헬라어 문장 검색 - Ηιπποξ́Οευϝρεσ́06́16́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 16.)

Εἰ δὲ μὴ κατεαγείη μὲν οὕτωσ, παρολισθάνοι δὲ ἐσ τὸ πλάγιον ἢ τῇ ἢ τῇ, ἐσ τὴν φύσιν μὲν ἀπαγαγεῖν ἂν δέοι, ἀναγαγόντα τὸν ὦμον σὺν τῷ βραχίονι, ὥσπερ καὶ πρόσθεν εἴρηται‧ ὅταν δὲ ἵζηται ἐσ τὴν ἀρχαίην φύσιν, ταχείη ἂν ἡ ἄλλη ἰητρείη εἰή. Τὰ μὲν οὖν πλεῖστα τῶν παραλλαγμάτων κατορθοῖ αὐτὸσ ὁ βραχίων ἀναγκαζόμενοσ πρὸσ τὰ ἄνω. Ὅσα δὲ τῶν ἄνωθεν παρολισθάνοντα ἐσ τὸ πλάγιον ἦλθεν, ἢ ἐσ τὸ κατωτέρω, συμπορσύνοι ἂν τὴν κατόρθωσιν, εἰ ὁ μὲν ἄνθρωποσ ὕπτιοσ κέοιτο, κατὰ δὲ τὸ μεσηγὺ τῶν ὠμοπλατέων ὑψηλότερόν τι ὀλίγῳ ὑποκέοιτο, ὡσ περιῤῬηδὲσ ἐῄ τὸ στῆθοσ ὡσ μάλιστα‧ καὶ τὸν βραχίονα εἰ ἀνάγοι τισ παρὰ τὰσ πλευρὰσ παρατεταμένον, ὁ δὲ ἰητρὸσ τῇ μὲν ἑτέρῃ χειρὶ ἐσ τὴν κεφαλὴν τοῦ βραχίονοσ ἐμβαλὼν τὸ θέναρ τῆσ χειρὸσ ἀπωθέοι, τῇ δὲ ἑτέρῃ τὰ ὀστέα τὰ κατεηγότα εὐτεθίζοι, οὕτωσ ἂν μάλιστα ἐσ τὴν φύσιν ἄγοι‧ ἀτὰρ, ὥσπερ ἤδη εἴρηται, οὐ μάλα τὸ ἄνωθεν ὀστέον ἐσ τὸ κάτω φιλέει ὑποδύνειν. Τοῖσι μὲν οὖν πλείστοισιν, ὅταν ἐπιδεθῶσι, τὸ σχῆμα ἀρήγει, παρ’ αὐτὰσ τὰσ πλευρὰσ τὸν ἀγκῶνα ἔχοντα, οὕτωσ ἐσ τὸ ἄνω τὸν ὦμον ἀναγκάζεσθαι‧ ἔστι δ’ οἷσι μὲν τὸν ὦμον ἀναγκάζειν δεῖ ἐσ τὸ ἄνω, ὡσ εἴρηται, τὸν δὲ ἀγκῶνα πρὸσ τὸ στῆθοσ παράγειν, ἄκρην δὲ τὴν χεῖρα παρὰ τὸ ἀκρώμιον τοῦ ὑγιέοσ ὤμου ἴσχειν. Ἢν μὲν οὖν κατακέεσθαι τολμᾷ, ἀντιστήριγμά τι προστιθέναι χρὴ, ὡσ ἂν ὁ ὦμοσ ἀνωτάτω ἐῄ‧ ἢν δὲ περιίῃ, σφενδόνην χρὴ, ἐκ ταινίησ περὶ τὸ ὀξὺ τοῦ ἀγκῶνοσ ποιήσαντα, ἀναλαμβάνειν περὶ τὸν αὐχένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 16.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 16.)

상위

목록

SEARCH

MENU NAVIGATION