헬라어 문장 검색 - Ηιπποξ́Οευϝρεσ́06́33́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 33.)

Ἢν δὲ ἀποκαυλισθῇ παντάπασι τὸ ὀστέον ὁ̓λιγάκισ δὲ τοῦτο γίνεταἰ, κατορθοῦν μὲν χρὴ τὸ ὀστέον οὕτω, καθάπερ εἴρηται. Ὅταν δὲ κατορθώσῃσ, τοὺσ ὀδόντασ χρὴ ζευγνῦναι, ὡσ πρόσθεν εἴρηται‧ μέγα γὰρ ἂν ξυλλαμβάνοι ἐσ τὴν ἀτρεμίην, προσέτι καὶ ἤν τισ ὀρθῶσ ζεύξῃ, ὥσπερ χρὴ, τὰσ ἀρχὰσ Ῥάψασ. Ἀλλὰ γὰρ οὐ Ῥηί̈διον ἐν γραφῇ χειρουργίην πᾶσαν ἀτρεκέωσ διηγέεσθαι, ἀλλὰ καὶ αὐτὸν ὑποτοπέεσθαι χρὴ ἐκ τῶν γεγραμμένων. Ἔπειτα χρὴ δέρματοσ καρχηδονίου, ἢν μὲν νηπιώτεροσ ἐῄ ὁ τρωθεὶσ, ἀρκέει τῷ λοπῷ χρέεσθαι, ἢν δὲ τελειότεροσ ἐῄ, αὐτῷ τῷ δέρματι‧ ταμόντα δὲ χρὴ εὖροσ ὡσ τριδάκτυλον, ἢ ὅκωσ ἂν ἁρμόζῃ, ὑπαλείψαντα κόμμι τὴν γνάθον εὑ̓μενέστερον γὰῤ, κόλλῃ προσκολλῆσαι τὸ δέρμα ἄκρον πρὸσ τὸ ἀποκεκαυλισμένον τῆσ γνάθου, ἀπολείποντα ὡσ δάκτυλον ἀπὸ τοῦ τρώματοσ ἢ ὀλίγῳ πλέον‧ τοῦτο μὲν ἐσ τὸ κάτω μέροσ‧ ἐχέτω δὲ ἐντομὴν κατὰ τὴν ἴξιν τοῦ γενείου ὁ ἱμὰσ, ὡσ ἀμφιβεβήκῃ ἀμφὶ τὸ ὀξὺ τοῦ γενείου. Ἕτερον δὲ ἱμάντα τοιοῦτον, ἢ ὀλίγῳ πλατύτερον προσκολλῆσαι χρὴ πρὸσ τὸ ἄνω μέροσ τῆσ γνάθου, ἀπολείποντα καὶ τοῦτον ἀπὸ τοῦ τρώματοσ, ὅσονπερ ὁ ἕτεροσ ἀπέλιπεν‧ ἐσχίσθω δὲ καὶ οὗτοσ ὁ ἱμὰσ τὴν ἀμφὶ τὸ οὖσ περίβασιν. Ἀποξέεσ δὲ ἔστωσαν οἱ ἱμάντεσ ἀμφὶ τὴν ξυναφήν‧ ἐν δὲ τῇ κολλήσει ἡ σὰρξ τοῦ σκύτεοσ πρὸσ τοῦ χρωτὸσ ἔστω, ἐχεκολλότερον γὰρ οὕτωσ. Ἔπειτα κακατείναντα χρὴ καὶ τοῦτον τὸν ἱμάντα μᾶλλον δέ τι τὸν περὶ τὸ γένειον, ὡσ ὅτι μάλιστα μὴ ἀπομυλλήνῃ ἡ γνάθοσ, ξυνάψαι τοὺσ ἱμάντασ κατὰ τὴν κορυφὴν, κἄπειτα περὶ τὸ μέτωπον ὀθονίῳ καταδῆσαι, καὶ κατάβλημα χρὴ εἶναι, ὥσπερ νομίζεται, ὡσ ἀτρεμέῃ τὰ δεσμά. Τὴν δὲ κατάκλισιν ποιεέσθω ἐπὶ τὴν ὑγιέα γνάθον, μὴ τῇ γνάθῳ ἐρηρεισμένοσ, ἀλλὰ τῇ κεφαλῇ. Ἰσχναίνειν δὲ χρὴ τὸ σῶμα ἄχρι ἡμερέων δέκα, ἔπειτα ἀνατρέφειν μὴ βραδέωσ‧ ἢν γὰρ ἐν τῇσι πρώτῃσιν ἡμέρῃσι μὴ φλεγμήνῃ, ἐν εἴκοσιν ἡμέρῃσιν ἡ γνάθοσ κρατύνεται‧ ταχέωσ γὰρ ἐπιπωροῦται, ὥσπερ καὶ τὰ ἄλλα τὰ ἀραιὰ ὀστέα, ἢν μὴ ἐπισφακελίσῃ. Ἀλλὰ γὰρ περὶ σφακελισμῶν τῶν ξυμπάντων ὀστέων ἄλλοσ μακρὸσ λόγοσ λείπεται. Αὕτη ἡ διάτασισ ἡ ἀπὸ τῶν κολλημάτων εὐμενὴσ, καὶ εὐταμίευτοσ, καὶ ἐσ πολλὰ καὶ πολλαχοῦ διορθώματα εὔχρηστοσ. Τῶν δὲ ἰητρῶν οἱ μὴ ξὺν νόῳ εὔχειρεσ, καὶ ἐν ἄλλοισι τρώμασι τοιοῦτοί εἰσι καὶ ἐν γνάθων κατήξεσιν‧ ἐπιδέουσι γὰρ γνάθον κατεαγεῖσαν ποικίλωσ καὶ καλῶσ καὶ κακῶσ. Πᾶσα γὰρ ἐπίδεσισ γνάθου οὕτω καταγείσησ ἐκκλίνει τὰ ὀστέα τὰ ἐσ τὸ κάτηγμα Ῥέποντα μᾶλλον, ἢ ἐσ τὴν φύσιν ἄγει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 33.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 33.)

상위

목록

SEARCH

MENU NAVIGATION