Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 2.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 2.)

Ὅσοισι μὲν οὖν πυκινὰ ἐκπίπτει ὁ ὦμοσ, ἱκανοὶ ὡσ ἐπὶ τὸ πλεῖστον αὐτοὶ σφίσιν αὐτοῖσιν ἐμβάλλειν εἰσίν‧ ἐνθέντεσ γὰρ τῆσ ἑτέρησ χειρὸσ τοὺσ κονδύλουσ ἐσ τὴν μασχάλην, ἀναγκάζουσιν ἄνω τὸ ἄρθρον, τὸν δὲ ἀγκῶνα παράγουσιν ἐπὶ τὸ στῆθοσ. Τὸν αὐτὸν δὲ τρόπον τοῦτον καὶ ὁ ἰητρὸσ ἂν ἐμβάλλοι, εἰ αὐτὸσ μὲν ὑπὸ τὴν μασχάλην ἐσωτέρω τοῦ ἄρθρου τοῦ ἐκπεπτωκότοσ ὑποτείνασ τοὺσ δακτύλουσ, ἀπαναγκάζοι ἀπὸ τῶν πλευρέων, ἐμβάλλων τὴν ἑωυτοῦ κεφαλὴν ἐσ τὸ ἀκρώμιον, ἀντερείσιοσ ἕνεκα, τοῖσι δὲ γούνασι παρὰ τὸν ἀγκῶνα ἐσ τὸν βραχίονα ἐμβάλλων, ἀντωθέοι πρὸσ τὰσ πλευράσ‧ ξυμφέρει δὲ κρατερὰσ τὰσ χεῖρασ ἔχειν τὸν ἐμβάλλοντα. Ἢ αὐτὸσ μὲν τῇσι χερσὶ καὶ τῇ κεφαλῇ οὕτω ποιοίη, ἄλλοσ δέ τισ τὸν ἀγκῶνα παράγοι παρὰ τὸ στῆθοσ. Ἐστὶ δὲ ἐμβολὴ ὤμου, καὶ ἐσ τοὐπίσω ὑπερβάλλοντα τὸν πῆχυν ἐπὶ τὴν Ῥάχιν, ἔπειτα τῇ μὲν ἑτέρῃ χειρὶ ἀνακλᾷν ἐσ τὸ ἄνω τοῦ ἀγκῶνοσ ἐχόμενον, τῇ δὲ ἑτέρῃ παρὰ τὸ ἄρθρον ὄπισθεν ἐρείδειν. Αὕτη ἡ ἐμβολὴ, καὶ ἡ πρόσθεν εἰρημένη, οὐ κατὰ φύσιν ἐοῦσαι, ὅμωσ ἀμφισφάλλουσαι τὸ ἄρθρον, ἀναγκάζουσιν ἐμπίπτειν.

일치하는 문장이 없습니다.

SEARCH

MENU NAVIGATION