Euripides, Iphigenia in Tauris, episode, lyric 9:

(에우리피데스, Iphigenia in Tauris, episode, lyric 9:)

ξέν’, οὐ δικαίωσ τῆσ θεοῦ τὴν πρόσπολον χραίνεισ ἀθίκτοισ περιβαλὼν πέπλοισ χέρα. ὦ συγκασιγνήτη τε κἀκ ταὐτοῦ πατρὸσ Ἀγαμέμνονοσ γεγῶσα, μή μ’ ἀποστρέφου, ἔχουσ’ ἀδελφόν, οὐ δοκοῦσ’ ἕξειν ποτέ. ἐγώ σ’ ἀδελφὸν τὸν ἐμόν; οὐ παύσῃ λέγων; τὸ δ’ Ἄργοσ αὐτοῦ μεστὸν ἥ τε Ναυπλία. οὐκ ἔστ’ ἐκεῖ σόσ, ὦ τάλαινα, σύγγονοσ. ἀλλ’ ἡ Λάκαινα Τυνδαρίσ σ’ ἐγείνατο; Πέλοπόσ γε παιδὶ παιδόσ, οὗ ’κπέφυκ’ ἐγώ. τί φῄσ; ἔχεισ τι τῶνδέ μοι τεκμήριον; ἔχω· πατρῴων ἐκ δόμων τι πυνθάνου. οὐκοῦν λέγειν μὲν χρὴ σέ, μανθάνειν δ’ ἐμέ. λέγοιμ’ ἄν, ἀκοῇ πρῶτον Ἠλέκτρασ τάδε· Ἀτρέωσ Θυέστου τ’ οἶσθα γενομένην ἔριν; ἤκουσα· χρυσῆσ ἀρνὸσ ἦν νείκη πέρι. ταῦτ’ οὖν ὑφήνασ’ οἶσθ’ ἐν εὐπήνοισ ὑφαῖσ; ὦ φίλτατ’, ἐγγὺσ τῶν ἐμῶν κάμπτεισ φρενῶν. εἰκώ τ’ ἐν ἱστοῖσ ἡλίου μετάστασιν; ὕφηνα καὶ τόδ’ εἶδοσ εὐμίτοισ πλοκαῖσ. καὶ λούτρ’ ἐσ Αὖλιν μητρὸσ ἀνεδέξω πάρα; οἶδ’· οὐ γὰρ ὁ γάμοσ ἐσθλὸσ ὤν μ’ ἀφείλετο. τί γάρ; κόμασ σὰσ μητρὶ δοῦσα σῇ φέρειν; μνημεῖά γ’ ἀντὶ σώματοσ τοὐμοῦ τάφῳ. ἃ δ’ εἶδον αὐτόσ, τάδε φράσω τεκμήρια· Πέλοποσ παλαιὰν ἐν δόμοισ λόγχην πατρόσ, ἣν χερσὶ πάλλων παρθένον Πισάτιδα ἐκτήσαθ’ Ἱπποδάμειαν, Οἰνόμαον κτανών, ἐν παρθενῶσι τοῖσι σοῖσ κεκρυμμένην.

일치하는 문장이 없습니다.

SEARCH

MENU NAVIGATION