Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 37.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 37.)

Ὁκόσοισι μὲν οὖν Ῥὶσ ἐσ τὸ κάτω καὶ ἐσ τὸ σιμὸν Ῥέπουσα κατεαγῇ, ἢν μὲν ἐκ τοῦ ἔμπροσθεν μέρεοσ κατὰ τὸν χόνδρον ἵζηται, οἱο͂́ν τέ ἐστι καὶ ἐντιθέναι τι διόρθωμα ἐσ τοὺσ μυκτῆρασ‧ ἢν δὲ μὴ, ἀνορθοῦν μὲν χρὴ πάντα τὰ τοιαῦτα, τοὺσ δακτύλουσ ἐσ τοὺσ μυκτῆρασ ἐντιθέντα, ἢν ἐνδέχηται‧ ἢν δὲ μὴ, παχὺ ὑπάλειπτρον μὴ ἐσ τὸ ἔμπροσθεν τῆσ Ῥινὸσ ἀνάγοντα τοῖσι δακτύλοισιν, ἀλλ’ ᾗ ἵδρυται‧ ἔξωθεν δὲ τῆσ Ῥινὸσ ἔνθεν καὶ ἔνθεν ἀμφιλαμβάνοντα τοῖσι δακτύλοισι, ξυναναγκάζειν τε ἅμα καὶ ἀναφέρειν ἐσ τὸ ἄνω. Ἀλλὰ γὰρ οἱ ἄνθρωποι αἰσχροὶ μὲν εἶναι πολλοῦ ἀποτιμῶνται, μελετᾷν δὲ ἅμα μὲν οὐκ ἐπίστανται, ἅμα δὲ οὐ τολμέουσιν, ἢν μὴ ὀδυνέωνται, ἢ θάνατον δεδοίκωσιν‧ καίτοι ὀλιγοχρόνιοσ ἡ πώρωσισ τῆσ Ῥινόσ‧ ἐν γὰρ δέκα ἡμέρῃσι κρατύνεται, ἢν μὴ ἐπισφακελίσῃ. Καὶ ἢν μὲν πάνυ ἐν τῷ ἔμπροσθεν τὸ κάτηγμα ἐῄ, οἱο͂́ν τέ τι καὶ ἔσω τῶν μυκτήρων ἐντιθέναι, ὥσπερ ἤδη εἴρηται, ἢ ἄχνην τὴν ἀφ’ ἡμιτυβίου, ἢ ἄλλο τι τοιοῦτον ἐν ὀθονίῳ εἱλίσσοντα, μᾶλλον δὲ ἐν καρχηδονίῳ δέρματι ἐῤῬάψαντα, σχηματίσαντα τὸ ἁρμόσσον σχῆμα τῷ χωρίῳ, ἵνα ἐγκείσεται. Ἢν μέντοι πρωσωτέρω ἐῄ τὸ κάτηγμα, οὐδὲν οἱο͂́ν τε ἔσω ἐντιθέναι‧ καὶ γὰρ εἰ ἐν τῷ ἔμπροσθεν ἀσηρὸν τὸ φόρημα, πῶσ γε δὴ οὐκ ἐν τῷ ἐσωτέρω; Τὸ μὲν οὖν πρῶτον, καὶ ἔσωθεν ἀναπλάσσεσθαι καὶ ἔξωθεν ἀφειδήσαντα, χρὴ ἀναγαγεῖν ἐσ τὴν ἀρχαίην φύσιν, καὶ διορθώσασθαι. Κάρτα γὰρ οἱή τε Ῥὶσ καταγεῖσα ἀναπλάσσεσθαι, μάλιστα μὲν αὐθήμεροσ, ἢν δὲ μὴ, ὀλίγῳ ὕστερον‧ ἀλλὰ καταβλακεύουσιν οἱ ἰητροὶ, καὶ ἁπαλωτέρωσ τὸ πρῶτον ἅπτονται, ἢ ὡσ χρὴ‧ παραβάλλοντα γὰρ τοὺσ δακτύλουσ χρὴ ἔνθεν καὶ ἔνθεν κατὰ τὴν φύσιν τῆσ Ῥινὸσ ὡσ κατωτάτω, κάτωθεν ξυναναγκάζειν, καὶ οὕτω μάλιστα ἀνορθοῦται σὺν τῇ ἔσωθεν διορθώσει. Ἔπειτα δὲ ἐσ ταῦτα ἰητρὸσ οὐδεὶσ ἄλλοσ ἐστὶ τοιοῦτοσ, εἰ ἐθέλοι καὶ μελετᾷν καὶ τολμᾷν, ὡσ οἱ δάκτυλοι αὐτοῦ οἱ λιχανοί‧ οὗτοι γὰρ κατὰ φύσιν μάλιστά εἰσιν. Παραβάλλοντα γὰρ χρὴ τῶν δακτύλων ἑκάτερον, παρὰ πᾶσαν τὴν Ῥῖνα ἐρείδοντα, ἡσύχωσ οὗτωσ ἔχειν, μάλιστα μὲν, εἰοἱο͂́ν τε εἰή, αἰεὶ, ἐστ’ ἂν κρατυνθῇ, εἰ δὲ μὴ, ὡσ πλεῖστον χρόνον, αὐτὸν, ὡσ εἴρηται‧ εἰ δὲ μὴ, ἢ παῖδα ἢ γυναῖκά τινα‧ μαλθακὰσ γὰρ τὰσ χεῖρασ δεῖ εἶναι. Οὕτω γὰρ ἂν κάλλιστα ἰητρευθείη, ὁτέῳ ἡ Ῥὶσ μὴ ἐσ τὸ σκολιὸν, ἀλλ’ ἐσ τὸ κάτω ἱδρυμένη, ἰσόῤῬοποσ εἰή. Ἐγὼ μὲν οὖν οὐδεμίην που Ῥῖνα εἶδον, ἥτισ οὕτω κατεαγεῖσα οὐχ οἱή τε διορθωθῆναι, αὐτίκα πρὶν πωρωθῆναι ξυναναγκαζομένη, ἐγένετο, εἴ τισ ὀρθῶσ ἐθέλοι ἰητρέυειν.

일치하는 문장이 없습니다.

SEARCH

MENU NAVIGATION