헬라어 문장 검색 - Ηιπποξ́Οευϝρεσ́06́11́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 11.)

Ἐπάξιον δὲ τὸ μάθημα, ὡσ χρὴ ἰητρεύειν τοὺσ πυκνὰ ἐκπίπτοντασ ὤμουσ‧ πολλοὶ μὲν γὰρ ἤδη ἀγωνίησ ἐκωλύθησανδιὰ ταύτην τὴν ξυμφορὴν, τἄλλα πάντα ἀξιόχρεοι ἐόντεσ‧ πολλοὶ δὲ ἐν πολεμικοῖσιν ἀχρήϊοι ἐγένοντο, καὶ διεφθάρησαν διὰ ταύτην τὴν ξυμφορήν‧ ἅμα δὲ ἐπάξιον καὶ διὰ τοῦτο, ὅτι οὐδένα οἶδα ὀρθῶσ ἰητρεύοντα, ἀλλὰ τοὺσ μὲν μηδὲ ἐγχειρέοντασ, τοὺσ δὲ τἀναντία τοῦ ξυμφέροντοσ φρονέοντάσ τε καὶ ποιέοντασ. Συχνοὶ γὰρ ἤδη ἰητροὶ ἔκαυσαν ὤμουσ ἐκπίπτοντασ, κατά τε τὴν ἐπωμίδα, κατά τε τὸ ἔμπροσθεν, ᾗ ἡ κεφαλὴ τοῦ βραχίονοσ ἐξογκέει, κατά τε τοὔπισθεν ὀλίγον τῆσ ἐπωμίδοσ‧ αὗται οὖν αἱ καύσιεσ, εἰ μὲν ἐσ τὸ ἄνω ἐξέπιπτεν ὁ βραχίων, ἢ ἐσ τοὔμπροσθεν, ἢ ἐσ τοὔπισθεν, ὀρθῶσ ἂν ἔκαιον‧ νῦν δὲ δὴ, ὅτε ἐσ τὸ κάτω ἐκπίπτει, ἐκβάλλουσιν αὗται αἱ καύσιεσ μᾶλλον, ἢ κωλύουσιν‧ ἀποκλείουσι γὰρ τῆσ ἄνω εὐρυχωρίησ τὴν κεφαλὴν τοῦ βραχίονοσ. Χρὴ δὲ ὧδε καίειν ταῦτα‧ ἀπολαβόντα τοῖσι δακτύλοισι κατὰ τὴν μασχάλην τὸ δέρμα ἀφελκύσαι κατ’ αὐτὴν τὴν ἴξιν μάλιστα, καθ’ ἣν ἡ κεφαλὴ τοῦ βραχίονοσ ἐκπίπτει‧ ἔπειτα οὕτωσ ἀφελκυσάμενον τὸ δέρμα διακαῦσαι ἐσ τὸ πέρην. Σιδηρίοισι δὲ χρὴ ταῦτα καίειν, μὴ παχέσι, μηδὲ λίην φαλακροῖσιν, ἀλλὰ προμήκεσι ̔ταχυπορώτερα γὰῤ, καὶ τῇ χειρὶ ἐπερείδειν‧ χρὴ δὲ καὶ διαφανέσι καίειν, ὡσ ὅτι τάχιστα περαιωθῇ κατὰ δύναμιν‧ τὰ γὰρ παχέα, βραδέωσ περαιούμενα, πλατυτέρασ τὰσ ἐκπτώσιασ τῶν ἐσχαρῶν ποιέεται, καὶ κίνδυνοσ ἂν εἰή ξυῤῬαγῆναι τὰσ ὠτειλασ‧ καὶ κάκιον μὲν οὐδὲν ἂν εἰή, αἴσχιον δὲ καὶ ἀτεχνότερον. Ὅταν δὲ διακαύσῃσ ἐσ τὸ πέρην, τῶν μὲν πλείστων ἱκανῶσ ἂν ἔχοι ἐν τῷ κάτω μέρεϊ τὰσ ἐσχάρασ ταύτασ μόνασ θεῖναι‧ ἢν δὲ μὴ κίνδυνοσ φαίνηται εἶναι ξυῤῬαγῆναι τὰσ ὠτειλὰσ, ἀλλὰ πολὺ τὸ διὰ μέσου ἐῄ, ὑπάλειπτρον χρὴ λεπτὸν διέρσαι διὰ τῶν καυμάτων, ἔτι ἀναλελαμμένου τοῦ δέρματοσ, οὐ γὰρ ἂν ἄλλωσ δύναιο διέρσαι‧ ἐπὴν δὲ διέρσῃσ, ἀφεῖναι τὸ δέρμα, ἔπειτα μεσηγὺ τῶν ἐσχαρέων ἄλλην ἐσχάρην ἐμβάλλειν λεπτῷ σιδηρίῳ, καὶ διακαῦσαι, ἄχρισ ἂν τῷ ὑπαλείπτρῳ ἐγκύρσῃ. Ὁκόσον δέ τι χρὴ τὸ δέρμα τὸ ἀπὸ τῆσ μασχάλησ ἀπολαμβάνειν, τοισίδε χρὴ τεκμαίρεσθαι‧ ἀδένεσ ὕπεισιν ἢ ἐλάσσουσ ἢ μείζουσ πᾶσιν ὑπὸ τῇ μασχάλῃ, πολλαχῆ δὲ καὶ ἄλλῃ τοῦ σώματοσ. Ἀλλὰ ἐν ἄλλῳ λόγῳ περὶ ἀδένων οὐλομελίησ γεγράψεται, ὅ τι τέ εἰσι, καὶ οἱᾶ ἐν οἱοίσι σημαίνουσί τε καὶ δύνανται. Τοὺσ μὲν οὖν ἀδένασ οὐ χρὴ προσαπολαμβάνειν, οὐδ’ ὅσα ἐσωτέρω τῶν ἀδένων‧ μέγασ γὰρ ὁ κίνδυνοσ‧ τοῖσι γὰρ ἐπικαιροτάτοισι τόνοισι γειτονεύονται‧ ὅσον δὲ ἐξωτέρω τῶν ἀδένων, ἐπιπλεῖστον ἀπολαμβάνειν‧ ἀσινέα γάρ. Γινώσκειν δὲ χρὴ. καὶ τάδε, ὅτι, ἢν μὲν ἰσχυρῶσ τὸν βραχίονα ἀνατείνῃσ, οὐ δυνήσῃ τοῦ δέρματοσ ἀπολαβεῖν οὐδὲν τοῦ ὑπὸ τῇ μασχάλῃ, ὅ τι καὶ ἄξιον λόγου‧ καταναισιμοῦται γὰρ ἐν τῇ ἀνατάσει‧ οἱ δ’ αὖ τόνοι, οὓσ οὐδεμιῇ μηχανῇ δεῖ τιτρώσκειν, οὗτοι πρόχειροι γίνονται καὶ κατατεταμένοι ἐν τούτῳ τῷ σχήματι‧ ἢν δὲ μικρὸν ἐπάρῃσ τὸν βραχίονα, πολὺ μὲν τοῦ δέρματοσ ἀπολήψῃ, οἱ δὲ τόνοι, ὧν δεῖ προμηθέεσθαι, εἴσω καὶ πρόσω τοῦ χειρίσματοσ γίνονται. Ἆρ’ οὖν οὐκ ἐν πάσῃ τῇ τέχνῃ περὶ παντὸσ χρὴ ποιέεσθαι, τὰ δίκαια σχήματα ἐξευρίσκειν ἐφ’ ἑκάστοισιν; ταῦτα μὲν τὰ κατὰ τὴν μασχάλην, καὶ ἱκαναὶ αὐταὶ αἱ καταλήψιεσ, ἢν ὀρθῶσ τεθῶσιν αἱ ἐσχάραι. Ἔκτοσθεν δὲ τῆσ μασχάλησ, δισσὰ μόνα ἐστὶ χωρία, ἵνα ἄν τισ ἐσχάρασ θείη, τιμωρεούσασ τῷ παθήματι‧ μίαν μὲν ἐν τῷ ἔμπροσθεν μεσηγὺ τῆσ τε κεφαλῆσ τοῦ βραχίονοσ καὶ τοῦ τένοντοσ τοῦ κατὰ τὴν μασχάλην‧ καὶ ταύτῃ τὸ μὲν δέρμα τελέωσ διακαίειν χρὴ, βαθύτερον δὲ οὐ χρή‧ φλέψ τε γὰρ παχείη πλησίη, καὶ νεῖρα, ὧν οὐδέτερα θερμαντέα. Ἔξωθεν δ’ αὖ ἄλλην ἐσχάρην ἐνδέχεται ἐνθεῖναι ἀνωτέρω μὲν συχνῷ τοῦ τένοντοσ τοῦ κατὰ τὴν μασχάλην, κατωτέρω δὲ ὀλίγῳ τῆσ κεφαλῆσ τοῦ βραχίονοσ‧ καὶ τὸ μὲν δέρμα τελέωσ χρὴ διακαίειν, βαθείην δὲ μηδὲ κάρτα ταύτην ποιέειν‧ πολέμιον γὰρ τὸ πῦρ νεύροισιν. Ιἠτρεύειν μὲν οὖν χρὴ διὰ πάσησ τῆσ ἰητρείησ τὰ ἕλκεα, μηδέποτε ἰσχυρῶσ ἀνατείνοντα τὸν βραχίονα, ἀλλὰ μετρίωσ, ὅσον τῶν ἑλκέων ἐπιμελείησ εἵνεκα‧ ἧσσον μὲν γὰρ ἂν διαψύχοιτο ̔ξυμφέρει γὰρ πάντα τὰ καύματα σκέπειν, ὡσ ἐπιεικέωσ ἰητρεύεσθαἰ‧ ἧσσον δ’ ἂν ἐκπλίσσοιτο‧ ἧσσον δ’ ἂν αἱμοῤῬαγοίη‧ ἧσσον δ’ ἂν σπασμὸσ ἐπιγένοιτο. Ὅταν δὲ δὴ καθαρὰ γένηται τὰ ἕλκεα, ἐσ ὠτειλάσ τε ἰῄ, τότε δὴ καὶ παντάπασι χρὴ αἰεὶ τὸν βραχίονα πρὸσ τῇσι πλευρῇσι προσδεδέσθαι, καὶ νύκτα καὶ ἡμέρην‧ ἀτὰρ καὶ ὅταν ὑγιέα γένηται τὰ ἕλκεα, ὁμοίωσ ἐπὶ πολὺν χρόνον χρὴ προσδεῖν τὸν βραχίονα πρὸσ τὰσ πλευράσ‧ οὕτω γὰρ ἂν μάλιστα ἐπουλωθείη, καὶ ἀποληφθείη ἡ εὐρυχωρίη, καθ’ ἣν μάλιστα ὀλισθάνει ὁ βραχίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 11.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 11.)

상위

목록

SEARCH

MENU NAVIGATION