헬라어 문장 검색 - Ηιπποξ́Οευϝρεσ́06́09́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 9.)

Οἷσι μὲν οὖν, ὅταν ἐμπέσῃ τὸ ἄρθρον, μὴ ἐπιφλεγμαίνει τὰ περιέχοντα, χρῆσθαί τε ἀνωδύνωσ αὐτίκα τῷ ὤμῳ δύνανται, οὗτοι μὲν οὐδὲν νομίζουσι δεῖν ἑωυτῶν ἐπιμελέεσθαι‧ ἰητροῦ μήν ἐστι καταμαντεύσασθαι τῶν τοιούτων‧ τοῖσι τοιούτοισι γὰρ ἐκπίπτει καὶ αὖθισ μᾶλλον, ἢ οἷσιν ἂν ἐπιφλεγμήνῃ τὰ νεῦρα. Τοῦτο κατὰ πάντα τὰ ἄρθρα οὕτωσ ἔχει, καὶ μάλιστα κατ’ ὦμον καὶ κατὰ γόνυ‧ μάλιστα γὰρ οὖν ὀλισθάνει ταῦτα. Οἷσι δ’ ἂν ἐπιφλεγμήνῃ τὰ νεῦρα, οὐ δύνανται χρέεσθαι τῷ ὤμῳ‧ κωλύει γὰρ ἡ ὀδύνη καὶ ἡ ξύντασισ τῆσ φλεγμονῆσ. Τοὺσ οὖν τοιούτουσ ἰῆσθαι χρὴ κηρωτῇ καὶ σπλήνεσι καὶ ὀθονίοισι πολλοῖσιν ἐπιδέοντα‧ ὑποτιθέναι δὲ ἐσ τὴν μασχάλην εἴριον μαλθακὸν, καθαρὸν ξυνειλίσσοντα, ἐκπλήρωμα τοῦ κοίλου ποιέοντα, ἵνα ἀντιστήριγμα μὲν τῇ ἐπιδέσει ἐῄ, ἀνακωχέῃ δὲ τὸ ἄρθρον‧ τὸν δὲ βραχίονα ἐσ τὸ ἄνω Ῥέποντα ἴσχειν χρὴ τὰ πλεῖστα‧ οὕτω γὰρ ἂν ἑκαστάτω εἰή τοῦ χωρίου, ἐσ ὃ ὤλισθεν ἡ κεφαλὴ τοῦ ὤμου. Χρὴ δὲ, ὅταν ἐπιδησῃσ τὸν ὦμον, ἔπειτα προσκαταδεῖν τὸν βραχίονα πρὸσ τὰσ πλευρὰσ ταινίῃ τινὶ, κύκλῳ περὶ τὸ σῶμα περιβάλλοντα. Χρὴ δὲ καὶ ἀνατρίβειν τὸν ὦμον ἡσυχαίωσ καὶ λιπαρῶσ. Πολλῶν δὲ ἔμπειρον δεῖ εἶναι τὸν ἰητρὸν, ἀτὰρ δὴ καὶ ἀνατρίψιοσ‧ ἀπὸ γὰρ τοῦ αὐτέου ὀνόματοσ οὐ τωὐτὸ ἀποβαίνει‧ καὶ γὰρ ἂν δήσειεν ἄρθρον ἀνάτριψισ, χαλαρώτερον τοῦ καιροῦ ἐὸν, καὶ λύσειεν ἄρθρον, σκληρότερον τοῦ καιροῦ ἐόν‧ ἀλλὰ διοριεῖται ἡμῖν περὶ ἀνατρίψιοσ ἐν ἄλλῳ λόγῳ. Τὸν γοῦν τοιοῦτον ὦμον μαλθακῇσι ξυμφέρει τῇσι χερσὶν ἀνατρίβειν, καὶ ἄλλωσ πρηέωσ‧ τὸ δὲ ἄρθρον διακινέειν μὴ βίῃ, ἀλλὰ τοσοῦτον, ὅσον ἀνωδύνωσ κινῆσαι. Καθίσταται δὲ πάντα, τὰ μὲν ἐν πλείονι χρόνῳ, τὰ δ’ ἐν ἐλάσσονι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 9.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 9.)

상위

목록

SEARCH

MENU NAVIGATION