헬라어 문장 검색 - Ηιπποξ́Οευϝρεσ́06́12́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 12.)

Ὅσοισι δ’ ἂν ὦμοσ καταπορηθῇ ἐμβληθῆναι, ἢν μὲν ἔτι ἐν αὐξήσει ἐώσιν, οὐκ ἐθέλει συναύξεσθαι τὸ ὀστέον τοῦ βραχίονοσ ὁμοίωσ τῷ ὑγιέϊ, ἀλλὰ αὔξεται μὲν ἐπί τι, βραχύτερον δὲ τοῦ ἑτέρου γίνεται καὶ οἱ καλεομενοι δὲ ἐκ γενεῆσ γαλιάγκωνεσ‧ διὰ δισσὰσ ξυμφορὰσ ταύτασ γίνονται, ἤν τέ τι τοιοῦτον αὐτοὺσ ἐξάρθρημα καταλάβῃ ἐν τῇ γαστρὶ ἐόντασ, διά τε ἄλλην ξυμφορὴν, περὶ ἧσ ὕστερόν ποτε γεγράψεται‧ ἀτὰρ καὶ οἷσιν ἔτι νηπίοισιν ἐοῦσι κατὰ τὴν κεφαλὴν τοῦ βραχίονοσ βαθεῖαι καὶ ὑποβρύχιοι ἐκπυήσιεσ γίνονται, καὶ οὗτοι πάντεσ γαλιάγκωνεσ γίνονται‧ καὶ ἤν τε τμηθῶσιν, ἤν τε καυθῶσιν, ἤν τε αὐτόματόν σφιν ἐκραγῇ, εὖ εἰδέναι χρὴ, ὅτι ταῦτα οὕτωσ ἔχει. Χρέεσθαι μέντοι τῇ χειρὶ δυνατώτατοί εἰσιν οἱ ἐκ γενεῆσ γαλιάγκωνεσ, οὐ μὴν οὐδὲ ἐκεῖνοί γε ἀνατεῖναι παρὰ τὸ οὖσ τὸν βραχίονα, ἐκτανύσαντεσ τὸν ἀγκῶνα, δύνανται, ἀλλὰ πολὺ ἐνδεεστέρωσ, ἢ τὴν ὑγιέα χεῖρα. Οἷσι δ’ ἂν ἤδη ἀνδράσιν ἐοῦσιν ἐκπέσῃ ὁ ὦμοσ, καὶ μὴ ἐμβληθῇ, ἡ ἐπωμὶσ ἀσαρκοτέρη γίνεται, καὶ ἡ ἕξισ λεπτὴ ἡ κατὰ τοῦτο τὸ μέροσ‧ ὅταν μέντοι ὀδυνώμενοι παύσωνται, ὁκόσα μὲν δεῖ ἐργάζεσθαι ἐπάραντασ τὸν ἀγκῶνα ἀπὸ τῶν πλευρέων ἐσ τὸ πλάγιον, ταῦτα μὲν οὐ δύνανται ἅπαντα ὁμοίωσ ἐργάζεσθαι‧ ὁκόσα δὲ δεῖ ἐργάζεσθαι, παραφέροντασ τὸν βραχίονα παρὰ τὰσ πλευρὰσ, ἢ ἐσ τοὐπίσω, ἢ ἐσ τοὔμπροσθεν, ταῦτα δὲ δύνανται ἐργάζεσθαι‧ καὶ γὰρ ἂν ἀρίδα ἑλκύσαιεν, καὶ πρίονα, καὶ πελεκήσαιεν ἂν, καὶ σκάψαιεν ἂν, μὴ κάρτα ἄνω αἴροντεσ τὸν ἀγκῶνα, καὶ τἄλλα ὅσα ἐκ τῶν τοιούτων σχημάτων ἐργάζονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 12.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 12.)

상위

목록

SEARCH

MENU NAVIGATION