Galen, On the Natural Faculties., G, section 5

(갈레노스, On the Natural Faculties., G, section 5)

ἅπαντ’ οὖν ἀλλήλοισ ὁμολογεῖ ταῦτα καὶ τῇ γαστρὶ καὶ ταῖσ ὑστέραισ καὶ ταῖσ κύστεσιν εἶναί τινασ ἐμφύτουσ δυνάμεισ καθεκτικὰσ μὲν τῶν οἰκείων ποιοτήτων, ἀποκριτικὰσ δὲ τῶν ἀλλοτρίων. ὅταν μὲν γὰρ ἐν τοῖσ κάτω μέρεσιν αὐτῆσ ἡ τοιαύτη γένηται διάθεσισ, ἐρρωμένων τῶν κατὰ τὸν στόμαχον, εἰσ διαρροίασ ἐτελεύτησεν, ὅταν δ’ ἐν τοῖσ κατὰ τὸ στόμα, τῶν ἄλλων εὐρωστούντων, εἰσ ἐμέτουσ. ὅτι μὲν γὰρ ἕλκει τὴν χολὴν εἰσ ἑαυτὴν ἡ ἐπὶ τῷ ἥπατι κύστισ, ἔμπροσθεν δέδεικται, ὅτι δὲ καὶ ἀποκρίνει καθ’ ἑκάστην ἡμέραν εἰσ τὴν γαστέρα, καὶ τοῦτ’ ἐναργῶσ φαίνεται. καὶ μὴν εἰ διεδέχετο τὴν ἑλκτικὴν δύναμιν ἡ ἐκκριτικὴ καὶ μὴ μέση τισ ἀμφοῖν ἦν ἡ καθεκτική, διὰ παντὸσ ἐχρῆν ἀνατεμνομένων τῶν ζῳών ἴσον πλῆθοσ χολῆσ εὑρίσκεσθαι κατὰ τὴν κύστιν· οὐ μὴν εὑρίσκεταί γε. ποτὲ μὲν γὰρ πληρεστάτη, ποτὲ δὲ κενοτάτη, ποτὲ δὲ τὰσ ἐν τῷ μεταξὺ διαφορὰσ ἔχουσα θεωρεῖται, καθάπερ καὶ ἡ ἑτέρα κύστισ ἡ τὸ οὖρον ὑποδεχομένη. ταύτησ μέν γε καὶ πρὸ τῆσ ἀνατομῆσ αἰσθανόμεθα, πρὶν ἀνιαθῆναι τῷ πλήθει βαρυνθεῖσαν ἢ τῇ δριμύτητι δηχθεῖσαν, ἀθροιζούσησ ἔτι τὸ οὖρον, ὡσ οὔσησ τινὸσ κἀνταῦθα δυνάμεωσ καθεκτικῆσ. οὕτω δὲ καὶ ἡ γαστὴρ ὑπὸ δριμύτητοσ πολλάκισ δηχθεῖσα πρωιαίτερον τοῦ δέοντοσ ἄπεπτον ἔτι τὴν τροφὴν ἀποτρίβεται. αὖθισ δ’ ἄν ποτε τῷ πλήθει βαρυνθεῖσα ἢ καὶ κατ’ ἄμφω συνελθόντα κακῶσ διατεθεῖσα διαρροίαισ ἑάλω. καὶ μέν γε καὶ οἱ ἔμετοι, τῷ πλήθει βαρυνθείσησ αὐτῆσ ἢ τὴν ποιότητα τῶν ἐν αὐτῇ σιτίων τε καὶ περιττωμάτων μὴ φερούσησ, ἀνάλογόν τι ταῖσ διαρροίαισ πάθημα τῆσ ἄνω γαστρόσ ἐστιν.

일치하는 문장이 없습니다.

SEARCH

MENU NAVIGATION