헬라어 문장 검색 - Ηιπποξ́Οευϝρεσ́06́08́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 8.)

Εἰδέναι μὲν οὖν χρὴ, ὅτι φύσιεσ φυσίων μέγα διαφέρουσιν ἐσ τὸ Ῥηϊδίωσ ἐμπίπτειν τὰ ἐκπίπτοντα‧ διενέγκοι μὲν γὰρ ἄν τι κα κοτύλη κοτύλησ, ἡ μὲν εὐυπέρβατοσ ἐοῦσα, ἡ δὲ ἧσσον‧ πλεῖστον δὲ διαφέρει καὶ τῶν νεύρων ὁ σύνδεσμοσ, τοῖσι μὲν ἐπιδόσιασ ἔχων, τοῖσι δὲ ξυντεταμένοσ ἐών. Καὶ γὰρ ἡ ὑγρότησ τοῖσιν ἀνθρώποισι γίνεται ἡ ἐκ τῶν ἄρθρων, διὰ τῶν νεύρων τὴν ἀπάρτισιν, ἢν χαλαρά τε ἐῄ φύσει, καὶ τὰσ ἐπιτάσιασ εὐφόρωσ φέρῃ‧ συχνοὺσ γὰρ ἄν τισ ἴδοι, οἳ οὕτωσ ὑγροί εἰσιν, ὥστε, ὁπόταν ἐθέλωσι, τότε αὐτοῖσι τὰ ἄρθρα ἐξίσταται ἀνωδύνωσ, καὶ καθίσταται ἀνωδύνωσ. Διαφέρει μέντοι τι καὶ σχέσισ τοῦ σώματοσ‧ τοῖσι μὲν γὰρ εὖ ἔχουσι τὸ γυῖον καὶ σεσαρκωμένοισιν ἐκπίπτει τε ἧσσον, ἐμπίπτει τε χαλεπώτερον‧ ὅταν δὲ αὐτοὶ σφέων αὐτῶν λεπτότεροι καὶ ἀσαρκότεροι ἐώσι, τότε ἐκπίπτει τε μᾶλλον, ἐμπίπτει τε Ῥᾷον. Σημήϊον δὲ, ὅτι ταῦτα οὕτωσ ἔχει, καὶ τόδε‧ τοῖσι γὰρ βουσὶ τότε ἐκπίπτουσι μᾶλλον οἱ μηροὶ ἐκ τῆσ κοτύλησ, ἡνίκα ἂν αὐτοὶ σφέων αὐτῶν λεπτότατοι ἐώσιν‧ γίνονται δὲ βόεσ λεπτότατοι, τοῦ χειμῶνοσ τελευτῶντοσ‧ τότε οὖν καὶ ἐξαρθρέουσι μάλιστα, εἰ δή τι καὶ τοιοῦτο δεῖ ἐν ἰητρικῇ γράψαι‧ δεῖ δέ‧ καλῶσ γὰρ Ὅμηροσ καταμεμαθήκει, ὅτι πάντων τῶν προβάτων βόεσ μάλιστα πονέουσι ταύτην τὴν ὡρ́ην, καὶ βοῶν οἱ ἀρόται, ὅτι κατὰ τὸν χειμῶνα ἐργάζονται. Τούτοισι τοίνυν ἐκπίπτει μάλιστα‧ οὗτοι γὰρ μάλιστα λεπτύνονται. Τὰ μὲν γὰρ ἄλλα βοσκήματα δύναται βραχείην τὴν ποίην βόσκεσθαι‧ βοῦσ δὲ οὐ μάλα, πρὶν βαθεῖα γένηται‧ τοῖσι μὲν γὰρ ἄλλοισίν ἐστι λεπτὴ ἡ προβολὴ τοῦ χείλεοσ, λεπτὴ δὲ ἡ ἄνω γνάθοσ‧ βοϊ δὲ παχείη μὲν ἡ προβολὴ τοῦ χείλεοσ, παχείη δὲ καὶ ἀμβλεῖα ἡ ἄνω γνάθοσ‧ διὰ ταῦτα ὑποβάλλειν ὑπὸ τὰσ βραχείασ ποίασ οὐ δύναται. Τά τε αὖ μώνυχα τῶν ζώων, ἅτε ἀμφόδοντα ἐόντα, δύναται μὲν σαρκάζειν, δύναται δὲ ὑπὸ τὴν βραχείην ποίην ὑποβάλλειν τοὺσ ὀδόντασ, καὶ ἥδεται τῇ οὕτωσ ἐχούσῃ ποίῃ μᾶλλον, ἢ τῇ βαθείῃ‧ καὶ γὰρ τὸ ἐπίπαν ἀμείνων καὶ στερεωτέρη ἡ βραχείη ποίη τῆσ βαθείησ, ποτὶ καὶ πρὶν ἐκκαρπεῖν τὴν βαθείην. Διὰ τοῦτο οὖν ἐποίησεν ὧδε τάδε τὰ ἔπη‧ [Ὡσ δ’ ὁπότ’ ἀσπάσιον ἐάρ ἤλυθε βουσὶν ἕλιξιν], ὅτι ἀσμενωτάτη αὐτοῖσιν ἡ βαθείη ποίη φαίνεται. Ἀτὰρ καὶ ἄλλωσ ὁ βοὺσ χαλαρὸν φύσει τὸ ἄρθρον τοῦτο ἔχει μᾶλλον τῶν ἄλλων ζώων‧ διὰ τοῦτο καὶ εἰλίπουν ἐστὶ μᾶλλον τῶν ἄλλων ζώων, καὶ μάλιστα ὅταν λεπτὸν καὶ γηραλέον ἐῄ. Διὰ ταῦτα πάντα καὶ ἐκπίπτει βοϊ μάλιστα‧ πλείω δὲ γέγραπται περὶ αὐτέου, ὅτι πάντων τῶν προειρημένων ταῦτα μαρτύριά ἐστιν. Περὶ οὗ οὖν ὁ λόγοσ, τοῖσιν ἀσάρκοισι μᾶλλον ἐκπίπτει, καὶ θᾶσσον ἐμπίπτει, ἢ τοῖσι σεσαρκωμένοισιν‧ καὶ ἧσσον ἐπιφλεγμαίνει τοῖσιν ὑγροῖσιν καὶ τοῖσιν ἀσάρκοισιν, ἢ τοῖσι σκελιφροῖσι καὶ σεσαρκωμένοισιν, καὶ ἧσσόν γε δέδεται ἐσ τὸν ἔπειτα χρόνον‧ ἀτὰρ καὶ ἡ μύξα πλείων ὑπείη τοῦ μετρίου μὴ ξὺν φλεγμονῇ, καὶ οὕτωσ ἂν ὀλισθηρὸν εἰή‧ μυξωδέστερα γὰρ τοὐπίπαν τὰ ἄρθρα τοῖσιν ἀσάρκοισιν, ἢ τοῖσι σεσαρκωμένοισίν ἐστιν‧ καὶ γὰρ αὗται αἱ σάρκεσ τῶν μὴ ἀπὸ τέχνησ ὀρθῶσ λελιμαγχημένων, αἱ τῶν λεπτῶν, μυξωδέστεραί εἰσιν, ἢ αἱ τῶν παχέων. Ὅσοισι μέντοι ξὺν φλεγμονῇ μύξα ὑπογίνεται, ἡ φλεγμονὴ δήσασα ἔχει τὸ ἄρθρον‧ διὰ τοῦτο οὐ μάλα ἐκπίπτει τὰ ὑπόμυξα, ἐκπίπτοντα ἂν, εἰ μή τι ἢ πλέον, ἢ ἔλασσον φλεγμονῆσ ὑπεγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 8.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 8.)

상위

목록

SEARCH

MENU NAVIGATION