Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ix.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ix.)

Καὶ εἰ μὲν ἦν ἁπλοῦν, ὥσπερ ὑφήγητο, ὅσα μὲν ἦν ἰσχυρότερα, ἔβλαπτεν, ὅσα δ’ ἦν ἀσθενέστερα, ὠφέλει τε καὶ ἔτρεφεν καὶ τὸν κάμνοντα καὶ τὸν ὑγιαίνοντα, εὐπετὲσ ἂν ἦν τὸ πρῆγμα· πολλὸν γὰρ τοῦ ἀσφαλέοσ ἂν ἔδει περιλαμβάνοντασ ἄγειν ἐπὶ τὸ ἀσθενέστερον. νῦν δὲ οὐκ ἔλασσον ἁμάρτημα, οὐδὲ ἧσσον λυμαίνεται τὸν ἄνθρωπον, ἢν ἐλάσσονα καὶ ἐνδεέστερα τῶν ἱκανῶν προσφέρηται. τὸ γὰρ τοῦ λιμοῦ μένοσ δύνα ται ἰσχυρῶσ ἐν τῇ φύσει τοῦ ἀνθρώπου καὶ γυιῶσαι καὶ ἀσθενέα ποιῆσαι καὶ ἀποκτεῖναι. πολλὰ δὲ καὶ ἄλλα κακὰ ἑτεροῖα τῶν ἀπὸ πληρώσιοσ, οὐχ ἧσσον δὲ δεινά, καὶ ἀπὸ κενώσιοσ. διότι πολλὸν ποικιλώτερά τε καὶ διὰ πλείονοσ ἀκριβείησ ἐστί. δεῖ γὰρ μέτρου τινὸσ στοχάσασθαι. μέτρον δὲ οὔτε ἀριθμὸν οὔτε σταθμὸν ἄλλον, πρὸσ ὃ ἀναφέρων εἴσῃ τὸ ἀκριβέσ, οὐκ ἂν εὑρ́οισ ἀλλ’ ἢ τοῦ σώματοσ τὴν αἴσθησιν. διὸ ἔργον οὕτω καταμαθεῖν ἀκριβέωσ, ὥστε σμικρὰ ἁμαρτάνειν ἔνθα ἢ ἔνθα. κἂν ἐγὼ τοῦτον τὸν ἰητρὸν ἰσχυρῶσ ἐπαινέοιμι τὸν σμικρὰ ἁμαρτάνοντα. τὸ δὲ ἀτρεκὲσ ὀλιγάκισ ἔστι κατιδεῖν. ἐπεὶ οἱ πολλοί γε τῶν ἰητρῶν τὰ αὐτά μοι δοκέουσιν τοῖσι κακοῖσι κυβερνήτῃσι πάσχειν. καὶ γὰρ ἐκεῖνοι ὅταν ἐν γαλήνῃ κυβερνῶντεσ ἁμαρτάνωσιν, οὐ καταφανέεσ εἰσίν· ὅταν δὲ αὐτοὺσ κατάσχῃ χειμών τε μέγασ καὶ ἄνεμοσ ἐξώστησ, φανερῶσ πᾶσιν ἤδη ἀνθρώποισ δι’ ἀγνωσίην καὶ ἁμαρτίην δῆλοί εἰσιν ἀπολέσαντεσ τὴν ναῦν. οὕτω δὴ καὶ οἱ κακοί τε καὶ οἱ πλεῖστοι ἰητροί, ὅταν μὲν θεραπεύωσιν ἀνθρώπουσ μηδὲν δεινὸν ἔχοντασ, ἐσ οὓσ ἄν τισ τὰ μέγιστα ἐξαμαρτάνων οὐδὲν δεινὸν ἐργάσαιτο‐πολλὰ δὲ τοιαῦτα νοσήματα καὶ πολλόν τι πλείω τῶν δεινῶν ἀνθρώποισ συμβαίνει‐‐ἐν μὲν τοῖσι τοιούτοισ ἁμαρτάνοντεσ οὐ καταφανέεσ εἰσὶν τοῖσιν ἰδιώτῃσιν· ὅταν δ’ ἐντύχωσιν μεγάλῳ τε καὶ ἰσχυρῷ καὶ ἐπισφαλεῖ νοσήματι, τότε σφέων τά τε ἁμαρτήματα καὶ ἡ ἀτεχνίη πᾶσι καταφανήσ· οὐ γὰρ ἐσ μακρὸν αὐτῶν ἑκατέρου αἱ τιμωρίαι, ἀλλὰ διὰ τάχεοσ πάρεισιν.

일치하는 문장이 없습니다.

SEARCH

MENU NAVIGATION