Galen, On the Natural Faculties., G, section 6

(갈레노스, On the Natural Faculties., G, section 6)

ἔνεστι δὲ καὶ τοῦτο πολλάκισ ἐναργῶσ ἰδεῖν ἐπὶ τῶν ἀποσίτων· ἀναγκαζόμενοι γὰρ ἐσθίειν οὔτε καταπίνειν εὐσθενοῦσιν οὔτ’, εἰ καὶ βιάσαιντο, κατέχουσιν, ἀλλ’ εὐθὺσ ἀνεμοῦσι. καὶ οἱ ἄλλωσ δὲ τῶν ἐδεσμάτων πρὸσ ὁτιοῦν δυσχεραίνοντεσ βιασθέντεσ ἐνίοτε προσάρασθαι ταχέωσ ἐξεμοῦσιν, ἢ εἰ κατάσχοιεν βιασάμενοι, ναυτιώδεισ τ’ εἰσὶ καὶ τῆσ γαστρὸσ ὑπτίασ αἰσθάνονται καὶ σπευδούσησ ἀποθέσθαι τὸ λυποῦν. οὕτωσ ἐξ ἁπάντων τῶν φαινομένων, ὅπερ ἐξ ἀρχῆσ ἐρρέθη, μαρτυρεῖται τὸ δεῖν ὑπάρχειν τοῖσ τοῦ ζῳού μορίοισ σχεδὸν ἅπασιν ἔφεσιν μέν τινα καὶ οἱο͂ν ὄρεξιν τῆσ οἰκείασ ποιότητοσ, ἀποστροφὴν δέ τινα καὶ οἱο͂ν μῖσόσ τι τῆσ ἀλλοτρίασ. ἀλλ’ ἐφιέμενα μὲν ἕλκειν εὔλογον, ἀποστρεφόμενα δ’ ἐκκρίνειν. κἀκ τούτων πάλιν ἥ θ’ ἑλκτικὴ δύναμισ ἀποδείκνυται καθ’ ἅπαν ὑπάρχουσα καὶ ἡ προωστική. ἀλλ’ εἴπερ ἔφεσίσ τέ τίσ ἐστι καὶ ἕλξισ, εἰή ἄν τισ καὶ ἀπόλαυσισ· οὐδὲν γὰρ τῶν ὄντων ἕλκει τι δι’ αὐτὸ τὸ ἕλκειν, ἀλλ’ ἵν’ ἀπολαύσῃ τοῦ διὰ τῆσ ὁλκῆσ εὐπορηθέντοσ. καὶ μὴν ἀπολαύειν οὐ δύναται μὴ κατασχόν. κἀν τούτῳ πάλιν ἡ καθεκτικὴ δύναμισ ἀποδείκνυται τὴν γένεσιν ἀναγκαίαν ἔχουσα· σαφῶσ γὰρ ἐφίεται μὲν τῶν οἰκείων ποιοτήτων ἡ γαστήρ, ἀποστρέφεται δὲ τὰσ ἀλλοτρίασ. ἀλλ’ εἴπερ ἐφίεταί τε καὶ ἕλκει καὶ ἀπολαύει κατέχουσα καὶ περιστελλομένη, εἰή ἄν τι καὶ πέρασ αὐτῇ τῆσ ἀπολαύσεωσ κἀπὶ τῷδ’ ὁ καιρὸσ ἤδη τῆσ ἐκκριτικῆσ δυνάμεωσ ἐνεργούσησ.

일치하는 문장이 없습니다.

SEARCH

MENU NAVIGATION