헬라어 문장 검색 - Γαλεν́ΟντηεΝά3́02́0́

(갈레노스, On the Natural Faculties., G, section 2)

ἀλλ’ ἡμεῖσ οὐ τούτῳ μόνῳ τῷ γένει τῆσ ἀποδείξεωσ εἰθισμένοι χρῆσθαι, προστιθέντεσ δ’ αὐτῷ καὶ τὰσ ἐκ τῶν ἐναργῶσ φαινομένων ἀναγκαζούσασ τε καὶ βιαζομένασ πίστεισ ἐπὶ τὰσ τοιαύτασ καὶ νῦν ἀφιξόμεθα καὶ δείξομεν ἐπὶ μέν τινων μορίων τοῦ σώματοσ οὕτωσ ἐναργῆ τὴν καθεκτικὴν δύναμιν, ὡσ αὐταῖσ ταῖσ αἰσθήσεσι διαγιγνώσκεσθαι τὴν ἐνέργειαν αὐτῆσ, ἐπὶ δέ τινων ἧττον μὲν ἐναργῶσ ταῖσ αἰσθήσεσι, λόγῳ δὲ κἀνταῦθα φωραθῆναι δυναμένην. Ἀρξώμεθ’ οὖν τῆσ διδασκαλίασ ἀπ’ αὐτοῦ τοῦ τέωσ πρῶτον μεθόδῳ τινὶ προχειρίσασθαι μόρι’ ἄττα τοῦ σώματοσ, ἐφ’ ὧν ἀκριβῶσ ἔστι βασανίσαι τε καὶ ζητῆσαι τὴν καθεκτικὴν δύναμιν ὁποία ποτ’ ἐστίν. ἆρ’ οὖν ἄμεινον ἄν τισ ἑτέρωθεν ἢ ἀπὸ τῶν μεγίστων τε καὶ κοιλοτάτων ὀργάνων ὑπάρξαιτο τῆσ ζητήσεωσ; ἐμοὶ μὲν οὖν οὐκ ἂν δοκεῖ βέλτιον. ἐναργεῖσ γοῦν εἰκὸσ ἐπὶ τούτων φανῆναι τὰσ ἐνεργείασ διὰ τὸ μέγεθοσ· ὡσ τά γε σμικρὰ τάχ’ ἄν, εἰ καὶ σφοδρὰν ἔχει τὴν τοιαύτην δύναμιν, ἀλλ’ οὐκ αἰσθήσει γ’ ἑτοίμην διαγιγνώσκεσθαι τὴν ἐνέργειαν αὐτῆσ. ἀλλ’ ἔστιν ἐν τοῖσ μάλιστα κοιλότατα καὶ μέγιστα τῶν τοῦ ζῳού μορίων ἥ τε γαστὴρ καὶ αἱ μῆτραί τε καὶ ὑστέραι καλούμεναι. τί οὖν κωλύει ταῦτα πρῶτα προχειρισαμένουσ ἐπισκέψασθαι τὰσ ἐνεργείασ αὐτῶν, ὅσαι μὲν καὶ πρὸ τῆσ ἀνατομῆσ δῆλαι, τὴν ἐξέτασιν ἐφ’ ἡμῶν αὐτῶν ποιουμένουσ, ὅσαι δ’ ἀμυδρότεραι, τὰ παραπλήσια διαιροῦντασ ἀνθ ρώπῳ ζῷα, οὐχ ὡσ οὐκ ἂν ἱκανῶσ τό γε καθόλου περὶ τῆσ ζητουμένησ δυνάμεωσ καὶ τῶν ἀνομοίων ἐνδειξομένων, ἀλλ’ ὡσ ἵν’ ἅμα τῷ κοινῷ καὶ τὸ ἴδιον ἐφ’ ἡμῶν αὐτῶν ἐγνωκότεσ εἴσ τε τὰσ διαγνώσεισ τῶν νοσημάτων καὶ τὰσ ἰάσεισ εὐπορώτεροι γιγνώμεθα. περὶ μὲν οὖν ἀμφοτέρων τῶν ὀργάνων ἅμα λέγειν ἀδύνατον, ἐν μέρει δ’ ὑπὲρ ἑκατέρου ποιησόμεθα τὸν λόγον ἀπὸ τοῦ σαφέστερον ἐνδείξασθαι δυναμένου τὴν καθεκτικὴν δύναμιν ἀρξάμενοι. κατέχει μὲν γὰρ καὶ ἡ γαστὴρ τὰ σιτία, μέχρι περ ἂν ἐκπέψῃ, κατέχουσι δὲ καὶ αἱ μῆτραι τὸ ἔμβρυον, ἔστ’ ἂν τελειώσωσιν· ἀλλὰ πολλαπλάσιόσ ἐστιν ὁ τῆσ τῶν ἐμβρύων τελειώσεωσ χρόνοσ τῆσ τῶν σιτίων πέψεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., G, section 2

(갈레노스, On the Natural Faculties., G, section 2)

상위

목록

SEARCH

MENU NAVIGATION