헬라어 문장 검색 - Γαλεν́ΟντηεΝά3́03́0́

(갈레노스, On the Natural Faculties., G, section 3)

εἰκὸσ οὖν καὶ τὴν δύναμιν ἐναργέστερον ἐν ταῖσ μήτραισ φωράσειν ἡμᾶσ τὴν καθεκτικήν, ὅσῳ καὶ πολυχρονιωτέραν τῆσ γαστρὸσ τὴν ἐνέργειαν κέκτηται. μησὶ γὰρ ἐννέα που ταῖσ πλείσταισ τῶν γυναικῶν ἐν αὐταῖσ τελειοῦται τὰ κυήματα, μεμυκυίαισ μὲν ἅπαντι τῷ αὐχένι, περιεχούσαισ δὲ πανταχόθεν αὐτὰ σὺν τῷ χορίῳ. καὶ πέρασ γε τῆσ τοῦ στόματοσ μύσεωσ καὶ τῆσ τοῦ κυουμένου κατὰ τὰσ μήτρασ μονῆσ ἡ χρεία τῆσ ἐνεργείασ ἐστίν· οὐ γὰρ ὡσ ἔτυχεν οὐδ’ ἀλόγωσ ἱκανὰσ περιστέλλεσθαι καὶ κατέχειν τὸ ἔμβρυον ἡ φύσισ ἀπείργασατο τὰσ ὑστέρασ, ἀλλ’ ἵν’ εἰσ τὸ πρέπον ἀφίκηται μέγεθοσ τὸ κυούμενον. ὅταν οὖν, οὗ χάριν ἐνήργουν τῇ καθεκτίκῇ δυνάμει, συμπεπληρωμένον ᾖ, ταύτην μὲν ἀνέπαυσάν τε καὶ εἰσ ἠρεμίαν ἐπανήγαγον, ἀντ’ αὐτῆσ δ’ ἑτέρᾳ χρῶνται τῆσ τέωσ ἡσυχαζούσῃ, τῇ προωστικῇ. ἦν δ’ ἄρα καὶ τῆσ ἐκείνησ ἡσυχίασ ὁρ́οσ ἡ χρεία καὶ τῆσ γ’ ἐνεργείασ ὡσαύτωσ ἡ χρεία· καλούσησ μὲν γὰρ αὐτῆσ ἐνεργεῖ, μὴ καλούσησ δ’ ἡσυχάζει. καὶ χρὴ πάλιν κἀνταῦθα καταμαθεῖν τῆσ φύσεωσ τὴν τέχνην, ὡσ οὐ μόνον ἐνεργειῶν χρησίμων δυνάμεισ ἐνέθηκεν ἑκάστῳ τῶν ὀργάνων, ἀλλὰ καὶ τοῦ τῶν ἡσυχιῶν τε καὶ κινήσεων καιροῦ προὐνοήσατο. καλῶσ μὲν γὰρ ἁπάντων γιγνομένων τῶν κατὰ τὴν κύησιν ἡ ἀποκριτικὴ δύναμισ ἡσυχάζει τελέωσ ὥσπερ οὐκ οὖσα, κακοπραγίασ δέ τινοσ γενομένησ ἢ περὶ τὸ χορίον ἢ περί τινα τῶν ἄλλων ὑμένων ἢ περὶ τὸ κυούμενον αὐτὸ καὶ τῆσ τελειώσεωσ αὐτοῦ παντάπασιν ἀπογνωσθείσησ οὐκέτ’ ἀναμένουσι τὸν ἐννεάμηνον αἱ μῆτραι χρόνον, ἀλλ’ ἡ μὲν καθεκτικὴ δύναμισ αὐτίκα δὴ πέπαυται καὶ παραχωρεῖ κινεῖσθαι τῇ πρότερον ἀργούσῃ, πράττει δ’ ἤδη τι καὶ πραγματεύεται χρηστὸν ἡ ἀποκριτική τε καὶ προωστική· καὶ γὰρ οὖν καὶ ταύτην οὕτωσ ἐκάλεσαν ἀπὸ τῶν ἐνεργειῶν αὐτῇ τὰ ὀνόματα θέμενοι καθάπερ καὶ ταῖσ ἄλλαισ. καί πωσ ὁ λόγοσ ἐοίκεν ὑπὲρ ἀμφοτέρων ἀποδείξειν ἅμα· καὶ γάρ τοι καὶ διαδεχομένασ αὐτὰσ ἀλλήλασ καὶ παραχωροῦσαν ἀεὶ τὴν ἑτέραν τῇ λοιπῇ, καθότι ἂν ἡ χρεία κελεύῃ, καὶ τὴν διδασκαλίαν κοινὴν οὐκ ἀπεικόσ ἐστι δέχεσθαι. τῆσ μὲν οὖν καθεκτικῆσ δυνάμεωσ ἔργον περιστεῖλαι τὰσ μήτρασ τῷ κυουμένῳ πανταχόθεν, ὥστ’ εὐλόγωσ ἁπτομέναισ μὲν ταῖσ μαιευτρίαισ τὸ στόμα μεμυκὸσ αὐτῶν φαίνεται, ταῖσ κυούσαισ δ’ αὐταῖσ κατὰ τὰσ πρώτασ ἡμέρασ καὶ μάλιστα κατ’ αὐτὴν ἐκείνην, ἐν ᾗπερ ἂν ἡ τῆσ γονῆσ σύλληψισ γένηται, κινουμένων τε καὶ συντρεχουσῶν εἰσ ἑαυτὰσ τῶν ὑστερῶν αἴσθησισ γίγνεται καὶ ἢν ἄμφω ταῦτα συμβῇ, μῦσαι μὲν τὸ στόμα χωρὶσ φλεγμονῆσ ἤ τινοσ ἄλλου παθήματοσ, αἴσθησιν δὲ τῆσ κατὰ τὰσ μήτρασ κινήσεωσ ἀκολουθῆσαι, πρὸσ αὑτὰσ ἤδη τὸ σπέρμα τὸ παρὰ τἀνδρὸσ εἰληφέναι τε καὶ κατέχειν αἱ γυναῖκεσ νομίζουσι. ταῦτα δ’ οὐχ ἡμεῖσ νῦν ἀναπλάττομεν ἡμῖν αὐτοῖσ, ἀλλ’ ἐκ μακρᾶσ πείρασ δοκιμασθέντα πᾶσι γέγραπται σχεδόν τι τοῖσ περὶ τούτων πραγματευσαμένοισ. Ἡρόφιλοσ μέν γε καὶ ὡσ οὐδὲ πυρῆνα μήλησ ἂν δέχοιτο τῶν μητρῶν τὸ στόμα, πρὶν ἀποκυεῖν τὴν γυναῖκα, καὶ ὡσ οὐδὲ τοὐλάχιστον ἔτι διέστηκεν, ἢν ὑπάρξηται κύειν, καὶ ὡσ ἐπὶ πλέον ἀναστομοῦνται κατὰ τὰσ τῶν ἐπιμηνίων φοράσ, οὐκ ὤκνησε γράφειν· συνομολογοῦσι δ’ αὐτῷ καὶ οἱ ἄλλοι πάντεσ οἱ περὶ τούτων πραγματευσάμενοι καὶ πρῶτόσ γ’ ἁπάντων ἰατρῶν τε καὶ φιλοσόφων Ἱπποκράτησ ἀπεφήνατο μύειν τὸ στόμα τῶν ὑστερῶν ἔν τε ταῖσ κυήσεσι καὶ ταῖσ φλεγμοναῖσ, ἀλλ’ ἐν μὲν ταῖσ κυήσεσιν οὐκ ἐξιστάμενον τῆσ φύσεωσ, ἐν δὲ ταῖσ φλεγμοναῖσ σκληρὸν γιγνόμενον. ἐπὶ δέ γε τῆσ ἐναντίασ τῆσ ἐκκριτικῆσ ἀνοίγνυται μὲν τὸ στόμα, προέρχεται δ’ ὁ πυθμὴν ἅπασ ὅσον οἱο͂́ν τ’ ἐγγυτάτω τοῦ στόματοσ ἀπωθούμενοσ ἔξω τὸ ἔμβρυον, ἅμα δ’ αὐτῷ καὶ τὰ συνεχῆ μέρη τὰ οἱο͂ν πλευρὰ τοῦ παντὸσ ὀργάνου συνεπιλαμβανόμενα τοῦ ἔργου θλίβει τε καὶ προωθεῖ πᾶν ἔξω τὸ ἔμβρυον. καὶ πολλαῖσ τῶν γυναικῶν ὠδῖνεσ βίαιοι τὰσ μήτρασ ὅλασ ἐκπεσεῖν ἠνάγκασαν ἀμέτρωσ χρησαμέναισ τῇ τοιαύτῃ δυνάμει, παραπλησίου τινὸσ γιγνομένου τῷ πολλάκισ ἐν πάλαισ τισὶ καὶ φιλονεικίαισ συμβαίνοντι, ὅταν ἀνατρέψαι τε καὶ καταβαλεῖν ἑτέρουσ σπεύδοντεσ αὐτοὶ συγκαταπέσωμεν. οὕτω γὰρ καὶ αἱ μῆτραι τὸ ἔμβρυον ὠθοῦσαι συνεξέπεσον ἐνίοτε καὶ μάλισθ’, ὅταν οἱ πρὸσ τὴν Ῥάχιν αὐτῶν σύνδεσμοι χαλαροὶ φύσει τυγχάνωσιν ὄντεσ. ἔστι δὲ καὶ τοῦτο θαυμαστόν τι τῆσ φύσεωσ σόφισμα, τὸ ζῶντοσ μὲν τοῦ κυήματοσ ἀκριβῶσ πάνυ μεμυκέναι τὸ στόμα τῶν μητρῶν, ἀποθανόντοσ δὲ παραχρῆμα διανοίγεσθαι τοσοῦτον, ὅσον εἰσ τὴν ἔξοδον αὐτοῦ διαφέρει. καὶ μέντοι καὶ αἱ μαῖαι τὰσ τικτούσασ οὐκ εὐθὺσ ἀνιστᾶσιν οὐδ’ ἐπὶ τὸν δίφρον καθίζουσιν, ἀλλ’ ἅπτονται πρότερον ἀνοιγομένου τοῦ στόματοσ κατὰ βραχὺ καὶ πρῶτον μέν, ὥστε τὸν μικρὸν δάκτυλον καθιέναι, διεστηκέναι φασίν, ἔπειτ’ ἤδη καὶ μεῖζον καὶ κατὰ βραχὺ δὴ πυνθανομένοισ ἡμῖν ἀποκρίνονται τὸ μέγεθοσ τῆσ διαστάσεωσ ἐπαυξανόμενον. ὅταν δ’ ἱκανὸν ᾖ πρὸσ τὴν τοῦ κυουμένου δίοδον, ἀνιστᾶσιν αὐτὰσ καὶ καθίζουσι καὶ προθυμεῖσθαι κελεύουσιν ἀπώσασθαι τὸ παιδίον. ἔστι δ’ ἤδη τοῦτο τὸ ἔργον, ὃ παρ’ ἑαυτῶν αἱ κύουσαι προστιθέασιν, οὐκέτι τῶν ὑστερῶν, ἀλλὰ τῶν κατ’ ἐπιγάστριον μυῶν, οἳ πρὸσ τὴν ἀποπάτησίν τε καὶ τὴν οὔρησιν ἡμῖν συνεργοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., G, section 3

(갈레노스, On the Natural Faculties., G, section 3)

상위

목록

SEARCH

MENU NAVIGATION