Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 16.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 16.)

Εἰ δὲ μὴ κατεαγείη μὲν οὕτωσ, παρολισθάνοι δὲ ἐσ τὸ πλάγιον ἢ τῇ ἢ τῇ, ἐσ τὴν φύσιν μὲν ἀπαγαγεῖν ἂν δέοι, ἀναγαγόντα τὸν ὦμον σὺν τῷ βραχίονι, ὥσπερ καὶ πρόσθεν εἴρηται‧ ὅταν δὲ ἵζηται ἐσ τὴν ἀρχαίην φύσιν, ταχείη ἂν ἡ ἄλλη ἰητρείη εἰή. Τὰ μὲν οὖν πλεῖστα τῶν παραλλαγμάτων κατορθοῖ αὐτὸσ ὁ βραχίων ἀναγκαζόμενοσ πρὸσ τὰ ἄνω. Ὅσα δὲ τῶν ἄνωθεν παρολισθάνοντα ἐσ τὸ πλάγιον ἦλθεν, ἢ ἐσ τὸ κατωτέρω, συμπορσύνοι ἂν τὴν κατόρθωσιν, εἰ ὁ μὲν ἄνθρωποσ ὕπτιοσ κέοιτο, κατὰ δὲ τὸ μεσηγὺ τῶν ὠμοπλατέων ὑψηλότερόν τι ὀλίγῳ ὑποκέοιτο, ὡσ περιῤῬηδὲσ ἐῄ τὸ στῆθοσ ὡσ μάλιστα‧ καὶ τὸν βραχίονα εἰ ἀνάγοι τισ παρὰ τὰσ πλευρὰσ παρατεταμένον, ὁ δὲ ἰητρὸσ τῇ μὲν ἑτέρῃ χειρὶ ἐσ τὴν κεφαλὴν τοῦ βραχίονοσ ἐμβαλὼν τὸ θέναρ τῆσ χειρὸσ ἀπωθέοι, τῇ δὲ ἑτέρῃ τὰ ὀστέα τὰ κατεηγότα εὐτεθίζοι, οὕτωσ ἂν μάλιστα ἐσ τὴν φύσιν ἄγοι‧ ἀτὰρ, ὥσπερ ἤδη εἴρηται, οὐ μάλα τὸ ἄνωθεν ὀστέον ἐσ τὸ κάτω φιλέει ὑποδύνειν. Τοῖσι μὲν οὖν πλείστοισιν, ὅταν ἐπιδεθῶσι, τὸ σχῆμα ἀρήγει, παρ’ αὐτὰσ τὰσ πλευρὰσ τὸν ἀγκῶνα ἔχοντα, οὕτωσ ἐσ τὸ ἄνω τὸν ὦμον ἀναγκάζεσθαι‧ ἔστι δ’ οἷσι μὲν τὸν ὦμον ἀναγκάζειν δεῖ ἐσ τὸ ἄνω, ὡσ εἴρηται, τὸν δὲ ἀγκῶνα πρὸσ τὸ στῆθοσ παράγειν, ἄκρην δὲ τὴν χεῖρα παρὰ τὸ ἀκρώμιον τοῦ ὑγιέοσ ὤμου ἴσχειν. Ἢν μὲν οὖν κατακέεσθαι τολμᾷ, ἀντιστήριγμά τι προστιθέναι χρὴ, ὡσ ἂν ὁ ὦμοσ ἀνωτάτω ἐῄ‧ ἢν δὲ περιίῃ, σφενδόνην χρὴ, ἐκ ταινίησ περὶ τὸ ὀξὺ τοῦ ἀγκῶνοσ ποιήσαντα, ἀναλαμβάνειν περὶ τὸν αὐχένα.

일치하는 문장이 없습니다.

SEARCH

MENU NAVIGATION