Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 10.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 10.)

Γινώσκειν δὲ, εἰ ἐκπέπτωκεν ὁ βραχίων, τοισίδε χρὴ τοῖσι σημείοισιν‧ τοῦτο μὲν, ἐπειδὴ δίκαιον ἔχουσι τὸ σῶμα οἱ ἄνθρωποι, καὶ τὰσ χεῖρασ, καὶ τὰ σκέλεα, παραδείγματι χρέεσθαι δεῖ τῷ ὑγιέϊ πρὸσ τὸ μὴ ὑγιὲσ, καὶ τῷ μὴ ὑγιεῖ πρὸσ τὸ ὑγιὲσ, μὴ τὰ ἀλλότρια ἄρθρα καθορῶντα ἁ̓́λλοι γὰρ ἄλλων μᾶλλον ἔξαρθροι πεφύκασιν̓, ἀλλὰ τὰ αὐτοῦ τοῦ κάμνοντοσ, ἢν ἀνόμοιον ἐῄ τὸ ὑγιὲσ τῷ κάμνοντι. Καὶ τοῦτο εἴρηται μὲν ὀρθῶσ, παραξύνεσιν δὲ ἔχει πάνυ πολλήν‧ διὰ τὰ τοιαῦτα, καὶ οὐκ ἀρκέει μοῦνον λόγῳ εἰδέναι τὴν τέχνην ταύτην, ἀλλὰ καὶ ὁμιλίῃ ὁμιλέειν‧ πολλοὶ γὰρ ὑπὸ ὀδύνησ, ἢ καὶ ὑπ’ ἀλλοίησ προφάσιοσ, οὐκ ἐξεστεώτων αὐτέοισι τῶν ἄρθρων, ὅμωσ οὐ δύνανται ἐσ τὰ ὅμοια σχήματα καθίστασθαι ἐσ οἱᾶ́ περ τὸ ὑγιαῖνον σῶμα σχηματίζεται‧ προσξυνιέναι μὲν οὖν, καὶ ἐννοεῖν καὶ τὸ τοιόνδε σχῆμα χρή. Ἀτὰρ καὶ ἐν τῇ μασχάλῃ ἡ κεφαλὴ τοῦ βραχίονοσ φαίνεται ἐγκειμένη πολλῷ μᾶλλον τοῦ ἐκπεπτωκότοσ ἢ τοῦ ὑγιέοσ‧ τοῦτο δὲ, ἄνωθεν κατὰ τὴν ἐπωμίδα κοῖλον φαίνεται τὸ χωρίον, καὶ τὸ τοῦ ἀκρωμίου ὀστέον ἐξέχον φαίνεται, ἅτε ὑποδεδυκότοσ τοῦ ἄρθρου ἐσ τὸ κάτω χωρίον‧ παραξύνεσιν μὴν καὶ ἐν τούτῳ ἔχει τινὰ, ἀλλ’ ὕστερον περὶ αὐτοῦ γεγράψεται, ἄξιον γὰρ γραφῆσ ἐστιν‧ τοῦτο δὲ, τοῦ ἐκπεπτωκότοσ ὁ ἀγκὼν φαίνεται ἀφεστεὼσ μᾶλλον ἀπὸ τῶν πλευρέων, ἢ τοῦ ἑτέρου‧ εἰ μέντοι τισ προσαναγκάζοι, προσάγεται μὲν, ἐπιπόνωσ δέ‧ τοῦτο δὲ, ἄνω τὴν χεῖρα ἆραι εὐθεῖαν παρὰ τὸ οὖσ, ἐκτεταμένου τοῦ ἀγκῶνοσ, οὐ μάλα δύνανται, ὥσπερ τὴν ὑγιέα, οὐδὲ παράγειν ἔνθα καὶ ἔνθα ὁμοίωσ. Τά τε οὖν σημήϊα ταῦτά ἐστιν ὤμου ἐκπεπτωκότοσ‧ αἵ τε ἐμβολαὶ αἱ γεγραμμέναι, αἵ τε ἰητρεῖαι αὗται.

일치하는 문장이 없습니다.

SEARCH

MENU NAVIGATION