헬라어 문장 검색 - Γαλεν́ΟντηεΝά3́10́0́

(갈레노스, On the Natural Faculties., G, section 10)

καὶ λέγειν ἔτι περὶ τῆσ τούτων γενέσεωσ οὐκ ἂν ἐθέλοιμι μεθ’ Ἱπποκράτην καὶ Πλάτωνα καὶ Ἀριστοτέλην καὶ Διοκλέα καὶ Πραξαγόραν καὶ Φιλότιμον· οὐδὲ γὰρ οὐδὲ περὶ τῶν δυνάμεων εἶπον ἄν, εἴ τισ τῶν ἔμπροσθεν ἀκριβῶσ ἐξειργάσατο τὸν ὑπὲρ αὐτῶν λόγον. ἐπεὶ δ’ οἱ μὲν παλαιοὶ καλῶσ ὑπὲρ αὐτῶν ἀποφηνάμενοι παρέλιπον ἀγωνίσασθαι τῷ λόγῳ, μηδ’ ὑπονοήσαντεσ ἔσεσθαί τινασ εἰσ τοσοῦτον ἀναισχύντουσ σοφιστάσ, ὡσ ἀντιλέγειν ἐπιχειρῆσαι τοῖσ ἐναργέσιν, οἱ νεώτεροι δὲ τὸ μέν τι νικηθέντεσ ὑπὸ τῶν σοφισμάτων ἐπείσθησαν αὐτοῖσ, τὸ δέ τι καὶ ἀντιλέγειν ἐπιχειρήσαντεσ ἀποδεῖν μοι πολὺ τῆσ τῶν παλαιῶν ἔδοξαν δυνάμεωσ, διὰ τοῦθ’, ὡσ ἂν ἐκείνων αὐτῶν, εἴπερ ἔτ’ ἦν τισ, ἀγωνίσασθαί μοι δοκεῖ πρὸσ τοὺσ ἀνατρέποντασ τῆσ τέχνησ τὰ κάλλιστα, καὶ αὐτὸσ οὕτωσ ἐπειράθην συνθεῖναι τοὺσ λόγουσ. ὅτι δ’ ἢ οὐδὲν ἢ παντάπασιν ἀνύσω τι σμικρόν, οὐκ ἀγνοῶ· πάμπολλα γὰρ εὑρίσκω τελέωσ μὲν ἀποδεδειγμένα τοῖσ παλαιοῖσ, οὔτε δὲ συνετὰ τοῖσ πολλοῖσ τῶν νῦν δι’ ἀμαθίαν ἀλλ’ οὐδ’ ἐπιχειρούμενα γιγνώσκεσθαι διὰ Ῥᾳθυμίαν, οὔτ’, εἰ καὶ γνωσθείη τινί, δικαίωσ ἐξεταζόμενα. χρὴ γὰρ τὸν μέλλοντα γνώσεσθαί τι τῶν πολλῶν ἄμεινον εὐθὺσ μὲν καὶ τῇ φύσει καὶ τῇ πρώτῃ διδασκαλίᾳ πολὺ τῶν ἄλλων διενεγκεῖν· ἐπειδὰν δὲ γένηται μειράκιον, ἀληθείασ τινὰ σχεῖν ἐρωτικὴν μανίαν, ὥσπερ ἐνθουσιῶντα καὶ μήθ’ ἡμέρασ μήτε νυκτὸσ διαλείπειν σπεύδοντά τε καὶ συντεταμένον ἐκμαθεῖν, ὅσα τοῖσ ἐνδοξοτάτοισ εἴρηται τῶν παλαιῶν· ἐπειδὰν δ’ ἐκμάθῃ, κρίνειν αὐτὰ καὶ βασανίζειν χρόνῳ παμπόλλῳ καὶ σκοπεῖν, πόσα μὲν ὁμολογεῖ τοῖσ ἐναργῶσ φαινομένοισ, πόσα δὲ διαφέρεται, καὶ οὕτω τὰ μὲν αἱρεῖσθαι, τὰ δ’ ἀποστρέφεσθαι. τῷ μὲν δὴ τοιούτῳ πάνυ σφόδρα χρησίμουσ ἤλπικα τοὺσ ἡμετέρουσ ἔσεσθαι λόγουσ· εἰε͂ν δ’ ἂν ὀλίγοι παντάπασιν οὗτοι· τοῖσ δ’ ἄλλοισ οὕτω γενήσεται τὸ γράμμα περιττόν, ὡσ εἰ καὶ μῦθον ὄνῳ τισ λέγοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., G, section 10

(갈레노스, On the Natural Faculties., G, section 10)

상위

목록

SEARCH

MENU NAVIGATION