헬라어 문장 검색 - ΕυριπίΗεραξλέ07́00́0́

(에우리피데스, Heracles, episode)

ἐσ καιρὸν οἴκων Ἀμφιτρύων ἔξω περᾷ· χρόνοσ γὰρ ἤδη δαρὸσ ἐξ ὅτου πέπλοισ κοσμεῖσθε σῶμα καὶ νεκρῶν ἀγάλμασιν. ἀλλ’ εἰᾶ, παῖδασ καὶ δάμαρθ’ Ἡρακλέουσ ἔξω κέλευε τῶνδε φαίνεσθαι δόμων, ἐφ’ οἷσ ὑπέστητ’ αὐτεπάγγελτοι θανεῖν. ἄναξ, διώκεισ μ’ ἀθλίωσ πεπραγότα ὕβριν θ’ ὑβρίζεισ ἐπὶ θανοῦσι τοῖσ ἐμοῖσ· ἃ χρῆν σε μετρίωσ, κεἰ κρατεῖσ, σπουδὴν ἔχειν. ἐπεὶ δ’ ἀνάγκην προστίθησ ἡμῖν θανεῖν, στέργειν ἀνάγκη· δραστέον δ’ ἃ σοὶ δοκεῖ. ποῦ δῆτα Μεγάρα; ποῦ τέκν’ Ἀλκμήνησ γόνου; δοκῶ μὲν αὐτήν, ὡσ θύραθεν εἰκάσαι ‐ τί χρῆμα δόξησ; τοῦ δ’ ἔχεισ τεκμήριον; ἱκέτιν πρὸσ ἁγνοῖσ Ἑστίασ θάσσειν βάθροισ . . . ἀνόνητά γ’ ἱκετεύουσαν ἐκσῷσαι βίον. καὶ τὸν θανόντα γ’ ἀνακαλεῖν μάτην πόσιν. ὃ δ’ οὐ πάρεστιν οὐδὲ μὴ μόλῃ ποτέ. οὔκ, εἴ γε μή τισ θεῶν ἀναστήσειέ νιν. χώρει πρὸσ αὐτὴν κἀκκόμιζε δωμάτων. μέτοχοσ ἂν εἰήν τοῦ φόνου δράσασ τόδε. ἡμεῖσ, ἐπειδὴ σοὶ τόδ’ ἔστ’ ἐνθύμιον, οἱ δειμάτων ἔξωθεν ἐκπορεύσομεν σὺν μητρὶ παῖδασ. δεῦρ’ ἕπεσθε, πρόσπολοι, ὡσ ἂν σχολὴν λύσωμεν ἄσμενοι πόνων. σὺ δ’ οὖν ἴθ’, ἔρχῃ δ’ οἷ χρεών· τὰ δ’ ἄλλ’ ἴσωσ ἄλλῳ μελήσει. προσδόκα δὲ δρῶν κακῶσ κακόν τι πράξειν. ὦ γέροντεσ, ἐσ καλὸν στείχει, βρόχοισι δ’ ἀρκύων γενήσεται ξιφηφόροισι, τοὺσ πέλασ δοκῶν κτενεῖν ὁ παγκάκιστοσ. εἶμι δ’, ὡσ ἴδω νεκρὸν πίπτοντ’· ἔχει γὰρ ἡδονὰσ θνῄσκων ἀνὴρ ἐχθρὸσ τίνων τε τῶν δεδραμένων δίκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Heracles, episode

(에우리피데스, Heracles, episode)

상위

목록

SEARCH

MENU NAVIGATION