헬라어 문장 검색 - Ηιπποξ́Ηιπποξρ́1́03́0́

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, iii.)

Τὴν γὰρ ἀρχὴν οὔτ’ ἂν εὑρέθη ἡ τέχνη ἡ ἰητρικὴ οὔτ’ ἂν ἐζητήθη‐‐οὐδὲν γὰρ αὐτῆσ ἔδει‐εἰ τοῖσι κάμνουσι τῶν ἀνθρώπων τὰ αὐτὰ διαιτωμένοισί τε καὶ προσφερομένοισι, ἅπερ οἱ ὑγιαίνοντεσ ἐσθίουσί τε καὶ πίνουσι καὶ τἄλλα διαιτέονται, συνέφερεν, καὶ μὴ ἦν ἕτερα τούτων βελτίω. νῦν δὲ αὐτὴ ἡ ἀνάγκη ἰητρικὴν ἐποίησεν ζητηθῆναί τε καὶ εὑρεθῆναι ἀνθρώποισι, ὅτι τοῖσι κάμνουσι ταὐτὰ προσφερομένοισι, ἅπερ οἱ ὑγιαίνοντεσ, οὐ συνέφερεν, ὡσ οὐδὲ νῦν συμφέρει. ἔτι δὲ ἄνωθεν ἔγωγε ἀξιῶ οὐδ’ ἂν τὴν τῶν ὑγιαινόντων δίαιτάν τε καὶ τροφήν, ᾗ νῦν χρέονται, εὑρεθῆναι, εἰ ἐξήρκει τῷ ἀνθρώπῳ ταὐτὰ ἐσθίοντι καὶ πίνοντι βοί̈ τε καὶ ἵππῳ καὶ πᾶσιν ἐκτὸσ ἀνθρώπου, οἱο͂ν τὰ ἐκ τῆσ γῆσ φυόμενα, καρπούσ τε καὶ ὕληνν καὶ χόρτον. ἀπὸ τούτων γὰρ καὶ τρέφονται καὶ αὔξονται καὶ ἄπονοι διάγουσιν οὐδὲν προσδεόμενοι ἄλλησ διαίτησ. καί τοι τήν γε ἀρχὴν ἔγωγε δοκέω καὶ τὸν ἄνθρωπον τοιαύτῃ τροφῇ κεχρῆσθαι. τὰ δὲ νῦν διαιτήματα εὑρημένα καὶ τετεχνημένα ἐν πολλῷ χρόνῳ γεγενῆσθαί μοι δοκεῖ. ὡσ γὰρ ἔπασχον πολλά τε καὶ δεινὰ ὑπὸ ἰσχυρῆσ τε καὶ θηριώδεοσ διαίτησ ὠμά τε καὶ ἄκρητα καὶ μεγάλασ δυνάμιασ ἔχοντα ἐσφερόμενοι. οἱᾶ́ περ ἂν καὶ νῦν ὑπ’ αὐτῶν πάσχοιεν πόνοισί τε ἰσχυροῖσι καὶ νούσοισ περιπίπτοντεσ καὶ διὰ τάχεοσ θανάτοισι. ἧσσον μὲν οὖν ταῦτα τότε εἰκὸσ ἦν πάσχειν διὰ τὴν συνήθειαν, ἰσχυρῶσ δὲ καὶ τότε. καὶ τοὺσ μὲν πλείστουσ τε καὶ ἀσθενεστέρην φύσιν ἔχοντασ ἀπόλλυσθαι εἰκόσ, τοὺσ δὲ τούτων ὑπερέχοντασ πλείω χρόνον ἀντέχειν· ὥσπερ καὶ νῦν ἀπὸ τῶν ἰσχυρῶν βρωμάτων οἱ μὲν Ῥηϊδίωσ ἀπαλλάσσονται, οἱ δὲ μετὰ πολλῶν πόνων τε καὶ κακῶν. διὰ δὴ ταύτην τὴν αἰτίην καὶ οὗτοί μοι δοκέουσι ζητῆσαι τροφὴν ἁρμόζουσαν τῇ φύσει καὶ εὑρεῖν ταύτην, ᾗ νῦν χρεώμεθα. ἐκ μὲν οὖν τῶν πυρῶν βρέξαντέσ σφασ καὶ πτίσαντεσ καὶ καταλέσαντέσ τε καὶ διασήσαντεσ καὶ φορύξαντεσ καὶ ὀπτήσαντεσ ἀπετέλεσαν ἄρτον, ἐκ δὲ τῶν κριθέων μᾶζαν· ἄλλα τε πολλὰ περὶ ταῦτα πρηγματευσάμενοι ἥψησάν τε καὶ ὤπτησαν καὶ ἔμιξαν, καὶ ἐκέρασαν τὰ ἰσχυρά τε καὶ ἄκρητα τοῖσ ἀσθενεστέροισ, πλάσσοντεσ πάντα πρὸσ τὴν τοῦ ἀνθρώπου φύσιν τε καὶ δύναμιν, ἡγεύμενοι, ὅσα μὲν ἂν ἰσχυρότερα ᾖ ἢ δυνήσεται κρατεῖν ἡ φύσισ, ἢν ἐμφέρηται, ἀπὸ τούτων δ’ αὐτῶν πόνουσ τε καὶ νούσουσ καὶ θανάτουσ ἔσεσθαι, ὁπόσων δ’ ἂν δύνηται ἐπικρατεῖν, ἀπὸ τούτων τροφήν τε καὶ αὔξησιν καὶ ὑγιείην. τῷ δὲ εὑρήματι τούτῳ καὶ ζητήματι τί ἄν τισ ὄνομα δικαιότερον ἢ προσῆκον μᾶλλον θείη ἢ ἰητρικήν; ὅτι γε εὑρ́ηται ἐπὶ τῇ τοῦ ἀνθρώπου ὑγιείῃ τε καὶ σωτηρίῃ καὶ τροφῇ, ἄλλαγμα ἐκείνησ τῆσ διαίτησ, ἐξ ἧσ οἱ πόνοι καὶ νοῦσοι καὶ θάνατοι ἐγίνοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, iii.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, iii.)

상위

목록

SEARCH

MENU NAVIGATION