헬라어 문장 검색 - Ηιπποξ́Οευϝρεσ́06́01́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 1.)

Ὤμου δὲ ἄρθρον ἕνα τρόπον οἶδα ὀλισθάνον, τὸν ἐσ τὴν μασχάλην‧ ἄνω δὲ οὐδέποτε εἶδον, οὐδὲ ἐσ τὸ ἔξω‧ οὐ μέντοι διισχυριείω ἔγωγε, εἰ ὀλισθάνοι ἂν, ἢ οὒ, καίπερ ἔχων περὶ αὐτοῦ ὅ τι λέγω. Ἀτὰρ οὐδὲ ἐσ τὸ ἔμπροσθεν οὐδέπω ὄπωπα, ὅ τι ἔδοξέ μοι ὠλισθηκέναι. Τοῖσι μέντοι ἰητροῖσι δοκέει κάρτα ἐσ τοὔμπροσθεν ὀλισθάνειν, καὶ μάλιστα ἐξαπατέονται ἐν τουτέοισιν, ὧν ἂν φθίσισ καταλάβῃ τὰσ σάρκασ τὰσ περὶ τὸ ἄρθρον τε καὶ τὸν βραχίονα‧ φαίνεται γὰρ ἐν τοῖσι τοιουτέοισι παντάπασιν ἡ κεφαλὴ τοῦ βραχίονοσ ἐξέχουσα ἐσ τοὔμπροσθεν. Καὶ ἔγωγέ ποτε τὸ τοιοῦτον οὐ φὰσ ἐκπεπτωκέναι, ἤκουσα φλαύρωσ ὑπό τε τῶν ἰητρῶν, ὑπό τε τῶν δημοτέων, διὰ τοῦτο τὸ πρῆγμα‧ ἐδόκεον γὰρ αὐτοῖσιν ἠγνοηκέναι μοῦνοσ, οἱ δὲ ἄλλοι ἐγνωκέναι, καὶ οὐκ ἠδυνάμην αὐτοὺσ ἀναγνῶσαι, εἰ μὴ μόλισ, ὅτι τόδ’ ἐστὶ τοιόνδε‧ εἴ τισ τοῦ βραχίονοσ ψιλώσειε μὲν τῶν σαρκέων τὴν ἐπωμίδα, ψιλώσειε δὲ ᾗ ὁ μῦσ ἀνατείνει, ψιλώσειε δὲ τὸν τένοντα τὸν κατὰ τὴν μασχάλην καὶ τὴν κληῗδα πρὸσ τὸ στῆθοσ ἔχοντα, φαίνοιτο ἂν ἡ κεφαλὴ τοῦ βραχίονοσ ἐσ τοὔμπροσθεν ἐξέχουσα ἰσχυρῶσ, καίπερ οὐκ ἐκπεπτωκυῖα‧ πέφυκε γὰρ ἐσ τοὔμπροσθεν προπετὴσ ἡ κεφαλὴ τοῦ βραχίονοσ‧ τὸ δ’ ἄλλο ὀστέον τοῦ βραχίονοσ ἐσ τὸ ἔξω καμπύλον. Ὁμιλέει δὲ ὁ βραχίων τῷ κοίλῳ τῆσ ὠμοπλάτησ πλάγιοσ, ὅταν παρὰ τὰσ πλευρὰσ παρατεταμένοσ ἐῄ‧ ὅταν μέντοι ἐσ τοὔμπροσθεν ἐκτανυσθῇ ἡ ξύμπασα χεὶρ, τότε ἡ κεφαλὴ τοῦ βραχίονοσ κατ’ ἴξιν τῆσ ὠμοπλάτησ τῷ κοίλῳ γίνεται, καὶ οὐκ ἔτι ἐξέχειν ἐσ τοὔμπροσθεν φαίνεται. Περὶ οὗ οὖν ὁ λόγοσ, οὐδέποτε εἶδον οὐδὲ ἐσ τοὔμπροσθεν ἐκπεσόν‧ οὐ μὴν ἰσχυριείω γε οὐδὲ περὶ τούτου, εἰ μὴ ἐκπέσοι ἂν οὕτωσ, ἢ οὔ. Ὅταν οὖν ἐκπέσῃ ὁ βραχίων ἐσ τὴν μασχάλην, ἅτε πολλοῖσιν ἐκπίπτοντοσ, πολλοὶ ἐπίστανται ἐμβάλλειν‧ εὐπαίδευτον δέ ἐστι τὸ εἰδέναι πάντασ τοὺσ τρόπουσ, οἷσιν οἱ ἰητροὶ ἐμβάλλουσι, καὶ ὡσ ἄν τισ αὐτοῖσι τοῖσι τρόποισι τούτοισι κάλλιστα χρῷτο. Χρέεσθαι δὲ χρὴ τῷ κρατίστῳ τῶν τρόπων, ἢν τὴν ἰσχυρονάτην ἀνάγκην ὁρᾷσ‧ κράτιστοσ δὲ ὁ ὕστατοσ γεγραψόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 1.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 1.)

상위

목록

SEARCH

MENU NAVIGATION