Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 32.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 32.)

Ἢν δὲ κατεαγῇ ἡ κάτω γνάθοσ, ἢν μὲν μὴ ἀποκαυλισθῇ παντάπασιν, ἀλλὰ ξυνέχηται τὸ ὀστέον, ἐκκεκλιμένον δὲ ἐῄ, κατορθῶσαι μὲν χρὴ τὸ ὀστέον, παρά γε τὴν γλῶσσαν πλαγίην ὑπείραντα τοὺσ δακτύλουσ, τὸ δὲ ἔξωθεν ἀντερείδοντα, ὡσ ἂν ξυμφέρῃ‧ καὶ ἢν διεστραμμένοι ἐώσιν οἱ ὀδόντεσ οἱ κατὰ τὸ τρῶμα καὶ κεκινημένοι, ὁκόταν τὸ ὀστέον κατορθωθῇ, ζεῦξαι τοὺσ ὀδόντασ χρὴ πρὸσ ἀλλήλουσ, μὴ μόνον τοὺσ δύο, ἀλλὰ καὶ πλέονασ, μάλιστα μὲν χρυσίῳ, ἔστ’ ἂν κρατυνθῇ τὸ ὀστέον, εἰ δὲ μὴ, λίνῳ‧ ἔπειτα ἐπιδεῖν κηρωτῇ καὶ σπλήνεσιν ὀλίγοισι καὶ ὀθονίοισιν ὀλίγοισι, μὴ ἄγαν ἐρείδοντα, ἀλλὰ χαλαροῖσιν. Εὖ γὰρ εἰδέναι χρὴ, ὅτι ἐπίδεσισ ὀθονίων, γνάθου καταγείσησ, μικρὰ μὲν ἂν ὠφελέοι, εἰ χρηστῶσ ἐπιδέοιτο, μεγάλα δ’ ἂν βλάπτοι, εἰ κακῶσ ἐπιδέοιτο. Πυκνὰ δὲ παρὰ τὴν γλῶσσαν ἐσματέεσθαι χρὴ, καὶ πουλὺν χρόνον ἀντέχειν τοῖσι δακτύλοισι κατορθοῦντα τοῦ ὀστέου τὸ ἐκκλιθέν‧ ἄριστον δὲ, εἰ αἰεὶ δύναιτο, ἀλλ’ οὐχ οἰο͂́ν τε.

일치하는 문장이 없습니다.

SEARCH

MENU NAVIGATION