Euripides, Iphigenia in Tauris, episode, iambic 6:

(에우리피데스, Iphigenia in Tauris, episode, iambic 6:)

ὦ φίλταται γυναῖκεσ, εἰσ ὑμᾶσ βλέπω, καὶ τἄμ’ ἐν ὑμῖν ἐστιν ἢ καλῶσ ἔχειν ἢ μηδὲν εἶναι καὶ στερηθῆναι πάτρασ φίλου τ’ ἀδελφοῦ φιλτάτησ τε συγγόνου. καὶ πρῶτα μέν μοι τοῦ λόγου τάδ’ ἀρχέτω· γυναῖκέσ ἐσμεν, φιλόφρον ἀλλήλαισ γένοσ σῴζειν τε κοινὰ πράγματ’ ἀσφαλέσταται. σιγήσαθ’ ἡμῖν καὶ συνεκπονήσατε φυγάσ. καλόν τοι γλῶσσ’ ὅτῳ πιστὴ παρῇ. ὁρᾶτε δ’ ὡσ τρεῖσ μία τύχη τοὺσ φιλτάτουσ, ἢ γῆσ πατρῴασ νόστον ἢ θανεῖν ἔχει. σωθεῖσα δ’, ὡσ ἂν καὶ σὺ κοινωνῇσ τύχησ, σώσω σ’ ἐσ Ἑλλάδ’. ἀλλὰ πρόσ σε δεξιᾶσ σὲ καὶ σὲ ἱκνοῦμαι, σὲ δὲ φίλησ παρηίδοσ, γονάτων τε καὶ τῶν ἐν δόμοισι φιλτάτων μητρὸσ πατρόσ τε καὶ τέκνων ὅτῳ κυρεῖ. τί φατέ; τίσ ὑμῶν φησιν ἢ τίσ οὐ θέλειν ‐ φθέγξασθε ‐ ταῦτα; μὴ γὰρ αἰνουσῶν λόγουσ ὄλωλα κἀγὼ καὶ κασίγνητοσ τάλασ. θάρσει, φίλη δέσποινα, καὶ σῴζου μόνον· ὡσ ἔκ γ’ ἐμοῦ σοι πάντα σιγηθήσεται ‐ ἴστω μέγασ Ζεύσ ‐ ὧν ἐπισκήπτεισ πέρι. ὄναισθε μύθων καὶ γένοισθ’ εὐδαίμονεσ.

일치하는 문장이 없습니다.

SEARCH

MENU NAVIGATION