Euripides, episode 1:

(에우리피데스, episode 1:)

πόθεν ποτ’ ἦλθον δεῦρο; πῶσ δ’ ἀφικόμην; ἀμνημονῶ γάρ, τῶν πρὶν ἀπολειφθεὶσ φρενῶν. ὦ φίλταθ’, ὥσ μ’ ηὔφρανασ εἰσ ὕπνον πεσών. βούλῃ θίγω σου κἀνακουφίσω δέμασ; λαβοῦ λαβοῦ δῆτ’, ἐκ δ’ ὄμορξον ἀθλίου στόματοσ ἀφρώδη πέλανον ὀμμάτων τ’ ἐμῶν. ἰδού· τὸ δούλευμ’ ἡδύ, κοὐκ ἀναίνομαι ἀδέλφ’ ἀδελφῇ χειρὶ θεραπεύειν μέλη. ὑπόβαλε πλευροῖσ πλευρά, καὐχμώδη κόμην ἄφελε προσώπου· λεπτὰ γὰρ λεύσσω κόραισ. ὦ βοστρύχων πινῶδεσ ἄθλιον κάρα, ὡσ ἠγρίωσαι διὰ μακρᾶσ ἀλουσίασ. κλῖνόν μ’ ἐσ εὐνὴν αὖθισ· ὅταν ἀνῇ νόσοσ μανίασ, ἄναρθρόσ εἰμι κἀσθενῶ μέλη. ἰδού. φίλον τοι τῷ νοσοῦντι δέμνιον, ἀνιαρὸν ὂν τὸ κτῆμ’, ἀναγκαῖον δ’ ὅμωσ. αὖθίσ μ’ ἐσ ὀρθὸν στῆσον, ἀνακύκλει δέμασ· δυσάρεστον οἱ νοσοῦντεσ ἀπορίασ ὕπο. ἦ κἀπὶ γαίασ ἁρμόσαι πόδασ θέλεισ, χρόνιον ἴχνοσ θείσ; μεταβολὴ πάντων γλυκύ. μάλιστα· δόξαν γὰρ τόδ’ ὑγιείασ ἔχει. κρεῖσσον δὲ τὸ δοκεῖν, κἂν ἀληθείασ ἀπῇ. ἄκουε δὴ νῦν, ὦ κασίγνητον κάρα, ἑώσ ἐῶσιν εὖ φρονεῖν Ἐρινύεσ. λέξεισ τι καινόν· κεἰ μὲν εὖ, χάριν φέρεισ· εἰ δ’ ἐσ βλάβην τιν’, ἅλισ ἔχω τὸ δυστυχεῖν. Μενέλαοσ ἥκει, σοῦ κασίγνητοσ πατρόσ, ἐν Ναυπλίᾳ δὲ σέλμαθ’ ὡρ́μισται νεῶν. πῶσ εἶπασ; ἥκει φῶσ ἐμοῖσ καὶ σοῖσ κακοῖσ ἀνὴρ ὁμογενὴσ καὶ χάριτασ ἔχων πατρόσ; ἥκει ‐ τὸ πιστὸν τόδε λόγων ἐμῶν δέχου ‐ Ἑλένην ἀγόμενοσ Τρωικῶν ἐκ τειχέων. εἰ μόνοσ ἐσώθη, μᾶλλον ἂν ζηλωτὸσ ἦν· εἰ δ’ ἄλοχον ἄγεται, κακὸν ἔχων ἥκει μέγα. ἐπίσημον ἔτεκε Τυνδάρεωσ ἐσ τὸν ψόγον γένοσ θυγατέρων δυσκλεέσ τ’ ἀν’ Ἑλλάδα. σύ νυν διάφερε τῶν κακῶν· ἔξεστι γάρ· καὶ μὴ μόνον λέγ’, ἀλλὰ καὶ φρόνει τάδε.

일치하는 문장이 없습니다.

SEARCH

MENU NAVIGATION