Euripides, Heracles, episode 1:

(에우리피데스, Heracles, episode 1:)

τῷ τοῦ Διὸσ μὲν Ζεὺσ ἀμυνέτω μέρει παιδόσ· τὸ δ’ εἰσ ἔμ’, Ἡράκλεισ, ἐμοὶ μέλει λόγοισι τὴν τοῦδ’ ἀμαθίαν ὑπὲρ σέθεν δεῖξαι· κακῶσ γάρ σ’ οὐκ ἐατέον κλύειν. πρῶτον μὲν οὖν τἄρρητ’ ‐ ἐν ἀρρήτοισι γὰρ τὴν σὴν νομίζω δειλίαν, Ἡράκλεεσ ‐ σὺν μάρτυσιν θεοῖσ δεῖ μ’ ἀπαλλάξαι σέθεν. Διὸσ κεραυνόν τ’ ἠρόμην τέθριππά τε, ἐν οἷσ βεβηκὼσ τοῖσι γῆσ βλαστήμασιν Γίγασι πλευροῖσ πτήν’ ἐναρμόσασ βέλη τὸν καλλίνικον μετὰ θεῶν ἐκώμασεν· τετρασκελέσ θ’ ὕβρισμα, Κενταύρων γένοσ, Φολόην ἐπελθών, ὦ κάκιστε βασιλέων, ἐροῦ τίν’ ἄνδρ’ ἄριστον ἐγκρίνειαν ἄν, ἢ οὐ παῖδα τὸν ἐμόν, ὃν σὺ φῂσ εἶναι δοκεῖν. Δίρφυν τ’ ἐρωτῶν ἥ σ’ ἔθρεψ’ Ἀβαντίδα . . . οὐκ ἄν σ’ ἐπαινέσειεν· οὐ γὰρ ἔσθ’ ὅπου ἐσθλόν τι δράσασ μάρτυρ’ ἂν λάβοισ πάτραν. τὸ πάνσοφον δ’ εὑρ́ημα, τοξήρη σαγήν, μέμφῃ· κλύων νῦν τἀπ’ ἐμοῦ σοφὸσ γενοῦ. ἀνὴρ ὁπλίτησ δοῦλόσ ἐστι τῶν ὅπλων καὶ τοῖσι συνταχθεῖσιν οὖσι μὴ ἀγαθοῖσ αὐτὸσ τέθνηκε δειλίᾳ τῇ τῶν πέλασ, θραύσασ τε λόγχην οὐκ ἔχει τῷ σώματι θάνατον ἀμῦναι, μίαν ἔχων ἀλκὴν μόνον· ὅσοι δὲ τόξοισ χεῖρ’ ἔχουσιν εὔστοχον, ἓν μὲν τὸ λῷστον, μυρίουσ οἰστοὺσ ἀφεὶσ ἄλλοισ τὸ σῶμα ῥύεται μὴ κατθανεῖν, ἑκὰσ δ’ ἀφεστὼσ πολεμίουσ ἀμύνεται τυφλοῖσ ὁρῶντασ οὐτάσασ τοξεύμασιν τὸ σῶμά τ’ οὐ δίδωσι τοῖσ ἐναντίοισ, ἐν εὐφυλάκτῳ δ’ ἐστί· τοῦτο δ’ ἐν μάχῃ σοφὸν μάλιστα, δρῶντα πολεμίουσ κακῶσ σῴζειν τὸ σῶμα, μὴ ’κ τύχησ ὡρμισμένον. λόγοι μὲν οἵδε τοῖσι σοῖσ ἐναντίαν γνώμην ἔχουσι τῶν καθεστώτων πέρι. παῖδασ δὲ δὴ τί τούσδ’ ἀποκτεῖναι θέλεισ; τί σ’ οἵδ’ ἔδρασαν; ἕν τί σ’ ἡγοῦμαι σοφόν, εἰ τῶν ἀρίστων τἄκγον’ αὐτὸσ ὢν κακὸσ δέδοικασ. ἀλλὰ τοῦθ’ ὅμωσ ἡμῖν βαρύ, εἰ δειλίασ σῆσ κατθανούμεθ’ εἵνεκα, ὃ χρῆν σ’ ὑφ’ ἡμῶν τῶν ἀμεινόνων παθεῖν, εἰ Ζεὺσ δικαίασ εἶχεν εἰσ ἡμᾶσ φρένασ. εἰ δ’ οὖν ἔχειν γῆσ σκῆπτρα τῆσδ’ αὐτὸσ θέλεισ, ἐάσον ἡμᾶσ φυγάδασ ἐξελθεῖν χθονόσ· βίᾳ δὲ δράσῃσ μηδέν, ἢ πείσῃ βίαν, ὅταν θεοῦ σοι πνεῦμα μεταβαλὸν τύχῃ.

일치하는 문장이 없습니다.

SEARCH

MENU NAVIGATION