Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, x.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, x.)

Ὅτι δ’ οὐδὲν ἐλάσσουσ ἀπὸ κενώσιοσ ἀκαίρου κακοπάθειαι γίνονται τῷ ἀνθρώπῳ ἢ ἀπὸ πληρώσιοσ, καταμανθάνειν καλῶσ ἔχει ἐπαναφέροντασ ἐπὶ τοὺσ ὑγιαίνοντασ. ἔστι γὰρ οἷσιν αὐτῶν συμφέρει μονοσιτεῖν, καὶ τοῦτο διὰ τὸ συμφέρον οὕτωσ αὐτοὶ ἐτάξαντο, ἄλλοισι δὲ ἀριστῆν διὰ τὴν αὐτὴν ἀνάγκην· οὕτω γὰρ αὐτοῖσι συμφέρει. καὶ μὴν τοῦτ’ εἰσὶ οἳ δι’ ἡδονὴν ἢ δι’ ἄλλην τινὰ συγκυρίην ἐπετήδευσαν ὁπότερον αὐτῶν. τοῖσ μὲν γὰρ πλείστοισι τῶν ἀνθρώπων οὐδὲν διαφέρει, ὁπότερον ἂν ἐπιτηδεύσωσιν, εἴτε μονοσιτεῖν εἴτε ἀριστῆν, τούτῳ τῷ ἔθει χρῆσθαι. εἰσὶ δέ τινεσ οἳ οὐκ ἂν δύναιντο ἔξω τοῦ συμφέροντοσ ποιέοντεσ Ῥηϊδίωσ ἀπαλλάσσειν, ἀλλὰ συμβαίνει αὐτῶν ἑκατέροισι παρ’ ἡμέρην μιαν καὶ ταύτην οὐχ ὅλην μεταβάλλουσιν ὑπερφυὴσ κακοπάθεια. οἱ μὲν γὰρ ἢν ἀριστήσωσιν μὴ συμφέροντοσ αὐτοῖσι, εὐθέωσ βαρέεσ καὶ νωθροὶ καὶ τὸ σῶμα καὶ τὴν γνώμην χάσμησ τε καὶ νυσταγμοῦ καὶ δίψησ πλήρεεσ· ἢν δὲ καὶ ἐπιδειπνήσωσι, καὶ φῦσα καὶ στρόφοσ καὶ ἡ κοιλίη καταρρήγνυται. καὶ πολλοῖσιν ἀρχὴ νούσου αὕτη μεγάλησ ἐγένετο, καὶ ἢν τὰ σιτία, ἃ μεμαθήκεσαν ἅπαξ ἀναλίσκειν, ταῦτα δὶσ προσενέγκωνται καὶ μηδὲν πλείω. τοῦτο δέ, ἢν ἀριστῆν μεμαθηκώσ τισ‐‐καὶ οὕτωσ αὐτῷ συμφέρον ἦν‐‐μὴ ἀριστήσῃ, ὅταν τάχιστα παρέλθῃ ἡ ὡρ́η, εὐθὺσ ἀδυναμίη δεινή, τρόμοσ, ἀψυχίη· ἐπὶ τούτοισ ὀφθαλμοὶ κοῖλοι, οὖρον χλωρότερον καὶ θερμότερον, στόμα πικρόν, καὶ τὰ σπλάγχνα δοκεῖ οἱ κρέμασθαι, σκοτοδινίη, δυσθυμίη, δυσεργείη. ταῦτα δὲ πάντα, καὶ ὅταν δειπνεῖν ἐπιχειρήσῃ, ἀηδέστεροσ μὲν ὁ σῖτοσ, ἀναλίσκειν δὲ οὐ δύναται ὅσα ἀριστιζόμενοσ πρότερον ἐδείπνει. ταῦτα δὲ αὐτὰ μετὰ στρόφον καὶ ψόφου καταβαίνοντα συγκαίει τὴν κοιλίην, δυσκοιτέουσί τε καὶ ἐνυπνιάζουσι τεταραγμένα τε καὶ θορυβώδεα. πολλοῖσι δὲ καὶ τούτων αὕτη ἀρχὴ νούσου ἐγένετο.

일치하는 문장이 없습니다.

SEARCH

MENU NAVIGATION