Euripides, Heracles, episode

(에우리피데스, Heracles, episode)

ἐσ καιρὸν οἴκων Ἀμφιτρύων ἔξω περᾷ· χρόνοσ γὰρ ἤδη δαρὸσ ἐξ ὅτου πέπλοισ κοσμεῖσθε σῶμα καὶ νεκρῶν ἀγάλμασιν. ἀλλ’ εἰᾶ, παῖδασ καὶ δάμαρθ’ Ἡρακλέουσ ἔξω κέλευε τῶνδε φαίνεσθαι δόμων, ἐφ’ οἷσ ὑπέστητ’ αὐτεπάγγελτοι θανεῖν. ἄναξ, διώκεισ μ’ ἀθλίωσ πεπραγότα ὕβριν θ’ ὑβρίζεισ ἐπὶ θανοῦσι τοῖσ ἐμοῖσ· ἃ χρῆν σε μετρίωσ, κεἰ κρατεῖσ, σπουδὴν ἔχειν. ἐπεὶ δ’ ἀνάγκην προστίθησ ἡμῖν θανεῖν, στέργειν ἀνάγκη· δραστέον δ’ ἃ σοὶ δοκεῖ. ποῦ δῆτα Μεγάρα; ποῦ τέκν’ Ἀλκμήνησ γόνου; δοκῶ μὲν αὐτήν, ὡσ θύραθεν εἰκάσαι ‐ τί χρῆμα δόξησ; τοῦ δ’ ἔχεισ τεκμήριον; ἱκέτιν πρὸσ ἁγνοῖσ Ἑστίασ θάσσειν βάθροισ . . . ἀνόνητά γ’ ἱκετεύουσαν ἐκσῷσαι βίον. καὶ τὸν θανόντα γ’ ἀνακαλεῖν μάτην πόσιν. ὃ δ’ οὐ πάρεστιν οὐδὲ μὴ μόλῃ ποτέ. οὔκ, εἴ γε μή τισ θεῶν ἀναστήσειέ νιν. χώρει πρὸσ αὐτὴν κἀκκόμιζε δωμάτων. μέτοχοσ ἂν εἰήν τοῦ φόνου δράσασ τόδε. ἡμεῖσ, ἐπειδὴ σοὶ τόδ’ ἔστ’ ἐνθύμιον, οἱ δειμάτων ἔξωθεν ἐκπορεύσομεν σὺν μητρὶ παῖδασ. δεῦρ’ ἕπεσθε, πρόσπολοι, ὡσ ἂν σχολὴν λύσωμεν ἄσμενοι πόνων. σὺ δ’ οὖν ἴθ’, ἔρχῃ δ’ οἷ χρεών· τὰ δ’ ἄλλ’ ἴσωσ ἄλλῳ μελήσει. προσδόκα δὲ δρῶν κακῶσ κακόν τι πράξειν. ὦ γέροντεσ, ἐσ καλὸν στείχει, βρόχοισι δ’ ἀρκύων γενήσεται ξιφηφόροισι, τοὺσ πέλασ δοκῶν κτενεῖν ὁ παγκάκιστοσ. εἶμι δ’, ὡσ ἴδω νεκρὸν πίπτοντ’· ἔχει γὰρ ἡδονὰσ θνῄσκων ἀνὴρ ἐχθρὸσ τίνων τε τῶν δεδραμένων δίκην.

일치하는 문장이 없습니다.

SEARCH

MENU NAVIGATION