헬라어 문장 검색 - Γαλεν́ΟντηεΝά3́11́0́

(갈레노스, On the Natural Faculties., G, section 11)

Συμπεραντέον οὖν ἡμῖν τὸν λόγον ἕνεκα τῶν τῆσ ἀληθείασ ἐφιεμένων ὅσα λείπει κατ’ αὐτὸν ἔτι προσθεῖσιν. ὡσ γὰρ ἡ γαστὴρ ἕλκει μὲν ἐναργῶσ καὶ κατασπᾷ τὰ σιτία τοῖσ σφόδρα πεινώδεσι, πρὶν ἀκριβῶσ ἐν τῷ στόματι λειωθῆναι, δυσχεραίνει δὲ καὶ ἀπωθεῖται τοῖσ ἀποσίτοισ τε καὶ πρὸσ ἀνάγκην ἐσθίουσιν, οὕτω καὶ τῶν ἄλλων ὀργάνων ἕκαστον ἀμφοτέρασ ἔχει τὰσ δυνάμεισ, τήν τε τῶν οἰκείων ἑλκτικὴν καὶ τὴν τῶν ἀλλοτρίων ἀποκριτικήν. καὶ διὰ τοῦτο, κἂν ἐξ ἑνὸσ ᾖ χιτῶνοσ ὄργανόν τι συνεστώσ, ὥσπερ καὶ αἱ κύστεισ ἀμφότεραι καὶ αἱ μῆτραι καὶ αἱ φλέβεσ, ἀμφότερα τῶν ἰνῶν ἔχει τὰ γένη, τῶν εὐθειῶν τε καὶ τῶν ἐγκαρσίων. Καὶ μέν γε καὶ τρίτον τι γένοσ ἰνῶν ἐστι τῶν λοξῶν, ἔλαττον πολὺ τῷ πλήθει τῶν προειρημένων δύο γενῶν. εὑρίσκεται δ’ ἐν μὲν τοῖσ ἐκ δυοῖν χιτώνων συνεστηκόσιν ὀργάνοισ ἐν θατέρῳ μόνῳ ταῖσ εὐθείαισ ἰσὶν ἀναμεμιγμένον, ἐν δὲ τοῖσ ἐξ ἑνὸσ ἅμα τοῖσ ἄλλοισ δύο γένεσι. συνεπιλαμβάνουσι δ’ αὗται μέγιστον τῇ τῆσ καθεκτικῆσ ὀνομασθείσησ δυνάμεωσ ἐνεργείᾳ· δεῖται γὰρ ἐν τούτῳ τῷ χρόνῳ πανταχόθεν ἐσφίγχθαι καὶ περιτετάσθαι τοῖσ ἐνυπάρχουσι τὸ μόριον, ἡ μὲν γαστὴρ ἐν τῷ τῆσ πέψεωσ, αἱ μῆτραι δ’ ἐν τῷ τῆσ κυήσεωσ χρόνῳ παντί. ταῦτ’ ἄρα καὶ ὁ τῆσ φλεβὸσ χιτὼν εἷσ ὢν ἐκ πολυειδῶν ἰνῶν ἐγένετο καὶ τῶν τῆσ ἀρτηρίασ ὁ μὲν ἔξωθεν ἐκ τῶν στρογγύλων, ὁ δ’ ἔσωθεν ἐκ μὲν τῶν εὐθειῶν πλείστων, ὀλίγων δέ τινων σὺν αὐταῖσ καὶ τῶν λοξῶν, ὥστε τὰσ μὲν φλέβασ ταῖσ μήτραισ καὶ ταῖσ κύστεσιν ἐοικέναι κατά γε τὴν τῶν ἰνῶν σύνθεσιν, εἰ καὶ τῷ πάχει λείπονται, τὰσ δ’ ἀρτηρίασ τῇ γαστρί. μόνα δὲ πάντων ὀργάνων ἐκ δυοῖν θ’ ἅμα καὶ ἀμφοτέρων ἐγκαρσίασ ἐχόντων τὰσ ἶνασ ἐγένετο τὰ ἔντερα. τὸ δ’ ὅτι βέλτιον ἦν τῶν τ’ ἄλλων ἑκάστῳ τοιούτῳ τὴν φύσιν ὑπάρχειν, οἱο͂́νπερ καὶ νῦν ἐστι, τοῖσ τ’ ἐντέροισ ἐκ δυοῖν ὁμοίων χιτώνων συγκεῖσθαι, τῆσ περὶ χρείασ μορίων πραγματείασ ἐστίν. οὔκουν νῦν χρὴ ποθεῖν ἀκούειν περὶ τῶν τοιούτων, ὥσπερ οὐδὲ διὰ τί περὶ τοῦ πλήθουσ τῶν χιτώνων ἑκάστου τῶν ὀργάνων διαπεφώνηται τοῖσ ἀνατομικοῖσ ἀνδράσιν. ὑπὲρ μὲν γὰρ τούτων αὐτάρκωσ ἐν τοῖσ περὶ τῆσ ἀνατομικῆσ διαφωνίασ εἴρηται· περὶ δὲ τοῦ διότι τοιοῦτον ἕκαστον ἐγένετο τῶν ὀργάνων, ἐν τοῖσ περὶ χρείασ μορίων εἰρήσεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., G, section 11

(갈레노스, On the Natural Faculties., G, section 11)

상위

목록

SEARCH

MENU NAVIGATION