Euripides, Iphigenia in Tauris, episode, iambic 3:

(에우리피데스, Iphigenia in Tauris, episode, iambic 3:)

ὡσ δ’ εἰσ Ἄρειον ὄχθον ἧκον, ἐσ δίκην ἔστην, ἐγὼ μὲν θάτερον λαβὼν βάθρον, τὸ δ’ ἄλλο πρέσβειρ’ ἥπερ ἦν Ἐρινύων. ὡσ τἄμ’ ὄλωλε πάντα καὶ τὰ Πελοπιδῶν, οὐράνιον εἰ μὴ ληψόμεσθα θεᾶσ βρέτασ. εἰπὼν <δ’> ἀκούσασ θ’ αἵματοσ μητρὸσ πέρι, Φοῖβόσ μ’ ἔσῳσε μαρτυρῶν, ἴσασ δέ μοι ψήφουσ διηρίθμησε Παλλὰσ ὠλένῃ· νικῶν δ’ ἀπῆρα φόνια πειρατήρια. ὅσαι μὲν οὖν ἕζοντο πεισθεῖσαι δίκῃ, ψῆφον παρ’ αὐτὴν ἱερὸν ὡρίσαντ’ ἔχειν· ὅσαι δ’ Ἐρινύων οὐκ ἐπείσθησαν νόμῳ, δρόμοισ ἀνιδρύτοισιν ἠλάστρουν μ’ ἀεί, ἑώσ ἐσ ἁγνὸν ἦλθον αὖ Φοίβου πέδον, καὶ πρόσθεν ἀδύτων ἐκταθείσ, νῆστισ βορᾶσ, ἐπώμοσ’ αὐτοῦ βίον ἀπορρήξειν θανών, εἰ μή με σώσει Φοῖβοσ, ὅσ μ’ ἀπώλεσεν. ἐντεῦθεν αὐδὴν τρίποδοσ ἐκ χρυσοῦ λακὼν Φοῖβόσ μ’ ἔπεμψε δεῦρο, διοπετὲσ λαβεῖν ἄγαλμ’ Ἀθηνῶν τ’ ἐγκαθιδρῦσαι χθονί. ἀλλ’ ἥνπερ ἡμῖν ὡρ́ισεν σωτηρίαν, σύμπραξον· ἢν γὰρ θεᾶσ κατάσχωμεν βρέτασ, μανιῶν τε λήξω καὶ σὲ πολυκώπῳ σκάφει στείλασ Μυκήναισ ἐγκαταστήσω πάλιν. ἀλλ’, ὦ φιληθεῖσ’, ὦ κασίγνητον κάρα, σῷσον πατρῷον οἶκον, ἔκσῳσον δ’ ἐμέ·

일치하는 문장이 없습니다.

SEARCH

MENU NAVIGATION