν‧ διὰ παχυτέρου μὴν καὶ τὸ πῦον εὑρίσκεται, ἢ ὡσ ἄν τισ δοκέοι‧ ὡσ δ’ ἐν κεφαλαίῳ εἰπεῖν, καὶ πάντα τἄλλα τὰ μυξώδεα καὶ μυξοποιὰ, ἅτε γλίσχρα ἐόντα, ὑποθιγγανόμενα διολισθάνει ταχέωσ ὑπὸ τοὺσ δακτύλουσ καὶ ἔνθα καὶ ἔνθα‧ διὰ τοῦτο διὰ παχυτέρου εὑρίσκουσι τὰ τοιαῦτα οἱ ἰητροὶ, ἢ ὡσ οἰόνται‧ ἐπεὶ καὶ τῶν γαγγλιωδέων ἔνια, ὅσα ἂν πλαδαρὰ ἐῄ, καὶ μυξώδεα σάρκα ἔχῃ, πολλοὶ στομοῦσιν, οἰόμενοι Ῥεῦμα ἀνευρήσειν ἐσ τὰ τοιαῦτα‧ ἡ μὲν οὖν γνώμη τοῦ ἰητροῦ ἐξαπατᾶται‧ τῷ δὲ πρήγματι τῷ τοιούτῳ οὐδεμία βλάβη στομωθέντι. Ὅσα δὲ ὑδατώδεα χωρία ἐστὶν, ἢ μύξησ πεπληρωμένα, καὶ ἐν οἱοίσι χωρίοισιν ἕκαστα θάνατον φέρει στομούμενα, ἢ καὶ ἀλλοίασ βλάβασ, περὶ τούτων ἐν ἄλλῳ λόγῳ γεγράψεται. Ὅταν οὖν τάμῃ τισ τὸ οὖσ, πάντων μὲν καταπλασμάτων, πάσησ τε μοτώσιοσ ἀπέχεσθαι χρή‧ ἰητρεύειν δὲ ἢ ἐναίμῳ, ἢ ἄλλῳ τῳ, ὅ τι μήτε βάροσ, μήτε πόνον παρασχήσει‧ ἢν γὰρ ὁ χόνδροσ ἄρξηται ψιλοῦσθαι, καὶ ὑποστάσιασ ἴσχῃ, ὀχλῶδεσ‧ γιγνεται δὲ τοῦτο δι’ ἐκείνασ τὰσ ἰήσιασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 40.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 40.)

상위

목록

SEARCH

MENU NAVIGATION