Euripides, Iphigenia in Tauris, episode, iambic 5:

(에우리피데스, Iphigenia in Tauris, episode, iambic 5:)

πῶσ οὖν γένοιτ’ ἂν ὥστε μήθ’ ἡμᾶσ θανεῖν, λαβεῖν θ’ ἃ βουλόμεσθα; τῇδε γὰρ νοσεῖ νόστοσ πρὸσ οἴκουσ· ἡ δὲ βούλησισ πάρα. ἆρ’ ἂν τύραννον διολέσαι δυναίμεθ’ ἄν; δεινὸν τόδ’ εἶπασ, ξενοφονεῖν ἐπήλυδασ. ἀλλ’, εἰ σὲ σώσει κἀμέ, κινδυνευτέον. οὐκ ἂν δυναίμην· τὸ δὲ πρόθυμον ᾔνεσα. τί δ’, εἴ με ναῷ τῷδε κρύψειασ λάθρα; ὡσ δὴ σκότον λαβόντεσ ἐκσωθεῖμεν ἄν; κλεπτῶν γὰρ ἡ νύξ, τῆσ δ’ ἀληθείασ τὸ φῶσ. εἴσ’ ἔνδον ἱεροὶ φύλακεσ, οὓσ οὐ λήσομεν. οἴμοι, διεφθάρμεσθα· πῶσ σωθεῖμεν ἄν; ἔχειν δοκῶ μοι καινὸν ἐξεύρημά τι. ποῖόν τι; δόξησ μετάδοσ, ὡσ κἀγὼ μάθω. ταῖσ σαῖσ ἀνίαισ χρήσομαι σοφίσμασι. δειναὶ γὰρ αἱ γυναῖκεσ εὑρίσκειν τέχνασ. φονέα σε φήσω μητρὸσ ἐξ Ἄργουσ μολεῖν. χρῆσαι κακοῖσι τοῖσ ἐμοῖσ, εἰ κερδανεῖσ. ὡσ οὐ θέμισ γε λέξομεν θύειν θεᾷ, τίν’ αἰτίαν ἔχουσ’; ὑποπτεύω τι γάρ. οὐ καθαρὸν ὄντα· τὸ δ’ ὅσιον δώσω φόβῳ. τί δῆτα μᾶλλον θεᾶσ ἄγαλμ’ ἁλίσκεται; πόντου σε πηγαῖσ ἁγνίσαι βουλήσομαι, ἔτ’ ἐν δόμοισι βρέτασ, ἐφ’ ᾧ πεπλεύκαμεν. κἀκεῖνο νίψαι, σοῦ θιγόντοσ ὥσ, ἐρῶ. ποῖ δῆτα; πόντου νοτερὸν εἶπασ ἔκβολον; οὗ ναῦσ χαλινοῖσ λινοδέτοισ ὁρμεῖ σέθεν. σὺ δ’ ἤ τισ ἄλλοσ ἐν χεροῖν οἴσει βρέτασ; ἐγώ· θιγεῖν γὰρ ὅσιόν ἐστ’ ἐμοὶ μόνῃ. Πυλάδησ δ’ ὅδ’ ἡμῖν ποῦ τετάξεται πόνου; ταὐτὸν χεροῖν σοὶ λέξεται μίασμ’ ἔχων. λάθρα δ’ ἄνακτοσ ἢ εἰδότοσ δράσεισ τάδε; πείσασα μύθοισ· οὐ γὰρ ἂν λάθοιμί γε. καὶ μὴν νεώσ γε πίτυλοσ εὐήρησ πάρα. σοὶ δὴ μέλειν χρὴ τἄλλ’ ὅπωσ ἕξει καλῶσ. ἑνὸσ μόνου δεῖ, τάσδε συγκρύψαι τάδε. ἀλλ’ ἀντίαζε καὶ λόγουσ πειστηρίουσ εὑρ́ισκ’· ἔχει τοι δύναμιν εἰσ οἶκτον γυνή. τὰ δ’ ἄλλ’ ἴσωσ ‐ . ἅπαντα συμβαίη καλῶσ.

일치하는 문장이 없습니다.

SEARCH

MENU NAVIGATION