헬라어 문장 검색 - Ηιπποξ́Ηιπποξρ́1́16́0́

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xvi.)

Ψυχρότητα δ’ ἐγὼ καὶ θερμότητα πασέων ἥκιστα τῶν δυναμίων νομίζω δυναστεύειν ἐν τῷ σώματι διὰ τάσδε τὰσ αἰτίασ· ὃν μὲν ἂν δήπου χρόνον μεμιγμένα αὐτὰ ἑωυτοῖσ ἅμα τὸ θερμόν τε καὶ ψυχρὸν ἐνῇ, οὐ λυπεῖ. κρῆσισ γὰρ καὶ μετριότησ τῷ μὲν θερμῷ γίνεται ἀπὸ τοῦ ψυχροῦ, τῷ δὲ ψυχρῷ ἀπὸ τοῦ θερμοῦ. ὅταν δ’ ἀποκριθῇ χωρὶσ ἑκάτερον, τότε λυπεῖ. ἐν δὲ δὴ τούτῳ τῷ καιρῷ, ὅταν τὸ ψυχρὸν ἐπιγένηται καί τι λυπήσῃ τὸν ἄνθρωπον, διὰ τάχεοσ πρῶτον δι’ αὐτὸ τοῦτο πάρεστιν τὸ θερμὸν αὐτόθεν ἐκ τοῦ ἀνθρώπου, οὐδεμιῆσ βοηθείησ οὐδὲ παρασκευῆσ δεόμενον. καὶ ταῦτα καὶ ἐν ὑγιαίνουσι τοῖσ ἀνθρώποισ ἀπεργάζεται καὶ ἐν κάμνουσι. τοῦτο μέν, εἴ τισ θέλει ὑγιαίνων χειμῶνοσ διαψῦξαι τὸ σῶμα ἢ λουσάμενοσ ψυχρῷ ἢ ἄλλῳ τῳ τρόπῳ, ὅσῳ ἂν ἐπὶ πλεῖον αὐτὸ ποιήσῃ, καὶ ἤν γε μὴ παντάπασιν παγῇ τὸ σῶμα, ὅταν εἵματα λάβῃ καὶ ἔλθῃ ἐσ τὴν σκέπην, ἔτι μᾶλλον καὶ ἐπὶ πλεῖον θερμαίνεται τὸ σῶμα· τοῦτο δέ, εἰ ἐθέλοι ἐκθερμανθῆναι ἰσχυρῶσ ἢ λουτρῷ θερμῷ ἢ πυρὶ πολλῷ, ἐκ δὲ τούτου τὸ αὐτὸ εἷμα ἔχων ἐν τῷ αὐτῷ χωρίῳ τὴν διατριβὴν ποιεῖσθαι ὥσπερ διεψυγμένοσ, πολὺ φαίνεται καὶ ψυχρότεροσ καὶ ἄλλωσ φρικαλεώτεροσ· ἢ εἰ Ῥιπιζόμενόσ τισ ὑπὸ πνίγεοσ καὶ παρασκευαζόμενοσ αὐτὸσ ἑωυτῷ ψῦχοσ ἐκ τοιούτου ἂν τρόπου διαπαύσαιτο τοῦτο ποιέων, δεκαπλάσιον ἔσται τὸ καῦμα καὶ πνῖγοσ ἢ τῷ μηδὲν τοιοῦτο ποιέοντι. Τόδε δὴ καὶ πολὺ μέζον· ὅσοι ἂν διὰ χιόνοσ ἢ ἄλλου ψύχεοσ βαδίσαντεσ Ῥιγώσωσι διαφερόντωσ πόδασ ἢ χεῖρασ ἢ κεφαλήν, οἱᾶ πάσχουσιν ἐσ τὴν νύκτα, ὅταν περισταλεωσί τε καὶ ἐν ἀλέῃ γένωνται ὑπὸ καύματοσ καὶ κνησμοῦ. καὶ ἔστιν οἷσι φλύκταιναι ἀνίστανται ὥσπερ τοῖσ ἀπὸ πυρὸσ κατακεκαυμένοισ. καὶ οὐ πρότερον τοῦτο πάσχουσιν, πρὶν θερμανθέωσιν. οὕτωσ ἑτοίμωσ ἑκάτερον αὐτῶν ἐπὶ θάτερον παραγίνεται. μυρία δ’ ἂν καὶ ἄλλα ἔχοιμι εἰπεῖν. τὰ δὲ κατὰ τοὺσ νοσέοντασ, οὐχὶ ὅσοισ ἂν Ῥῖγοσ γένηται, τούτοισ ὀξύτατοσ ὁ πυρετὸσ ἐκλάμπει; καὶ οὐχὶ ὅπωσ ἰσχυρόσ, ἀλλὰ καὶ παυόμενοσ δι’ ὀλίγου, καὶ ἄλλωσ τὰ πολλὰ ἀσινὴσ καὶ ὅσον ἂν χρόνον παρῇ διάθερμοσ; καὶ διεξιὼν διὰ παντὸσ τελευτᾷ ἐσ τοὺσ πόδασ μάλιστα, οὗπερ τὸ Ῥῖγοσ καὶ ἡ ψῦξισ νεηνικωτάτη καὶ ἐπὶ πλεῖον ἐνεχρόνισεν· πάλιν τε ὅταν ἱδρώσῃ τε καὶ ἀπαλλαγῇ ὁ πυρετόσ, πολὺ μᾶλλον διέψυξε ἢ εἰ μὴ ἔλαβε τὴν ἀρχήν. ᾧ οὖν διὰ τάχεοσ οὕτω παραγίνεται τὸ ἐναντιώτατόν τε καὶ ἀφαιρεόμενον τὴν δύναμιν ἀπὸ τωὐτομάτου, τί ἂν ἀπὸ τούτου μέγα ἢ δεινὸν γένοιτο; ἢ τί δεῖ πολλῆσ ἐπὶ τούτῳ βοηθείησ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xvi.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xvi.)

상위

목록

SEARCH

MENU NAVIGATION